DANIEL 5:12 - DAÜLANGPÜ LAIHING (BSI)

¹² Mehenangkü Daniel, üpa kü ongpai Belteshazzar shei nyük, büpayü nyingpühingpü, mangh tet-aokhen kon, neyaoaokbenüng yaoei nih-aokpü hatü mongshang peü nyingei eaokpü shennyak hük nyuteke. Shaang Daniel kü nyüktuh hatü büpai nüng kü ha lappü tetei ephahen.”

DANIEL 5:12 Referans Kwoze

DANIEL 6:3

Meshük ne-angi büpa mü vanglem lembü nyi hatü governorthü mü hayaoha nyeinya doumei dükpü eeyei ongpai ongching kempü kü büpa kheipa vaiyei dükhen temteke.

DANIEL 5:14

“Nüng kü kahvangthülei laangha hatü yaoaokpü, danaokpü hatü nyeinya kihikon nyüpüja shei ngei danpeih.

DANIEL 1:7

Lakchongbü shopübai jomphong kü men ja menshuoh: Daniel kü Belteshazzar; Hananiah kü Shadrakh; Mishael kü Meshakh, hatü Azariah kü Abednego shei menteke.

DANIEL 5:16

Nüngi mongshang lemphüli hatü shahjo peü tetei eaoknyuja shei ngei shaang danpeih. Nüngi hapa nyangpü ietü hapa lappü nih-ei apha-aokjema, ngei nüng kü ong ow owphahen, hatü üngkam baongei honyük yükphahen, hatü nüngü ongching kü jempabü longpü leihühen.”

KANDOK 12:26

Daülangpü shennyaki küphü kü shahnying enyüpeih, shejao nemeipüthülei lemi jom nyong lemei mülangnyeih.

DANIEL 4:8

Shomshi, Daniel, (üpa kü Belteshazzar shei ngelei kahvangei men menpa, hatü daülangpü kahvangthülei laangha büpa kü nyüpa) ngei touei peiküteke, hatü ngei büpa kü mangh ejateke.

MENVIH KESHO 16:3

Shembüpa kü hinglempü nanglakthü meshük meipüang! Ngei mongongpü peü jom kü nyüpeih.

KANDOK 17:27

Nyingpühingpü shennyaki laophülei shah yepyaki enyüpeih, hatü danaokpü shennyaki nenmü nyudainyeih.

KOLOSI 1:29

Hapa shingvaishi büpai ngei kü shuohpü wong kemei ngei hokeiheiyei dou düknyüpeih.

DANIEL 4:19

Hahepak kü Daniel (üpa kü Belteshazzar sheiyao nyüknya) kansho hük longi üaei shah ne-e-i nyu. Hahepak kü ongpai, “Belteshazzar, hapa mangh hatü hapa lappai nüng tejü-ü” shei e. Belteshazzari jangei, “Ngelei shembü, hapa mangh hatü lappü kemei nüng kü nevai; nüngei vepathü kü nyemjiüdai shei deihnyüke!

EZEKIEL 28:3

Nüngü Daniel mao nahpeih shei deihnyu je? Nüng touei mehe doujo-ao joshi nenyuaokhen je?

DANIEL 2:26

Hahepak kü ongpai Daniel (üpa kü Belteshazzar sheiyao nyüknya) kü, “Nüngi ngei kü, ngei mehe mangh manghpa, hatü hapa mehe lappa, ha tetei ephaaokhen je?” shei pheteke.

DANIEL 1:17

Ha nethethü jom ali kü Kahvangi nyingpühingpü, laiyung, hatü lemphü yao-aokhen kihikon shuoh. Ha mü chemi, Danieli mangh hatü manghkhang lemphüli tetei eaokteke.

DANIEL 6:4

Ha nyingei, vanglem lembü nyi hatü governorthü peü Danieli ongching kü dükpülingpü lemphü kü mang yephen lem yem, shejao jomi büpa kü shaipü pungpü meheyao neyepaok; mehenangkü büpayü shahhing epü, nehetnewongi nenyupü nevaijü meheyao ten neshiüpü shennyak nyuteke.