DANIEL 3:17 - DAÜLANGPÜ LAIHING (BSI)

¹⁷ Nüngi hamphong awbhaong kü yepei shükphülangmao, hamphongi chongphopü Kahvangi haleipao ham yangphaaokhen, hatü büpai nüngei lak kübüao yangphaaokhen hih, Oh Ongpa.

DANIEL 3:17 Referans Kwoze

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

LUK SHAHSHA APPÜ 1:37

Mehenangkü Kahvang mü meheyao ne-aokhen neshiü” shei e.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

JEREMIAH 1:8

Nüngi hathü kü tenyem; mehenangkü ngei nüng mü nyüpeih, hatü nüng yanghen” shei eteke.

PHONGSHANTHÜ DOU 21:13

Hahepak kü Pauli, “Mehekei am thepnya hatü ngelei mongdang manghünya? Ngeiyü yepei shahahhen mon nevai, shejao Shembüpa Jisulei men kü Jerusalemei dihenao temei nyüpeih” shei jangei e.

JOB SHAHSHA APPÜ 5:19

Büpai nüng vongshüh vok kübü yangphahen; nyetpabü kü mehe vongshüh-ao nüng kü nehongpih.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

MENVIH KESHO 115:3

Hamei Kahvang vangsholei nyüpeih, büpai mehe na, ha düknyüpeih.

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

DANIEL 6:27

Büpai hunglangtü yangnyüpeih; büpai vangshothü hatü kahdoknyü kü nyangeihepü, hatü yashanyale dou düknyüke. Mailangthüi Daniel jütükhen kübüao büpai yangteke.”

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

1 SAMUEL 17:46

Shinnyih Shembüpai ngelei lak kü nüng shuohhen, hatü ngei nüng jühen hatü nüngei shangjing showlanghen. Shinnyih-üng ngei Philistia veshanthülei mahng asha alang hatü phaüyemthülei phai vaitükhen, shejüang kahdoknyüi Israel amao Kahvang hük nyüke shei nyinghen,

1 SAMUEL 17:37

Shahnyü sheptaolei bhahivaung kübü ngei yangpü Kahvangi hapa Philistia am naühalei lak kübü-ao yangphahen” shei e. Sauli David kü, “Daituh, Kahvang nüng mü nyutuh” shei e.

KAHBHAO 18:14

Shembüpai neaokbenüng lemhük nyüpü je? Jiüpü hepak hük kü ngei nyokei leikahen, hatü Sarah-i yeshang hük büh-ei nyuhen” shei e.

ISAIAH 54:14

Daülangshemshepü kü am chonglingei nyuhen; shüveidoidei am toueipü taishi lüdaihen, am nenyemhen, nehanhen, mehenangkü hapayü am yopailei nepeikahen.

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

MENVIH KESHO 73:20

Jomü paojapü mangh leidaitü nyupükei nyüke; paoei mangh mü eepü peü mahtüknyeih.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

2 KORINT 1:10

Dihen vongshüh kübü yangphopü büpai nedoh-i ham yangphahen; shao büpai ham yangphahen shei hami büpa kü monglemnyeih.

MENVIH KESHO 37:40

Shembüpai jom kü sheühnyeih, hatü yangnyeih; büpai jom nemeipü am toueipü yangnyeih, mehenangkü jomi büpa kü loinyeih.

JEREMIAH 15:20

Ngei nüngü hathü nanglak shingvaishi bham hük, melangnyiami showtükpü bham leihühen. Jomi nüng khüei hokhen, shejao nüng kü neneüpih, mehenangkü ngei nüng mü nyüpeih, hatü nüng yanghen shei Shembüpai enyüke.

JEREMIAH 15:21

Ngei nüng nemeipüthülei lak kübü yanghen, hatü shihmangpü ami shümlangpü kübü angei leihen.”

DANIEL 3:26

Hahepak kü Nebukadnezzari awbhaong shadenei heih-ei, “Shadrakh, Meshakh hatü Abednego, Jaipüba Kahvang chongphopüthü, vamkei hatü heihkei!” shei nyük. Hahepak kü Shadrakh, Meshakh hatü Abednego awbhaong leipü vamteke.

DANIEL 6:16

Hahepak kü ongpai Daniel yephen ngeükhüam shuoh hatü büpa mailang khok kü yepei shükshuohteke. Ongpai Daniel kü, “Nüngi lanei shuoh-ei chongphopü Kahvangi nüng nyemyangpha!” shei eshuohteke.

DANIEL 6:23

Hahepak kü ongpa longi mongong hatü mailang khok leipü Daniel yah-ei ngaihen ngeükhüam shuoh. Hanangkü jomphongi Daniel mailang khok leipü ngaiteke; Danieli Kahvang kü hinglempü nangkü meleiyao makaw ne-ee.

MIKA 7:7

Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

MENVIH KESHO 37:39

Daülangpü am yanghenü SHEMBÜPAleipü peinyeih; Jom shanghahpü hepak kü büpayü jomei penyüsha.