DANIEL 4:19 - DAÜLANGPÜ LAIHING (BSI)

¹⁹ Hahepak kü Daniel (üpa kü Belteshazzar sheiyao nyüknya) kansho hük longi üaei shah ne-e-i nyu. Hahepak kü ongpai, “Belteshazzar, hapa mangh hatü hapa lappai nüng tejü-ü” shei e. Belteshazzari jangei, “Ngelei shembü, hapa mangh hatü lappü kemei nüng kü nevai; nüngei vepathü kü nyemjiüdai shei deihnyüke!

DANIEL 4:19 Referans Kwoze

DANIEL 8:27

Hanangkü ngei, Daniel mongshangpai nyih kansho hük tüngei nyu, hatü hapheikü layaongei ongpai ngei kü yahphopü dousho kü dükei dai, shejao hapa manghkhangi ngei üathamahüteke hatü ngei ha nenyingaok.

DANIEL 7:28

Hammü hapa nang dohnyeih. Ngei dheyao haishi nyempeih, shejao lemphü ngei ngelei mongei jaoei tuhpeih.

DANIEL 4:24

“Hapa lappeyü ha khih, Oh Ongpa, hatü ongpa, nüng khüei hapa vamkahen shei Jeiyong Kahvangi eteke:

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

1 SAMUEL 3:17

Eli-i büpa kü, “Büpai nüng kü mehe ephopa? Nüngi ha ngei kü tejo. Büpai nüng kü epü lemhük dangkao ngei kü ne-e-i jojema Kahvangi nüng kao ha mü nyeishi dükphahen” shei eteke.

HABAKKUK 3:10

Kahshangthüi nüng eeyei kheünyüke; phumshang kübü vang keinyüke; Kahmong yungi ngeüwong anei yungching yungmok vamhünyüke.

DANIEL 7:15

Ngei, Daniel, longi mongshanghü, hatü ngei eepü manghkhangi ngei nyemhü.

DANIEL 5:12

Mehenangkü Daniel, üpa kü ongpai Belteshazzar shei nyük, büpayü nyingpühingpü, mangh tet-aokhen kon, neyaoaokbenüng yaoei nih-aokpü hatü mongshang peü nyingei eaokpü shennyak hük nyuteke. Shaang Daniel kü nyüktuh hatü büpai nüng kü ha lappü tetei ephahen.”

DANIEL 2:26

Hahepak kü ongpai Daniel (üpa kü Belteshazzar sheiyao nyüknya) kü, “Nüngi ngei kü, ngei mehe mangh manghpa, hatü hapa mehe lappa, ha tetei ephaaokhen je?” shei pheteke.

DANIEL 1:7

Lakchongbü shopübai jomphong kü men ja menshuoh: Daniel kü Belteshazzar; Hananiah kü Shadrakh; Mishael kü Meshakh, hatü Azariah kü Abednego shei menteke.

JEREMIAH 29:7

Ngei am wüpküpei deiyei tuhpü chingnyü chingmeivangmei hatü dapüshepü kü anghen kentuh, hatü hapa shing Shembüpa kü phoptuh; mehenangkü hapa daeisheyei nyujema amao daeishehen.

1 ONGPATHÜ 18:7

Obadiah lemei daishingkü Elijah mü pongtei, hatü Obadiah-i büpa nyingei aümei shatü, “Ngelei shembü Elijah, hayü hingmei nüng hiang?” shei phe.

1 SAMUEL 26:15

Davidi, “Nüngü bapeühapeü nevaipü je? Israel kü nüng keipü üpa nyüpa? Mehekei nüngi nüngei shembü ongpa yomei nenyunya? Shaangüng shennyak hanei nüngei shembü ongpa jühen baümtap mongei shüteke.

1 SAMUEL 24:8

Hapheikü Davidao yaongdung leipü vamei daiyei Saul kü, “Ngelei shembü ongpa!” shei nyük. Mechem Saul yaakei veipa, Davidi büpalei dhe kahdokei aümei shatü, Saul kü,

1 SAMUEL 1:15

Shejao Hannah-i jangei, “Hapakei nevai, ngelei shembü, ngeiyü longi mongshang kü nyupü nyüha hih, ngei yiü neyingangpih. Shembüpa kü ngelei mongshang eshouhnyeih.

MÜLANGPÜ 32:32

Shejao shaang nüngi jomei mang tükjema– shejao hapakei nevaijema, nüngi nyangpü laitap kübü ngelei men thittüktuh” shei e.

KAHBHAO 32:18

amphongi, ‘Hathüyü nüngei chongphobü Jakobei yemthü khih, hatü hathüyü ngelei shembü Esau kü thintho shompü khih hatü büpayü ham ngaümpheilei nyüpeih’ shei etuh” shei e.

KAHBHAO 31:35

Pinnyüi chepa kü, “Ngei nüng touei neyaongaokpü kü mongtemang; mehenangkü ngei hangha tenei nyüpeih” shei e. Hanangkü büpai peü yemjao büpalei shem kahvang lajei nedang.

KAHBHAO 40:12

Hahepak kü Joseph-i büpa kü, “Hapa lappeyü ha khih: Kao jem eepeyü nyih jem khih;

DANIEL 2:37

Oh Ongpa, nüngü ongthü khongkü ong khih. Vangsho Kahvangi nüng kü ongching hean, ngan, wong hatü müknyinshekhang shuohteke;

DANIEL 5:18

Oh Ongpa, Jaipüba Kahvangi ampa Nebukadnezzar kü ongching hean, longhiong leihen müknyinshekhang lemphü shuohpeih.

DANIEL 5:19

Büpa kü hapakei shaopü uoshing yahshuohpü nangkü nanglakthü hatü jatthü peü hatü shahlem laolao epü shennyakthü peüi büpa kü nyemei kheühampeih. Büpai jütükhüpüthü jütük; yemmü tuhhüpüthü yemmü tuh; büpai uoshing dokpalei anshuohhüpüthü nevaijü vütükhüpüthü kü büpai mongpükei dükhampeih.