DANIEL 3:29 - DAÜLANGPÜ LAIHING (BSI)

²⁹ Hanangkü ngei shahkungnyü hük lingnyüpeih: Üam nanglaki, jathili-i nevaijü shahlemi Shadrakh, Meshakh hatü Abednego hathülei Kahvang thaüvaüei langmaanhenshang, lakjaang lajaang laaishi shaaktükhen hatü jomei shemthü benei nyüphinya leitükhen; mehenangkü hapakei jangaokhen mü lebü kahvang meleiyao neshiü” shei eteke.

DANIEL 3:29 Referans Kwoze

DANIEL 2:5

Ongpai jomphong kü eteke, “Ngelei mongkü ha temtüktepih: Amphongi ngei mehe mangh manghpa hatü hapa nih-ei neephüjema, ngei amphong khih mü shaaktükhen hatü ammei shemthü benei nyüphinya leitükhen.

MENVIH KESHO 76:10

Hangku mongshihpai nüngei men longhen mü vamnyeih; vehok kübü yangpüthü nüngei men kü mo monyeih.

SHAHKÜP 32:31

Jomei yaongü jenei Yaong kei nevai; jenei vepathü-ü ngapathü khih.

DANIEL 3:28

Nebukadnezzar ongpai, “Shadrakh, Meshakh hatü Abednego hathülei Kahvang men longtuh! Büpai büpalei vangsho phongshan shomei büpa chongphopüthü yangteke! Jomi büpa kü hinglem, hatü jomei Kahvang nevaipheikü, ngelei kahvang chongnephohen hatü nekhümhen shei ngelei shahkungnyü dangkao mangei, jomei yangnyu dihen thahshi lanei shuohteke.

DANIEL 3:17

Nüngi hamphong awbhaong kü yepei shükphülangmao, hamphongi chongphopü Kahvangi haleipao ham yangphaaokhen, hatü büpai nüngei lak kübüao yangphaaokhen hih, Oh Ongpa.

DANIEL 3:15

Shaang, ammi amit, liping, kongkoih, harp, phaam hatü lebü kesho lokpü hadir vüngpü danhinüng, aümei shaei lajei kü khümtuh. Shejao ammi hapakei nekhümjema, am peü shaang-üng yepei bah-ei nyupü awbhaong kü shüktükhen. Mepa kahvangi am ngelei lak kübü yangaokhenang?”

MENVIH KESHO 3:8

Aokpü dangpeyü SHEMBÜPAleipü peinyeih. Nüngei moihiman nüngei nanglakthü shak kü nyutuh.

EZRA 6:11

Shao nedoh-i ngei ha shahkung shuohnyeih; shennyak üpai hapa ngeükhüam nebanghen, hapa shem leipü pülu hük yah-ei daüpei tüktü hapa kü hümei jühen, hatü jomei shem nyüp tükshing leitükhen.

2 ONGPATHÜ 10:27

Jomi Baal kahvangei daülangpü yaong shemnyüthü hatü phopshem mangtük, hatü shennyakthüi hapa phopshemü shinnyih thahshi nühinam shing vainyüpeih.

DANIEL 1:7

Lakchongbü shopübai jomphong kü men ja menshuoh: Daniel kü Belteshazzar; Hananiah kü Shadrakh; Mishael kü Meshakh, hatü Azariah kü Abednego shei menteke.

DANIEL 1:19

hatü ongpai jomphong mü etei, hatü büpai Daniel, Hananiah, Mishael hatü Azariah hathü thühen mü üpayao nedang; hanangkü jomphong ongpalei dou kü shüteke.

DANIEL 2:17

Hahepak kü Daniel shemei nyokei leiyei büpalei küphüthü, Hananiah, Mishael hatü Azariah kü mehe vampa ha jung ejateke.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

DANIEL 2:49

Danieli ongpa kü yüpü nangkü Shadrakh, Meshakh, hatü Abednego jom peü Babylon ongching kü chinglingbüthü vaiyei tuh, hatü Daniel ongpalei ong uoshingei chongphoei nyu.

DANIEL 3:12

Shejao nüngi Babylon ongching kü chinglingbü vaishi tuhpü Jehoda am Shadrakh, Meshakh hatü Abednego hathüi, Oh Ongpa, nüngei ven lenyüke. Jomi nüngei kahvang chongnephonyu nevaijü nüngi lingpü hon lajei kü nekhümnyu.”

DANIEL 6:28

Hanangkü Darius-i vanglem lempü hatü Persia am Cyrus-i vanglem lempü hepak kü Daniel men-e shennyak leiteke.