DANIEL 4:9 - DAÜLANGPÜ LAIHING (BSI)

⁹ Ngei eteke, “Oh Belteshazzar, thihivamthü khongkü longpüba, daülangpü kahvangthülei laangha nüng kü nyüke, hatü nüng shingvaishi shahjo nyinghenü wongpü nevai shei ngei nyingnyüpeih. Ngei manghpü mangh-ü ha khih. Ngei kü ha mangh tetei eshih.

DANIEL 4:9 Referans Kwoze

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

DANIEL 2:48

Hahepak kü ongpai Daniel shaopü uoshing kü uohütü thintho longi shuohteke, hatü Babylon ongching kü vanglem lembü leihü hatü nahpülangpüthü peü shak kü khei vaiyei tuh.

DANIEL 4:8

Shomshi, Daniel, (üpa kü Belteshazzar shei ngelei kahvangei men menpa, hatü daülangpü kahvangthülei laangha büpa kü nyüpa) ngei touei peiküteke, hatü ngei büpa kü mangh ejateke.

DANIEL 4:5

Ngei mangh hük manghpai nyemhüteke. Ngei ngelei lüngei lemshi nyushingkü nyembenüng manghkhang hük ngei eeteke.

DANIEL 1:20

Ongpai mehe mehe shangkü phejao hatü mehe mongshang ejahenshang ongching kempü kü nyupü thibüthü hatü phongyompüthü mü jomphong-üng shing an meipüba chongjateke.

EZEKIEL 28:3

Nüngü Daniel mao nahpeih shei deihnyu je? Nüng touei mehe doujo-ao joshi nenyuaokhen je?

KAHBHAO 41:38

Pharaoh-i büpalei chongphobüthü kü, “Jeni hapa keipü Kahvangei laangha kohpü hük dangaokhen je?” shei e.

DANIEL 4:18

Nebukadnezzar ongpai, “Hapayü ngei kü manghpü mangh hih” shei e. “Belteshazzar, shaang nüngi ngei kü hapa mangh lappü tetei eshih; mehenangkü ngelei ongching kü üpa nahpülangpü shennyakiyao ngei kü hapa tetei ne-ephaaoknyu. Shejao nüngi payü ephaaokhen; mehenangkü daülangpü Kahvang laangha nüng kü nyüke” shei e.

ISAIAH 54:14

Daülangshemshepü kü am chonglingei nyuhen; shüveidoidei am toueipü taishi lüdaihen, am nenyemhen, nehanhen, mehenangkü hapayü am yopailei nepeikahen.

ISAIAH 33:18

Ammei mongkü, “Hapa lakchongbü longpü melei daipa? kahdok lat thaiteipü melei daipa? Shangdüthü kü khei vaipü shennyak melei daipa?” shei shelei nyemtükpü leyei peikahen.

1 SAMUEL 4:8

jen lomohhen khih! Hapakei wong kohpü kahvangthülei ngan kübü üpai jen yangphahenang? Jahpanei nyushi Ijip am kü chamhilem lemmü lemmü vamei ponghüpeyü ha kahvangthü hih.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

EZEKIEL 17:23

Ngei hapayü Israel Kahshang shaopülei sheihen; hapai pükaothü phaakei betjük jükhen, hatü nethe meipü cedar pü leihen. Hapa püdhüm kü ouhiyüh peüi jephijaan linghen, jomi hapalei pükaothü kü jom loishing danghen.