DANIEL 5:23 - DAÜLANGPÜ LAIHING (BSI)

²³ Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

DANIEL 5:23 Referans Kwoze

JOB SHAHSHA APPÜ 12:10

Büpalei lakei yemhimak peüei yangnyu yem, hatü hangkulei ngüan ngülei nyüke.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

JEREMIAH 10:23

Ngei nyingteke, Oh Shembüpa, shennyak hükei yangnyu kü laophü shembü nevai; üpaiyao laophülei yangnyu büpalei lakmongei neshiü.

ISAIAH 37:23

Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!

ISAIAH 2:12

Mehenangkü changmeipü hatü ngei longpeih shei deihpüthü, hatü shaoshi longei aongpüthü khüei Shembüpalei nyih hük nyüpeih, hatü jom peü bhih-ei maantükhen;

JEREMIAH 50:29

Lahhilaong nopüthü peü kü Babylon hahhen nyüktuh. Hükao neyangtüki shinei baümtap vetuh. Pinnyülei dou kü shao nyokei yah-eishuoh; pinnyüi mih kü dükshuohpükei pinnyü kao dükeishuoh. Mehenangkü pinnyüi Shembüpa, Israel amei Daülangpü Hük khüei yaongteke.

KANDOK 20:24

Hangkulei lakham kemei Shembüpai nyingnyüke; Üpai mekei etü büpalei lem yao-aokhen?

JOB SHAHSHA APPÜ 31:4

Büpai ngelei lemthü kü neveinyu je? hatü ngelei lakham peü ne-ienyu je?

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

ISAIAH 37:19

hatü Kahvang nevai, hangkui pü hatü yaong yah-ei laki lingpü kahvang vaipü nangkü ha kahvangthü aw kü jakei mangtükteke.

MENVIH KESHO 139:3

Nüngi ngei daipü hatü lempü nyingnyüke, nüngi ngelei lemthü nyingei nyüke.

2 ONGPATHÜ 14:10

Hayü khih nüngi Edom am neüteke, hanangkü shaang nüngi changmeinyüke. Nüngi dangpü menmei kü mong hüshemei shemei nyudaituh. Mehenangkü nüng mü Judah amao omei dohhen mü mehekei nüngi shanghah vongshüh yemhahnya?” shei e.

1 TIMOTI 3:6

Büpayü vaipü nanglak ja nevaihen khih, hei nevaijema büpa beiyei changmeipai büpaao kahshih keiha nyonghüpü kü vühen.

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

PHONGSHANTHÜ DOU 17:25

nevaijü büpai lemhük nanyu kei hangkulei laki büpa chongnephonyih; büpaiang hangku peü kü yangnyu, ngü hatü dou peü shuohnyeih.

HABAKKUK 2:4

Changmeipüthü kü veihümao! Jomphongei laang nemeiang, shejao daülangpüthüyü jomphong hinglempai nyuhen.

EZEKIEL 31:10

Hanangkü Shembüpa Kahvangi hapakei enyüke: Mehenangkü hapa shao longi luei vangsho thahhen mü shaopü nangkü, hatü hapa shao luhahpü nangkü mongei changmeipü nangkü,

EZEKIEL 28:17

Nüng dhemeilaümapü nangkü nüngei mongei changmei; nüng veihen meipü nangkü nüngei kon mangtükpeih. Hanangkü ngei nüngü kahdokei yaktükpeih; jomei müki veiteihen shingvaishi ngei ongthü touei shakei ngaihüpeih.

EZEKIEL 28:5

Bhei leihpü kü nüngei kon longpü homei nüngi nüngei mop dateke, hatü nüngei mongdangi nüngei mop eeyei changmeiyei leidaiteke.

EZEKIEL 28:2

Shennyak ha, “Shembüpai hapakei enyüke” shei Tyre ongpa kü eyeishuoh: “Mehenangkü nüngei mongei changmeiyei, ‘Ngeiyü kahvang hük,’ yungching jiamei ngeiyü kahvangthülei uoshing küuonyeih” shei eteke. Nüngü kahvang kei kon kohpeih shei deihjao, nüngü kahvang nevai dihen shennyak hük mon.

