DANIEL 3:4 - DAÜLANGPÜ LAIHING (BSI)

⁴ Hahepak kü lenbü hüki ngeüwong anei, “Oh jatphü kübü nanglakthü, mükhiphang laolao kübü hatü shahlem laolao epüthü!

DANIEL 3:4 Referans Kwoze

DANIEL 6:25

Hahepak kü Darius ongpai kahdoknyü kübü jatphüliphü kü shahlem laolao epü peü touei hapakei nyangteke: “Amphong mü moihiman nyutuh, selam!

DANIEL 4:1

Nebukadnezzar ongpai kahdoknyü kü nyupü nanglakthü, jatthü hatü shahlem laolao epüthü peü touei hapa selam shahjang shomnyeih; am longi angeideiyei nyutuh!

MIKA 6:16

Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

HOSEA 5:11

Ephraim amü tok vainyüke, shahphenpai nyonghüteke; Mehenangkü jom angkong kü sheühpü yemei longteiteke.

DANIEL 4:14

Büpai ngeüwong anei lenteke: “Hapa pü agtüktuh, hapalei kaothü langtüktuh, hapalei phenlak kaongtüktuh, hatü betjük haitüktuh.

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

ISAIAH 40:9

Kahshang shaopülei aongtuh, Oh Zion, shahjang meipü baongeishuoh; Wongmü ngeüwong antuh, Oh Jerusalem, shahjang meipü yaneishuoh. Nyempü neshiüi etuh; Judah jilathü kü, “Ammei Kahvang peikünyüke” shei eyeishuoh.

ESTHER 8:9

Jempabü Sivan len nyih hapüjempabü kü ongpalei laknyangbüthü peü nyükei thaihü. Jomphongi Mordekailei shahyan Jehoda am, vanglem lempüthü, governorthü hatü lakchongbüthü India kübü Ethiopia thahshi kahmük 127 peü touei nyangteke. Ha shahyanü kahmük peüei nyangpü vanglem aimü hatü nanglak khong ieyeilei shahlem aimü hatü Jehoda am kü jomei shah hatü nyangteipü vanglem aimü nyangei shomteke.

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;

DANIEL 3:3

Hanangkü ongching kü lakchongbüthü hatü vanglem lempü hean peü kübü Nebukadnezzari lingpü lajei daühen peiyei hapa sheshalei yaong.

DANIEL 3:7

Hanangkü jomphongi kesho lokpü hadir vüngpü danhinüng, jatphü kübü nanglakthü, mükhiphang, hatü shahlem laolao epü nanglakthü peü aümei shaei Nebukadnezzari lingpü hon lajei kü khümteke.

DANIEL 3:10

Oh Ongpa, nüngi ngeükhüam shuohteke; hapayü kesho lokpü hadir vüngpü ngeü danhinüng peüi hon lajei kü aümei khümhen,