DANIEL 4:17 - DAÜLANGPÜ LAIHING (BSI)

¹⁷ Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

DANIEL 4:17 Referans Kwoze

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

1 SAMUEL 2:8

Büpai taopathü kübhih kübü, hatü nehahneyingpüthü depla kübü phuklangnyeih, hatü büpai jom ongthü mü uohünyeih, hatü dhüm kohpü ong uoshing mükjüp danghünyeih. Mehenangkü kahdoknyülei chongnyiam yaongthüyü Shembüpalei; hathü shangkü büpai kahdoknyü lingei tuhpeih.

1 KORINT 1:28

hatü Kahvangi hapa kahdoknyü kü nyupü douthü neshiüi leitükhen shingvaishi maanpü, hatü yaktükpü hatü nadang neshiüpü douthü jepeih.

DANIEL 11:21

Büpalei uoshing kü jeiyei nemeipü, ong vaihen nejiüpü shennyak hük vamkahen hatü büpa ngangahük kü peikahen hatü kon nemeipü lingei ong uoshing aetlanghen.

MÜLANGPÜ 9:16

Shejao nüng kü ngelei nganhilong huhen, hatü kahdoknyü peü touei ngelei men baonghühen nangkü mon ngei am nemahtüki tuhpeih.

EZEKIEL 25:17

Ngei jom kü longpü bhüh yemhen, hatü ngei mongshihpai jom kü hanghi shuohhen. Mechem ngei jom kü bhüh yemhenshang, jomi ngeiyü Shembüpa khih shei nyinghen.”

EZEKIEL 7:24

Ngei jomei shemei angpü mophimothü yah-ei deitükhen shingvaishi peü mü nemeipü jatthü müei peihen. Ngei wong kohpü am changmeipü dohtükhen, hatü jomei daülangpü shingthü sheihtükhen.

ISAIAH 6:3

hatü jomphong hüki hük kü nyüktü e: “Daülangpü, daülangpü, daülangpü Jeiyong Kahvang; Kahdoknyü kemei büpalei müknyinshekhangi maei nyüke.”

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

1 ONGPATHÜ 21:25

(Laophülei nyüha Jezebeli nyeanpü kü Shembüpa touei chemjalak kü mang dükhen Ahabi phenei shuohpü keiha üpayao nenyu.

SHAKEI VAMPÜ 4:8

Yemmü nyupü yemhathü ieyei kü yang vok baong kohtü mük mon shinei hatü mongeiyao kohshi nyuteke. Nyakhingai thüngei hathüi nedoh-i hapakei lokteke: “Daülangpü, daülangpü, daüpangpü, Jeiyong Shembüpa Kahvang, Üpa nyu, üpa nyüpa hatü üpa peikahen nyu.”

1 TIMOTI 5:21

Kahvang hatü Khrista Jisu hatü jelangpü vangsho phongshanthü omshi hathü shahkung baong nehani dükhen, hatü loukei bampü neshiüi dükhen ngei nüng kü shahvüng shuohnyeih.

ISAIAH 6:8

Shembüpai, “Ngei üpa shomhen, hatü ngei shingvaishi üpa daihenang?” shei epü ngeü ngei dan, Hatü ngei eteke, “Ngei hammü nyüpeih; ngei shomtuh.”

MENVIH KESHO 12:8

Peü philei nemeipüthü nyüke, shennyakthüi ten küang vihnyüke.

2 SHÜPPÜKENGPÜ 28:22

Ahaz ongpa longi ponghahpü hepak kao nyeinya büpai Shembüpa touei mang thah.

ROM SHAHSHA APPÜ 13:1

Peüi vanglem lembüthü phangkü shütuh; mehenangkü Kahvang leipü nevaipheikü vanglem lembü neshiü, hatü shaang nyupü vanglem lembüthüyü Kahvangi lingpeih.

MENVIH KESHO 103:19

Shembüpai büpalei ong uoshing vangshothülei lingei nyüke, hatü büpalei ongchingipeü kü vanglem lemnyüke.

DANIEL 4:2

Jaipüba Kahvangi yashanpü nyangeihepü hatü thamapü ngei kü huphopü ha jung amphong kü ephüshah.

DANIEL 7:25

Büpai Jaipüba Kahvang khüei ehen hatü Jaipüba Kahvangei nanglakthü kü shüveidoideihen. Büpai jomei shahkungnyüthü hatü daülangpü mohitapthü yeiyatükhen khehen, hatü Kahvangei nanglakthü büpalei vanglem phangkü vangbong jem mü hükkeishing nyuhen.