DANIEL 4:35 - DAÜLANGPÜ LAIHING (BSI)

³⁵ Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

DANIEL 4:35 Referans Kwoze

MENVIH KESHO 135:6

Shembüpai mehe mong, büpai ha kahdok, vangsho, hatü yungching ilangmong peü kü düknyeih.

JOB SHAHSHA APPÜ 42:2

“Nüngi lemphüli dükaokhen, hatü nüngei mükhong mepayao bangei tuhnüng neaokpih shei ngei nyingnyüke.

MENVIH KESHO 115:3

Hamei Kahvang vangsholei nyüpeih, büpai mehe na, ha düknyüpeih.

EPHESIA 1:11

Büpalei shahnying hatü mongpü aimü douthü peü jiühüei büpalei mükhong aimü jenphong jeyei yahpai Khrista kü jenphong mükjüp yahpü am leihüteke.

ISAIAH 43:13

Ngeiyü Kahvang, hatü aivang den mebü nedoh-i “Ngeiyü Büpa” nyukahen. Ngelei lakmong leipü üpayao yanghen neaok; ngei mehe dük, ha üpaiyao yeiyanüng neaok.

PHONGSHANTHÜ DOU 4:28

Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke.

1 KORINT 10:22

Shembüpai mük nyemhühpha shei jeni deihnyu je? Jenü büpa mü wong kohpüba je?

1 KORINT 2:16

Laihingi enyüke: “Büpa kü nyuh-aokhen mü Shembüpalei mong nyingpü üpa nyüpa?” Shejao ham kü Khristalei chudeih mongdang nyüpeih.

JOB SHAHSHA APPÜ 40:2

“Jeiyong Kahvang kü nüngi chengteke. Kahvang mü shah dakteipü shennyak nüngi jangtuh.”

JOB SHAHSHA APPÜ 23:13

Shejao büpa mechemao neyeiyanyih; üpai büpa khüei yaongaokhen? Büpai mehe mong, ha düknyüpeih.

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

JOB SHAHSHA APPÜ 9:4

Büpayü longi nahshi hatü wong kohshi, üpai büpa khüei yaongaokhen hatü neüaokhen?

1 SAMUEL 3:18

Hanangkü Samueli meheyao nejo-i büpa kü lemphüli eshuohteke. Hahepak kü büpai, “Hapayü Shembüpa mong khih; büpa kü mehe mei, ha nyemdükpha” shei e.

PHONGSHANTHÜ DOU 5:39

shejao hapayü Kahvang leipü vaijema, ammi jomphong neneüaokpih; hapa nangkeyü amphongang Kahvang khüei yaongpü leihen” shei eteke. Büpalei shah-i jomei mong yeplang,

KANDOK 21:30

Shembüpa khüei neüaokhen mü kihikon, yao-aokpü, hatü küpjan meleiyao neshiü.

PHONGSHANTHÜ DOU 9:5

Büpai, “Nüng üpaang, Shembüpa?” shei phe. “Ngeiyü nüngi shüveipü Jisu.

ISAIAH 26:9

Ngelei mong kü yanüng nüng young leyei peikünyeih; nepnüng ngelei laanghai nüng ongyangei deihkünyeih. Mechem nüngei shahphenpü kahdoknyülei peiyei nyunya, kahdoknyülei nyupüthüi shahhing ehen nyingnyüke.

PHONGSHANTHÜ DOU 11:17

Jeni Shembüpa Jisu Khrista kü hinglemshingkü büpai jen kü shuohpü aihük thintho Kahvangi jom kao shuohjema, Kahvangi epü bangtükhen ngei üpaang?”

MENVIH KESHO 49:1

Ha bangtuh, am nanglakthü peü, hapa kahdok kü nyupüthü,

MENVIH KESHO 33:14

Büpa ong uoshing kü uopü toueipü kahdoknyü kü nyupüthü peü kü veinyeih.

MENVIH KESHO 39:5

Nüngi ngelei yangnyu nyih-ü lakkham maani mon ling; ngelei yangnyu nyih-ü nüng touei kong khih. Peüei yangnyu-ü ngü keiha nyüke.

CHONGVENBÜ 8:4

Mehenangkü ongpalei shah-ü peü mü shopü, “Nüngi mehe düknya?” shei üpai büpa kü eaokhen?

ISAIAH 19:17

hatü Judah kahdokü jom shingvaishi nyembenüng leidaihen; Jeiyong Shembüpai jom khüei dükhen küpjan nyupü nangkü, Judah am jung shei-üng hanei kü ejajü nyemdaihen.

DANIEL 6:27

Büpai hunglangtü yangnyüpeih; büpai vangshothü hatü kahdoknyü kü nyangeihepü, hatü yashanyale dou düknyüke. Mailangthüi Daniel jütükhen kübüao büpai yangteke.”

JONAH 1:14

Hahepak kü jomphongi Shembüpa kü, “Oh Shembüpa, hapa shennyakei yangnyu mahtükpü nangkü chingmeilemlingei ham temahtük; hapa iy yenpü kü ham pungpü teleihü; Oh Shembüpa, hayü nüngi mongpükei düknyüpeih” shei e.

JOSHUA 2:2

“Veituh, sheya Israel am hanei gühshuknüng peiyei nyüke” shei Jeriko ongpai dan.