DANIEL 5:21 - DAÜLANGPÜ LAIHING (BSI)

²¹ Büpa hangku noknyü khong kübü changtük, hatü büpa kü yemhimakei thentoimongdang shuoh; büpa phaü gaduthü mü nyu, hatü mohoh kei phenha hah, hatü büpalei büm vangsho nyien kü haaishi, Jaipüba Kahvangü hangku ongching kü Jeiyong hatü büpai jepüthü kü hapa ongching shuohnyeih shei nyingei mangpei thahshi hapakei nyuhampeih.

DANIEL 5:21 Referans Kwoze

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

EZEKIEL 17:24

Püthü peüi ngeiyü Shembüpa shei nyinghen. Ngei shaopü püthü shoh-ei leitüknyeih, hatü nyaümshi nyupü püthü shao luhünyeih. Ngei thüngshingi nyupü püthü kautüknyeih hatü kaudaipü püthüang thüngshingi leihünyeih. Ngei, Shembüpai mehe etük, ha ngei dükhen.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

JOB SHAHSHA APPÜ 39:5

Phaü gadu kü üpai veshuohpa? nevaijü üpai vü laiyei deishuohpa?

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

DANIEL 5:18

Oh Ongpa, Jaipüba Kahvangi ampa Nebukadnezzar kü ongching hean, longhiong leihen müknyinshekhang lemphü shuohpeih.

DANIEL 4:14

Büpai ngeüwong anei lenteke: “Hapa pü agtüktuh, hapalei kaothü langtüktuh, hapalei phenlak kaongtüktuh, hatü betjük haitüktuh.

DANIEL 4:22

ha püyü Oh Ongpa, nüng khih! Nüngü longi shaoshi hatü wong kohshi longteke. Nüngü vangsho kü shongshi longteke, hatü nüngei nganhiwong kahdoknyü peü philei daiteke.

DANIEL 4:26

Püchong hatü hapalei tünglang tuhphonghen epü lappeyü mechem nüngi, Kahvangi kahdoknyü kü vanglem lemnyeih shei nyingei peihenshang, nüng kü ong hean shao nyokei shuohhen.