DANIEL 3:27 - DAÜLANGPÜ LAIHING (BSI)

²⁷ Ong naü-eethü, governorthü hatü ongpalei lebü lakchongbüthü peü kemei jomphong shinei thai. Jomphong kü awi nelai; shangjing sho hükao nehah; jomphongei ashakviha lanshei awi nehah, hatü jomphong kü aw ngü dangkao nebüi chongjateke.

DANIEL 3:27 Referans Kwoze

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

HEBREW 11:34

mangpü awlom mettük, yannah kübü yang, wong nekohjao wong dang, vehok kü hampa lei, hatü Kung am veshanthü nyaihütük.

PHONGSHANTHÜ DOU 27:34

Hanangkü am peüi nük hahtuh; mehenangkü am büm meishi nyuhen vongbong; am üpaiyao laophülei shangjing leipü sholah hükao vüei nemahpih” shei e.

MATHI 10:30

Nüngei shangjing leipü shokuk kemei ietüktü nyüke.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

2 ONGPATHÜ 19:19

Hanangkü shaang, Oh Shembüpa, hamei Kahvang, kahdoknyü ongchingthü peüi Oh Shembüpa, nüng monha Kahvang shei nyinghen shingvaishi nüngi ham büpalei lak kübü yangshih shei phopnyüpeih” shei phopei e.

DANIEL 3:21

Hanangkü veshanthüi jom jem kü bhagthuh, shüngthuh, shangshak hatü lebü owhiai peü owhütü yepei shatü awbhaong kü shükshuohteke.

PHONGSHANTHÜ DOU 26:26

Hingmei ongpa, hathü peü nejü-üi enyüpeih; mehenangkü hathü peü büpai nenyingi neshiüpih, hatü ha joshi nedüknyih.

DANIEL 6:7

Nüngei ongching kü vanglem lembüthü, governorthü, lieutenant governorthü hatü lebü lakchongbüthü kemei shah shetteke, Oh Ongpa, nüng kü nevaiphei kü üpayao nyih hapüan mongkü lebü kahvang kü nevaijü shennyak kü nephophen. Üpai hapa shahkungnyü shaihenshang mailang khok kü yepei shüktükhen shei wong kohshi shahkung yankütuh.

DANIEL 6:23

Hahepak kü ongpa longi mongong hatü mailang khok leipü Daniel yah-ei ngaihen ngeükhüam shuoh. Hanangkü jomphongi Daniel mailang khok leipü ngaiteke; Danieli Kahvang kü hinglempü nangkü meleiyao makaw ne-ee.

1 ONGPATHÜ 13:28

Büpa heihjashingkü gadu hatü mailang nyi tou mü mahng shükshi chongjateke. Mailangi mahngao nehah, gadu kao neshüki nyu.