DANIEL 3:28 - DAÜLANGPÜ LAIHING (BSI)

²⁸ Nebukadnezzar ongpai, “Shadrakh, Meshakh hatü Abednego hathülei Kahvang men longtuh! Büpai büpalei vangsho phongshan shomei büpa chongphopüthü yangteke! Jomi büpa kü hinglem, hatü jomei Kahvang nevaipheikü, ngelei kahvang chongnephohen hatü nekhümhen shei ngelei shahkungnyü dangkao mangei, jomei yangnyu dihen thahshi lanei shuohteke.

DANIEL 3:28 Referans Kwoze

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

MENVIH KESHO 147:11

shejao büpa kü nyempüthü kü, büpa bampü kü monglempüthü kü Shembüpai mongongnyeih.

PHONGSHANTHÜ DOU 5:19

Shejao yanüng Shembüpalei vangsho phongshan hüki khoklat sha aptü jomphong müei ngai hatü,

DANIEL 3:25

Shejemü, “Veihümao! Ngei shennyak ali awbhaongei kamteiyei, nesha-i hatü awyei-i dangkao nelai-i eenyüke, hatü alipabü-ü veiheni vangsho phongshan leshi eenyüke” shei e.

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

MENVIH KESHO 62:8

Hepak peü kü büpa kü hinglemtuh, Oh nanglakthü; ammei mongdang büpa kü ngaiyei shuohtuh; mehenangkü Kahvangü jen loishing.

PHILIPPI 1:20

Ngei ongyangpü hatü monglempeyü ngei mekei etao neveühen, shejao ngei monglongei epai yemmü nyujao nevaijü didaijao düngei nyupü keiha shaangao ngelei büm kü Khrista longei anshihhen.

ISAIAH 37:36

Hapheikü Shembüpalei vangsho phongshan vamei Assyria amei baümtap leipü veshan 1, 85, 000 jüteke; mechem vangngai meipa, peü didaitü nyuteke.

2 SHÜPPÜKENGPÜ 32:21

hatü Shembüpai vangsho phongshan hük shomei Assyria ongpalei baümtapei nyupü veshanthü, mübüthü hatü lakchongbüthü peü jütük. Hanangkü büpa mongshangei laophülei kahdok yemei leidai. Mechem büpa laophülei kahvang khümshemei shüpa, chehapeü hanei büpa kü yani bapei jü.

2 SHÜPPÜKENGPÜ 20:20

Jom dhom mü lomi paoei Tekoa jahpan lemei heih. Jom layaong shingkü Jehoshaphati yaongtü e, “Judah hatü Jerusalem nanglakthü, ngei epü banghümao! Shembüpa, ammei Kahvang kü hinglemtuh, shejüang wong kohshi yaongaokhen; büpalei thibüthüi epü kü hinglemtuh, shejüang am aokpü danghen.”

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

HEBREW 11:37

Jomphong kü yaongi shükei, nyi anei püvet longkhoih-i vetei, yani bapei jüteke; jomphong kü mishuw hatü yumshuw yah-ei owhü, taoeinangei shüveiyei hanghiyei angteke.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

PHONGSHANTHÜ DOU 4:19

Shejao Peter hi Johan nyi-i jomphong kü, “Kahvangi epü meyü amphongi epü-üng banghen Kahvang touei jiüpü hi nejiüpa ammi shah phentuh;

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

MENVIH KESHO 34:22

Shembüpai laophülei chongphobüthülei yangnyu yangei tuhnyeih; büpa kü loipü üpayao nenyonghühen.

MENVIH KESHO 33:21

Büpa kü ham mongongnyeih, mehenangkü hami büpalei daülangpü men kü hinglemnyeih.

MENVIH KESHO 33:18

Hingmei Shembüpalei mükü büpa kü nyempüthü kü, hatü büpa bampü kü monglempüthü kü veishi nyüke.

EZRA 6:11

Shao nedoh-i ngei ha shahkung shuohnyeih; shennyak üpai hapa ngeükhüam nebanghen, hapa shem leipü pülu hük yah-ei daüpei tüktü hapa kü hümei jühen, hatü jomei shem nyüp tükshing leitükhen.

EZRA 1:3

Amphong khong mü nyupü büpalei nanglak Kahvang jom mü nyute! jom shaang Judah kahdok Jerusalemei Shembüpa, Israel Kahvang, Jerusalemei nyupü Kahvangei phopshem vehen shingvaishi leishihtuh,

1 SHÜPPÜKENGPÜ 5:20

Hathü khüei hokhen shingvaishi Kahvangi jom kü sheüh, hatü Kahvangi Hagar hatü jom kü khüambakpüthü peü jomei lak kü shuoh; mehenangkü jomi vehok shingkao Kahvang kü len, hatü büpai jom kü jang.

KAHBHAO 9:26

Büpai shao Shembüpa, Shemei Kahvang moihimantuh! Kanan amü Shemei aa vaihütuh.

MENVIH KESHO 103:20

Shembüpa kü moihimantuh, Oh am vangsho phongshanthü, am wong kohpü büpai kangpü dou dükpüthü, büpai epü shah ven danpüthü.

1 KORINT 13:3

Ngei angpü peü taopathü kü shuohtüktü ngelei büm aw kü jakhen lanei shuohjao, ngei kü bampü nenyujema, ngei meheyao nanglei neshiü.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

DANIEL 6:16

Hahepak kü ongpai Daniel yephen ngeükhüam shuoh hatü büpa mailang khok kü yepei shükshuohteke. Ongpai Daniel kü, “Nüngi lanei shuoh-ei chongphopü Kahvangi nüng nyemyangpha!” shei eshuohteke.