DANIEL 6:10 - DAÜLANGPÜ LAIHING (BSI)

¹⁰ Shaang, mechem Danieli shahkungnyü yanteke shei danpa, büpa shemei leiyei büpai düngei phopteipükei shem jaandokei aongei Jerusalem phi kübü ümha shadenthü aptü nyih kü jempa jempa aümei shaei büpalei Kahvang kü phop hatü menvih shuohteke.

DANIEL 6:10 Referans Kwoze

MENVIH KESHO 55:17

Dhom, om hatü nyihnüng ngei thepei lennyeih, hatü büpai ngelei ngeü dannyeih.

PHONGSHANTHÜ DOU 5:29

Shejao Peter hatü phongshanthüi, “Hami shennyak leimeyü Kahvangei shah banghen.

MENVIH KESHO 95:6

Oh peikei, jeni aümei khümshah, jeni Shembüpa, jen Lingbü kü lashüh-i shüngei aümei khümshah!

HEBREW 13:15

Shejema, büpa homei jeni nedoh-i Kahvang kü menvih shuohpü moila, lappai, büpalei men kü lahpü jubenyeijang betjük shuohshah.

PHILIPPI 4:6

Menüng kao am mongtok tevai, shejao lemphüli kü phoppai hatü yüpai menvih shuohpü mü ammi yüpü Kahvang kü nyinghütuh,

MENVIH KESHO 34:1

Ngei düngei Shembüpa kü men vihhen; büpa vihpü düngei ngelei ju kü nyuhen.

MENVIH KESHO 5:7

Shejao ngei, nüngei bampü longpü homei nüngei shemei shühen; Nüng kü nyemei ngeinüngei daülangpü phopshemei aümei khümhen.

PHONGSHANTHÜ DOU 9:40

Peteri jom peü chingshelei antüktü büpa aümei shaei phop. Büpai büm lepei leitü, “Tabitha, paotuh” shei e. Hahepak kü pinnyü mük vam, hatü Peter eeyei pinnyü paoei uo.

JONAH 2:4

Ngei nüng toueipü lükdai, hatü nüngei phopshem hajük kü ne-eehen khih shei deihteke.

1 ONGPATHÜ 8:54

Mechem Solomoni Shembüpalei moidü touei lashüh-i shüngtü vangsho lemei lak haongtü phopei tempa, büpa haleipü yaongei,

1 ONGPATHÜ 8:44

Mechem nüngei nanglakthü vehokei daihen, nüngi jom melemei shomhen, hatü mechem jomi nüngi jepü chingnyü hatü nüngei men kü ngei vepü shem philei meetü nüng kü phophenshang,

EPHESIA 3:14

Ha tata kü ngei Pa touei aümei shanyeih;

PHONGSHANTHÜ DOU 10:9

Nyihphei haümhah hepak kü jomphong yen daipü chingnyü ngoiyaki Peter shem adokei phopnüng aong.

DANIEL 6:13

Hahepak kü jomphongi ongpa kü, “Judea am wüpküpei nyupü khongkü shennyak hük, Daniel, büpai dhüm neshuohnyu nevaijü nüngei shahkungnyü nebangnyu, Oh Ongpa, büpai düngei nyih kü jempa jempa phopnyüke” shei jang.

HEBREW 4:16

Hanangkü jen nashingkü yahyang shinshang hatü phahji danghen shingvaishi hapa phahji ong uoshing touei monglongei peishah.

1 ONGPATHÜ 8:38

hatü mechem nüngei Israel nanglakthüi laophülei mongdang kü tüngei deihtü hapa Phopshem philei jomei lak haongshi phophen, nevaijü phehenshang,

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

PHILIPPI 1:20

Ngei ongyangpü hatü monglempeyü ngei mekei etao neveühen, shejao ngei monglongei epai yemmü nyujao nevaijü didaijao düngei nyupü keiha shaangao ngelei büm kü Khrista longei anshihhen.

PHONGSHANTHÜ DOU 20:36

Mechem büpai jomphong kü shah eyei kempa, büpai jomphong mü aümei shatü phop.