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

ISAIAH 33:10

Shembüpai, “Shaang ngei yaonghen” “Shaang ngei longei aonghen” “Shaang ngei shangei aonghen” shei enyüke.

MENVIH KESHO 146:4

Mechem jom kübü laangha yandaihen, jom kahdokei nyokei leidainyeih; ha nyih-üng jomei küpjan kong leidainyeih.

MENVIH KESHO 115:16

Vangshothüyü Shembüpalei, shejao büpai hangku kü kahdoknyü shuohpeih.

MENVIH KESHO 104:29

Mechem nüngei dhe jodaihen jom nyemnyeih; mechem nüngi jomei ngü yahlanghen, jom diyei kahdok leidainyeih.

SHAHPHENBÜTHÜ 16:23

Shaang Philistia am ongthüi jomei Dagon kahvang kü moila longpü shuohhen hatü mongongteihen shingvaishi thai. Jomphongi, “Jenei kahvangi jenei vepa Samson jenei lak kü yahphüteke” shei kesho lok.

KAHBHAO 14:19

hatü büpai Abram kü moihimanei e: “Kahdok vangsho Lingbü Jaipüba Kahvangi Abram kü moihimantuh.

KAHBHAO 2:7

Hapheikü Shembüpa Kahvangi kahdok leipü ashem hanei yah-ei shennyak hük ling, hatü büpalei shongsha kü yangnyu ngü dushuoh, hatü hapa shennyakü yem leiteke.

SHAKEI VAMPÜ 9:20

Aopü hangkuthü, üam hapa cham kü nejütük, hathüi jomei lakdou nevaijü kahshih nevaijü hon, ngin, melangnyiam, yaong hatü pü yah-ei lingpü müki ne-ee, nevaijü nedan, nevaijü nekamaokpü lajeithü kü khümpü kübü nedoh.

ISAIAH 13:11

Ngei kahdoknyü kü hapalei mang nangkü, nemeipüthü kü jomei mang nangkü hanghi shuohhen. Ngei changmeipüthülei changmeipü dohtükhen, hatü nebahnevaipüthüi awdapü bhih-ei maantükhen.

ISAIAH 14:13

Nüngi nüngei mongei, “Ngei vangsho thahshi longei aonghen; ngei ngelei ong uoshing Kahvangei lithathü shak kü tuhhen; apshaphi Zaphon shangtao daüppülei shahthai shing kahshangei ngei ong uoshing kü uohen;

JEREMIAH 48:26

Moab am yiüi chokhütuh; mehenangkü büpai ngei khüei yaongteke; Moab am laophüi bhaipü kü lepeilükei lemhütuh hatü mihnyiyangnyai am leihen.

1 SAMUEL 17:26

Davidi büpa touei chemi yaongpüthü kü “Hapa Philistia naüha jüpü hatü Israel am kü ne-ienelempü kübü yangpü shennyak kü mehe shuohhen epa? Vanyangyem Kahvangei veshanthü kü vehok chenghen üpa nejaptükpü Philistia naüha ang?” shei phe.

1 SAMUEL 17:36

Hapa keiha nüngei chongphobüi shahnyü hi sheptao jühampeih. Hapa nejaptükpü Philistia naühayao hathü kei-üng nyukahen; mehenangkü büpai vanyangyem Kahvangei veshanthü kü chengteke.

JEREMIAH 50:28

Babylon kahdok leipü yangei leipü benha hatü lakeiloiyei nyupüthü Zionlei leiyei Shembüpa, jenei Kahvangi bhüh yempü, laophülei phopshem nangkü bhüh yempü kü bangtuh.

DANIEL 8:11

Vangsho phongshan hük hapa mübü longpü leiteke, hatü nyihjeih büpa kü jakpü moila shuohpeyao yahlang, hatü Phopshem dangkao nyettük.

DANIEL 11:12

Mechem veshanthü yepei daihenshang, büpa changmeihen, hatü haja haja jütükhen, shejao büpa aokpü dangpeih shei nenyuhen.