DANIEL 5:20 - DAÜLANGPÜ LAIHING (BSI)

²⁰ Shejao mechem büpa changmeiyei, mong vaanei nemei-i leipa, büpa ong uoshing kübü changtük, hatü büpalei dhüm hi ngan ngühlangpeih.

DANIEL 5:20 Referans Kwoze

HEBREW 3:13

Shejao mangi lueilempü kü ammei mong nevaanhen shingvaishi “Shinnyih” shei nyükpü thahshi nyihjeih am hüki hük mü mongnang thongteituh.

JEREMIAH 13:18

Ongpa hatü chenyü nyi kü, “Ong uoshing kübü shühdaituh; mehenangkü nethe meipü ong athen shangjing leipü vüdaiteke.

2 SHÜPPÜKENGPÜ 36:13

Hingshangi nyuhen shei epü nangkü Kahvangei men kü vangeishuwpü shuohpü Nebukadnezzar ongpa khüei yaong. Büpa ngaümvang haüei mongdang vaanei Shembüpa, Israel Kahvang touei mong lepei nelei.

2 ONGPATHÜ 17:14

Shejao jomi jomei bühipathüi Shembüpa, jomei Kahvang kü hingnelemi nyupü keiha jomi ha nebangi nyu.

MÜLANGPÜ 9:17

Shejao shaang ngoishi nüngi ngelei nanglakthü shak kü changmeinyüke, hatü jom neleishihnyu.

KANDOK 16:18

Changmeipai mahlemei münyüpeih, maühepai donyüpeih.

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

JEREMIAH 19:15

“Jeiyong Shembüpa, Israel Kahvangi hapakei enyüke: Bangtuh! Ngei jom khüei epü shanghah vongshüh peü hapa chingnyü hatü ha kü shonpü chingthü touei koei peihen, mehenangkü jom ngaümvang haüei ngei epü ngelei shahthü nebang” shei eteke.

KANDOK 16:5

Changmeipüthü kemei Shembüpa touei jiühitbenüng nyüke; hathü nehanghi-i nenyupih shei nyingtuh.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

EZEKIEL 30:6

Shembüpai hapakei enyüke: “Üami Ijip am kü sheühnya, dohen, hatü pinnyüi changmeipü wong laaidaihen. Migdol kübü Syene thahshi yani jom mahkemhen shei Shembüpa Kahvangi enyüke.

JEREMIAH 48:18

Nüngei müknyinshekhang kübü chongei shühkei, hatü kübhih kü kahdokei uotuh, Oh nela Dibon kü nyupüthü; Mehenangkü üpai Moab am mahtükpa, hapa am khüei peikahen, hatü ammei chingnyüthü bentükhen.

ISAIAH 47:1

Ong uoshing leipü shühtuh, Oh pai mü ngühpü nela Babylon; hatü kübhih kü uotuh. Hajük kü am kü inyainyempü hatü lahhinpü am shei nenyükhen.

1 SAMUEL 6:6

Mehekei ammi Ijip am hatü Pharaoh-i kei mong vaannya? Büpai jom ngapa kei leihütükpheikü jomi Israel am yanei neleishih-angpü je?

MÜLANGPÜ 18:11

Shaang, Shembüpayü lebü kahvangthü peü khongkü longpüpa shei ngei nyingteke; mehenangkü mechem Ijip ami Israel am kü naamei dükpa, büpai nanglakthü Ijip am lak kübü yangpeih” shei e,

EZEKIEL 31:10

Hanangkü Shembüpa Kahvangi hapakei enyüke: Mehenangkü hapa shao longi luei vangsho thahhen mü shaopü nangkü, hatü hapa shao luhahpü nangkü mongei changmeipü nangkü,

DANIEL 8:8

Hapa yum chebaong longi wong koh-ei long; shejao büpa wong kohpü den ngoipü hepak kü büpalei vaung bhagdai. Ha shingkü longpü vaung ali vangsho jung ali kü meeshi neenei vamteke.

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

MÜLANGPÜ 9:7

Pharaoh-i ha nang pheshuoh shingkü Israel amei haümyem hükao nedi shei nying. Shejao Pharaohlei mong vaanteke, hatü büpai nanglakthü neleishih.

2 SHÜPPÜKENGPÜ 32:25

Shejao Hezekiahlei mongkü changmeiyei deih hatü büpa kü hushuohpü phahji kü mongongei nedeih; hanangkü büpa, Judah hatü Jerusalem kü hanghi pei.

DANIEL 4:26

Püchong hatü hapalei tünglang tuhphonghen epü lappeyü mechem nüngi, Kahvangi kahdoknyü kü vanglem lemnyeih shei nyingei peihenshang, nüng kü ong hean shao nyokei shuohhen.

DANIEL 4:28

Ha peü kemei Nebukadnezzar kü jiüteke.