NEHEMIAH 6:11

Shejao ngei, “Ngei shenshenpü shennyak nyemei dainyu je? Ngei shükpü shennyak yanghen nangkü phopshemei johen je? Ngei hapakei nedaipih!” shei eteke.

2 SHÜPPÜKENGPÜ 6:38

jomei mongdang, laangha kempai jom wüpküpei daipü kahdokei chebü chepa kü shuohpü mükjüp kahdok, nüngi jepü chingnyü hatü ngei nüng kü khümhen vepü shem philei meetü phopjema,

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

PHILIPPI 1:14

hatü ngei khoklatei nyupü nangkü Khrista kü jeihinaüthü longshi shing nyeinya monglongei nenyemi Kahvangei shah eteke.

PHONGSHANTHÜ DOU 21:5

Shejao mechem ham jom mü thempü nyih kempa, hami layaongei daipeih. Haleipü vaipüthü jom peü nyüha hapeüthü peü omshi chingnyü peih-ei yomshi jungphopeih, hatü ham peü yungkung ngoiyei aümei shaei phoptü,

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

PHONGSHANTHÜ DOU 7:60

Hapheikü büpa aümei shatü, “Shembüpa, nüngi hapa mang jom kü tehethü” shei lenei e. Mechem büpai ha eyei kempa, büpa didai.

PHONGSHANTHÜ DOU 5:20

“Daituh, phopshem chingkonei yaongtü nanglakthü kü hapa yangnyu ja shahjang peü eyeishuoh” shei eteke.

PHONGSHANTHÜ DOU 4:29

Shaang, Shembüpa, jomi nyem shaopü kü veihümao, hatü nüngei chongphobüthüi mong longei nüngei shah ehütuh.

PHONGSHANTHÜ DOU 3:1

Nyih hük Peter hi Johan nyi phopshemei phoppü hepak kü om jem baji kü aongteke.

PHONGSHANTHÜ DOU 2:15

Hingmei meyü jomphongü ammi deihpükei yiünaü-i chokpü nevai; mehenangkü shaangü nepnüng shü baji mon khih.

LUK SHAHSHA APPÜ 22:41

Yaong shükjü daipüshük büpa jomphong toueipü yanei daiyei aümei shatü phopei,

LUK SHAHSHA APPÜ 14:26

“Üpai ngei touei peinya, büpai laophü pa, nyü, nyüha hapeüthü, jeihinaü nyahinaüthü, hatü laophülei yangnyu kü bampü kü nyeishi ngei kü nebamjema, büpa ngelei nanglak vainüng neaok.

MENVIH KESHO 86:3

Ngei kü phahjishih, Oh Shembüpa; mehenangkü helushoei ngei nüng kü lenei thepnyeih.

EZRA 9:5

Mechem om kü moila shuohhen hepak ngoipa, ngei shüaeiyungleyei shaaktükpü ashakviha owtü nyupü kübü pao, hatü Shembüpa, ngelei Kahvang kü lashüh-i shüngei lak haongtü,

2 SHÜPPÜKENGPÜ 6:13

Solomoni melangnyiam dü hük bahiyang kü meter 2.2 baong hatü shaopü kü meter 1.3 ling. Büpai hapa dü haütü ha shangei aongei yaong, hatü Israel am thaipü khong touei büpai lashüh-i shüngei uotü vangsho philei lak haongshi phop:

1 ONGPATHÜ 8:30

Hapa shing philei meetü nüngei chongphobü ngei hatü nüngei Israel nanglakthüi phoppü danlangshih. Nüng nyushing vangsho leipü hami phoppü danei mang tükshih.

DANIEL 9:4

Ngei, Shembüpa ngelei Kahvang kü phopei hatü mang lahteke: “Oh Shembüpa, longpü hatü nyempühanpü Kahvang. Üami nüng kü bamnya hatü nüngei shahkungnyü ven bangnya, nüngi hathü kü vangpüshuwpü hatü bampü nedoh-i nyunyüke;

MARK 3:3

Büpai ha lak didaipü shennyak kü, “Shelei heihkei” shei e.