DANIEL 6:20 - DAÜLANGPÜ LAIHING (BSI)

²⁰ Mechem büpa mailang khok ngoipa, büpai mongshangei Daniel kü wongmü lenei, “Oh Daniel, vanyangyem Kahvang chongphobü, nüngi lanei shuoh-ei chongphopü Kahvangi nüng mailangthü kübüao yangphaaokpü je?” shei e.

DANIEL 6:20 Referans Kwoze

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

DANIEL 6:27

Büpai hunglangtü yangnyüpeih; büpai vangshothü hatü kahdoknyü kü nyangeihepü, hatü yashanyale dou düknyüke. Mailangthüi Daniel jütükhen kübüao büpai yangteke.”

1 SHÜPPÜKENGPÜ 16:11

Shembüpa kü veituh hatü büpalei wong kü düngei büpalei dhe yemtuh.

DANIEL 6:16

Hahepak kü ongpai Daniel yephen ngeükhüam shuoh hatü büpa mailang khok kü yepei shükshuohteke. Ongpai Daniel kü, “Nüngi lanei shuoh-ei chongphopü Kahvangi nüng nyemyangpha!” shei eshuohteke.

DANIEL 3:17

Nüngi hamphong awbhaong kü yepei shükphülangmao, hamphongi chongphopü Kahvangi haleipao ham yangphaaokhen, hatü büpai nüngei lak kübüao yangphaaokhen hih, Oh Ongpa.

JAKOB 1:25

Shejao üami bümei leihüpü changpüshapü shahkung kü lekei veihen, hatü mehe dan ha nebetüki nedoh-i dükei daijema, jomi dükpü kü jom kü moihimanhen.

2 KORINT 1:10

Dihen vongshüh kübü yangphopü büpai nedoh-i ham yangphahen; shao büpai ham yangphahen shei hami büpa kü monglemnyeih.

LUK SHAHSHA APPÜ 18:1

Hahepak kü Jisui jomphong kü düngei phophen hatü mong nemahhen vongbong shei shahlap hük eteke.

LUK SHAHSHA APPÜ 1:37

Mehenangkü Kahvang mü meheyao ne-aokhen neshiü” shei e.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

DANIEL 3:15

Shaang, ammi amit, liping, kongkoih, harp, phaam hatü lebü kesho lokpü hadir vüngpü danhinüng, aümei shaei lajei kü khümtuh. Shejao ammi hapakei nekhümjema, am peü shaang-üng yepei bah-ei nyupü awbhaong kü shüktükhen. Mepa kahvangi am ngelei lak kübü yangaokhenang?”

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

MENVIH KESHO 73:23

Hapakei vaijao ngei düngei nüng mü nyüpeih; nüngi ngelei lakdah phikü shongnyeih.

BHEI-IE 11:23

Shembüpai Mosa kü, “Shembüpalei nganhiwong maani mon nyüpü hiang? Ngei epü jiüshi nevamkahen hi vamkahenshang nüngi shaang eehen” shei e.

KAHBHAO 18:14

Shembüpai neaokbenüng lemhük nyüpü je? Jiüpü hepak hük kü ngei nyokei leikahen, hatü Sarah-i yeshang hük büh-ei nyuhen” shei e.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

KOLOSI 4:2

Phoppü kü lanei shuohtuh, hatü menvih shuoh-ei hapa kü thashimashi nyutuh.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

PHONGSHANTHÜ DOU 6:4

shejao hamphong payü phoppü hatü chongvenlemlingpü kü lanei shuohhen” shei e.

MENVIH KESHO 146:2

Ngei nyu-aa thahshi ngei Shembüpa vihhen; ngelei yangnyu den kemei ngei ngelei Kahvang menvih kesho lokhen.

MENVIH KESHO 119:112

Dohpü thahshi düngei nüngei shahkung banghen ngelei mong kü temtüktih.

DANIEL 6:19

Vangngaisho kü ongpa paoei mailang khaokei mokei heih.

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’