DANIEL 4:31 - DAÜLANGPÜ LAIHING (BSI)

³¹ Mechem ha shahthü ongpalei ju mongei nyupa, vangsho leipü ngeü hük vamei eteke, “Oh Nebukadnezzar Ongpa, nüng kü ha enyüke: Ong ongching nüng kübü yandaiteke.

DANIEL 4:31 Referans Kwoze

SHAKEI VAMPÜ 16:7

Hahepak kü moidü leipü jangpü ngeü hük hapakei dan: “Hih, Oh Jeiyong Shembüpa Kahvang, nüngei shahphenü jiüshangi hatü shahhing!”

LUK SHAHSHA APPÜ 12:20

Shejao Kahvangi büpa kü, “Nüng ngapa! sheya-üng nüngei yangnyu nüng kübü yülanghen. Hahepak kü nüngi laophü tempü üpa shing vaihen?

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

JOHAN 12:28

Opa, nüngei men müknyinshekhangtuh.” Hahepak kü, “Ngei müknyinshekhangtepih, hatü shao müknyinshekhanghen” shei vangsho leipü ngeü vam.

DANIEL 5:28

Peres: Nüngei ongchingü hantü Media hatü Persia am kü shuohtükteke.”

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

DANIEL 4:24

“Hapa lappeyü ha khih, Oh Ongpa, hatü ongpa, nüng khüei hapa vamkahen shei Jeiyong Kahvangi eteke:

JOB SHAHSHA APPÜ 20:23

Büpai hahhüpü kemei moh-ei hahpheikü, Kahvangi büpa khüei nemei-i mongshihhen, hatü vang keipükei büpa kü hanghi shomhen.

1 SAMUEL 15:23

Venle peyü phongyomthiphepü mang mü maanpü nevai, hatü changmei peyü lajei kü khümpü mang lepeih. Mehenangkü nüngi Shembüpalei shah yaktük, hanangkü büpaiyao nüng ong hean kübü yaktükteke”.

1 SAMUEL 13:14

shejao shaang nüngei ongching shenei nenyuhen; Shembüpai laophüi monghahpü shennyak hük yemteke, hatü Shembüpai laophülei nanglak shak kü vanglem lemhen büpa je; mehenangkü Shembüpai nüng kü epü shahkung nedükang” shei e.

KANDOK 29:23

Shennyak hük changmeipai laophü-üng vünyüpeih, shejao maanpü leipü shennyaki dhüm dangnyüpeih.

ISAIAH 14:27

Jeiyong Shembüpai temtükpü kü üpai bangaokhen, Büpai lak shihhen nojü üpai hapa lak leitükaokhen?

DANIEL 4:26

Püchong hatü hapalei tünglang tuhphonghen epü lappeyü mechem nüngi, Kahvangi kahdoknyü kü vanglem lemnyeih shei nyingei peihenshang, nüng kü ong hean shao nyokei shuohhen.

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

DANIEL 5:20

Shejao mechem büpa changmeiyei, mong vaanei nemei-i leipa, büpa ong uoshing kübü changtük, hatü büpalei dhüm hi ngan ngühlangpeih.

KAHBHAO 14:18

Hahepak kü Salem ongpa Melkizedeki Abram kü aan hatü yiü deiyei shuoh. Büpayü Jaipüba Kahvangei ngongpa nyuteke,

MENVIH KESHO 145:13

Nüngei ongchingü nedohnetenpü ongching, hatü nüng vanglem lempü hüdenhalenshi nyunyeih. Shembüpai büpalei shahthü peü jiüshi düknyeih, hatü büpai phahjipai douthü peü düknyeih.

DANIEL 6:27

Büpai hunglangtü yangnyüpeih; büpai vangshothü hatü kahdoknyü kü nyangeihepü, hatü yashanyale dou düknyüke. Mailangthüi Daniel jütükhen kübüao büpai yangteke.”

DANIEL 12:7

Nyemin ashak ümtü yung shangkü yaongpü shennyaki büpalei laknyong lakdah vangsho philei haongei vanyangyem Kahvang men kü vangei, “Hapayü bong jem mü hükkeishing nyukahen” shei epü ngei danteke. Mechem daülangpü nanglakthü kü shüveidoideipü dohhenshang, hathü douthü kemei dohpü vaihen.