DANIEL 5:11 - DAÜLANGPÜ LAIHING (BSI)

¹¹ Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

DANIEL 5:11 Referans Kwoze

DANIEL 4:18

Nebukadnezzar ongpai, “Hapayü ngei kü manghpü mangh hih” shei e. “Belteshazzar, shaang nüngi ngei kü hapa mangh lappü tetei eshih; mehenangkü ngelei ongching kü üpa nahpülangpü shennyakiyao ngei kü hapa tetei ne-ephaaoknyu. Shejao nüngi payü ephaaokhen; mehenangkü daülangpü Kahvang laangha nüng kü nyüke” shei e.

DANIEL 5:14

“Nüng kü kahvangthülei laangha hatü yaoaokpü, danaokpü hatü nyeinya kihikon nyüpüja shei ngei danpeih.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

PHONGSHANTHÜ DOU 12:22

Nanglakthüi, “Hapayü shennyaki enyu nevai, Kahvangi enyu khih” shei lenei e.

DANIEL 2:11

Mehe ongpai phenya, hayü ahshi-üng wongshi khih. Kahvangthü nevaiphei keyü ongpa kü üpaiyao ha shakei vamei ne-eaokhen, hatü henüng keipü shennyak hangku khongkü nedangpih.”

2 SAMUEL 14:17

Nüngei chongphobüi, ‘Ngelei shembü ongpalei shah-i ngei nyiushem meihühen; mehenangkü ngelei shembü ongpayü Kahvangei phongshan kei mang hi mei kemei nyingaoknyüpeih. Shembüpa, nüngei Kahvang nüng mü düngei nyutuh’ ” shei e.

PHONGSHANTHÜ DOU 16:16

Nyih hük hamphong phoppü shingei daiyei nyushingkü phongyomteihen laangha kohpü aa lanyü hük hamphongi heüpeih, hatü pinnyüi tetei epü nangkü pinnyülei shembüi lop longi danghampü khih.

PHONGSHANTHÜ DOU 14:11

Mechem khongnyüi Pauli dükpü dou eepa, jomi Lystra amei shah mü, “Jen touei shennyak aimü kahvangthü yiüküteke” shei len.

KAHBHAO 41:38

Pharaoh-i büpalei chongphobüthü kü, “Jeni hapa keipü Kahvangei laangha kohpü hük dangaokhen je?” shei e.

EZEKIEL 28:3

Nüngü Daniel mao nahpeih shei deihnyu je? Nüng touei mehe doujo-ao joshi nenyuaokhen je?

DANIEL 1:4

Jomü nethe meipü, büm kü eela neshiüpü, sholi meipü, nyingpü shennyak, lomi shouk yao-aokpü, hatü ong uoshingei chongpho aokshampü jehen eteke. Ashpenaz-i jomphong kü Babylon amei laiyung hatü shah nyuhhen eshuohteke.

DANIEL 2:22

Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.

DANIEL 5:7

Ongpai thibüthü, lashüh tetpüthü, lithilen tetpüthü hatü phongyompüthü müei deikei shei len. Mechem jomphong peijapa, ongpai jomphong kü, “Üpai ha nyangpü ieyei aokhen hatü hapa lappü ngei kü tetei ephahenshang, büpa kü ongow owhühen, hatü büpalei üng kü honyük üngkam baongei yükhühen hatü büpa ngelei ongching kü jempabü uoshing kü uohühen” shei eteke.

EZEKIEL 28:4

Nüngei kihikon hatü danaokpü koni nüngi laophü shing mop yowteke, hatü hon hi ngin nüngei mop jaoshingei thaiteke.

DANIEL 4:5

Ngei mangh hük manghpai nyemhüteke. Ngei ngelei lüngei lemshi nyushingkü nyembenüng manghkhang hük ngei eeteke.

DANIEL 4:6

Hanangkü ngei Babylon am tetpüvanpü shennyakthü peü ngei touei peiyei ngei kü mangh lappü tetei nyem-epha shei ngeükhüam shuohteke.