DANIEL 4:12 - DAÜLANGPÜ LAIHING (BSI)

¹² Hapalei phenlak longi veihen meishi, hapa kü betjük longi jükshi– kahdoknyüi hahhen changshi shiüteke. Phaüyemthüi hapa püdhüm kü nyiumei, ouhiyüh-i hapa pükaothü kü jep lingteke, hatü yemhimak lemphüli hapalei betjük hahteke.”

DANIEL 4:12 Referans Kwoze

LUK SHAHSHA APPÜ 13:19

Hapayü hanei ami haoyang vang yah-ei laophülei pemongei sheipü leshi nyüke; ha longei pü hük lei, hatü shangouthüi hapalei kaothü kü jep ling.”

EZEKIEL 17:23

Ngei hapayü Israel Kahshang shaopülei sheihen; hapai pükaothü phaakei betjük jükhen, hatü nethe meipü cedar pü leihen. Hapa püdhüm kü ouhiyüh peüi jephijaan linghen, jomi hapalei pükaothü kü jom loishing danghen.

YOUNG LAI 4:20

Shembüpai thiteiphutükpü hamei yangnyu ngü jomei tailok kü mandaiteke; Büpalei vangdhüm phangkü loishi, ham jatthü mü nyuhen shei deihteke.

MARK 13:32

Shejao hapa nyih hatü hepak nang Opa mü lenei vangsho phongshani nevaijü Ha-iyao nevaijü üpaiyao nenying.

MATHI 13:32

Hapayü sheili vangthü khongkü peü mü maanpüba, shejao mechem ha koh-ei longhen sheili khongkü longpüba hatü pü hük leinyüke, hatü halei shangouthü peiyei pükaothü kü jep lingnyüke.

MARK 4:32

Shejao mechem sheihen, ha koh-ei longei pemongei nyupü sheili peü mü longpüba leiyei kao phaakei dainyüke hatü hapalei dhüm kü shangouthüi jep lingnyüke.”

EZEKIEL 31:17

Hapa püdhüm kü üam nyu hatü jatthü kübü hapa kü khüambakpüthü peü shelei yani mahpüthü mü shephen Sheolei shüdaitepih.

DANIEL 4:14

Büpai ngeüwong anei lenteke: “Hapa pü agtüktuh, hapalei kaothü langtüktuh, hapalei phenlak kaongtüktuh, hatü betjük haitüktuh.

JOB SHAHSHA APPÜ 12:24

Büpai kahdoknyü mübüthülei kihikon yahlangnyeih, hatü angsha lem kü paüeiyonei longteihünyeih.

JOB SHAHSHA APPÜ 14:7

Agtükpü püchong hük kü pünien vamkahen shei monglemhen nyüke, hatü nienja shao neenkahen.

JOB SHAHSHA APPÜ 14:9

Shejao yung nyupai hapa neenhen aok, hatü pübhao ja kei kao phaakei longkahen.