DANIEL 5:7 - DAÜLANGPÜ LAIHING (BSI)

⁷ Ongpai thibüthü, lashüh tetpüthü, lithilen tetpüthü hatü phongyompüthü müei deikei shei len. Mechem jomphong peijapa, ongpai jomphong kü, “Üpai ha nyangpü ieyei aokhen hatü hapa lappü ngei kü tetei ephahenshang, büpa kü ongow owhühen, hatü büpalei üng kü honyük üngkam baongei yükhühen hatü büpa ngelei ongching kü jempabü uoshing kü uohühen” shei eteke.

DANIEL 5:7 Referans Kwoze

DANIEL 5:29

Hahepak kü Belshazzari ngeükhüam shuohpü nangkü Daniel kü ong ow owhüteke, honyük hük üngkam baongei yükshuohteke, hatü ongching kü büpa jempabü longpü leihü.

DANIEL 5:16

Nüngi mongshang lemphüli hatü shahjo peü tetei eaoknyuja shei ngei shaang danpeih. Nüngi hapa nyangpü ietü hapa lappü nih-ei apha-aokjema, ngei nüng kü ong ow owphahen, hatü üngkam baongei honyük yükphahen, hatü nüngü ongching kü jempabü longpü leihühen.”

DANIEL 2:48

Hahepak kü ongpai Daniel shaopü uoshing kü uohütü thintho longi shuohteke, hatü Babylon ongching kü vanglem lembü leihü hatü nahpülangpüthü peü shak kü khei vaiyei tuh.

DANIEL 2:6

Shejao amphongi ngei kü mangh hatü hapa lappü nih-ei ephüjema, ngei amphong kü laklei hatü dhüm longpü yahphahen. Hanangkü ngei kü ha mangh eshih hatü ha nih-ei ngei kü eshih.”

DANIEL 2:2

Hanangkü büpai thibüthü, lashüh dokpüthü, phongyompüthü, hatü lithilen kü veiyei tetpüthü kü büpai mehe mangh manghpa, ha eshih shei nyükteke. Mechem jomphong peiyei ongpa touei yaongpa,

EZEKIEL 16:11

Ngei am kü ownyülangha owhüpeih: Ngei ammei lak kü laktet, ammei üng kü yük,

ISAIAH 47:13

Ammi longi phongyomthiphepai am tengdaiteke; Üami vangsho lithathü kü veitü nih-ei khonya, hatü lenja kü veitü teteivanei enya, Jomi am touei mehe vongshüh peikünya, ha kübü nyemyangpha.

DANIEL 4:14

Büpai ngeüwong anei lenteke: “Hapa pü agtüktuh, hapalei kaothü langtüktuh, hapalei phenlak kaongtüktuh, hatü betjük haitüktuh.

SOLOMONEI KESHO 1:10

Dhaongchü chüpai nüngei omdhaong bah-angke, Yüknyü yükpai nüngei üngchong meiangke.

KANDOK 1:9

Hathüyü nüngei shangjing kü chübongale shihpükei, hatü üngkam baongei honyük yükpükei nyüke.

ESTHER 3:1

Hathü dou vampheikü Xerxes ongpai Agag am Hammedathalei cheha Haman büpa mü nyupü lakchongbüthü peü shak kü shaopü uoshing kü uohü.

1 SAMUEL 17:25

Israel ami, “Shehongei laoei heihteipü hapa shennyak eela? Büpayü Israel am kü vehok chenghen heihnyu khihma. Üpai hapa shennyak jühenshang ongpai büpalei yiükha mü shem yemhühen hatü jom shemi lat thaipü meheyao neshuohhen lah-ei nyüpeih” shei eteke.

BHEI-IE 24:11

Nüng shemei nyokei leidaituh! Ngei nüng kü thintho longi shuohhen shei lahteke, shejao Shembüpai nüng kü hapa neshuohhühen banglangpü khih” shei e.

BHEI-IE 22:17

Ngei nüng kü thintho changshi yahphahen, hatü nüngi mehe ephahenshang ngei dükphahen hih. Peikütuh, hatü hathü nanglakthü kü thaüvaütükkütuh’ ” shei e.

BHEI-IE 22:7

Hanangkü Moab hatü Midian am mübüthüi thaüvaüpü kü shuohhen lat kotü Balaam yemei daiyei Balaki shompü shahjang ejateke.

KAHBHAO 41:8

Nepnüng paoei büpa longi mongshang, hanangkü büpai Ijip kahdok kübü tetpüvanpü hatü nahpülangpüthü peü nyükhen shom. Pharaoh-i jomphong kü mangh ejajao üpaiyao hapa mangh tetei büpa kü ne-eaok.

MÜLANGPÜ 7:11

Pharaoh-i Ijip am nganbüthü hatü phongyompüthü nyükei jomphongiyao aihük mü dük.

JEREMIAH 50:35

Babylon am khüei yanlu hük, Babylonei nyupüthü khüei pinnyülei lakchongbüthü hatü kon kohpüthü khüei yanlu peikünyüke shei Shembüpai enyüke.

DANIEL 1:4

Jomü nethe meipü, büm kü eela neshiüpü, sholi meipü, nyingpü shennyak, lomi shouk yao-aokpü, hatü ong uoshingei chongpho aokshampü jehen eteke. Ashpenaz-i jomphong kü Babylon amei laiyung hatü shah nyuhhen eshuohteke.

DANIEL 1:20

Ongpai mehe mehe shangkü phejao hatü mehe mongshang ejahenshang ongching kempü kü nyupü thibüthü hatü phongyompüthü mü jomphong-üng shing an meipüba chongjateke.

DANIEL 2:27

Üpa nahpülangpü shennyakiyao, lashüh tetpü amiyao, thibüthü nevaijü phongyompüthüiyao ongpai phepü shahjo nih-ei ne-ephaaokpeih,

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

DANIEL 5:15

Ngei nahpülangpüthü, lashüh tetpüthü peü hapa nyangpü ngei kü nih-ei nyem-epha shei nyükpeih shejao üpaiyao hapa tetei ne-ephaaoknyu.