DANIEL 3:1 - DAÜLANGPÜ LAIHING (BSI)

¹ Nebukadnezzar ongpai hon lajei hük shaopü kü feet 90, hatü ba kü feet 9 ling, hatü Babylon kahdok Dura Kahjilei shingnüngei tuh.

DANIEL 3:1 Referans Kwoze

HABAKKUK 2:19

Am üami pü kü, “Paotuh” shei enya, nevaijü yangnyu neshiüpü yaong kü, “Yaongtuh” shei enya, Onyükei! Hapai lemhük dangkao ephaaokhen je? Veituh, hayü honhingini shaokpü mon, halei yangnyu ngü neshiü.

JEREMIAH 16:20

Shennyaki laophülei kahvang lingnyu je? Hih, shejao hathüyü kahvang nevai!

ISAIAH 46:6

Shennyakthüi laophülei khoung leipü hon aokei ngainyüke; Jomi ngin dok kü doknyüke; Jomi hon shükbülei nang yemei Kahvang shüknyüke, hatü hapa kü aümei khümnyüke.

HOSEA 8:4

Jomi ngei kü nephe-i ong lingteke; jomi ngei nenyingi long jeteke. Jom nyingi mahhen jomei hon, hatü ngini lajeithü lingteke.

PHONGSHANTHÜ DOU 19:26

Ammiyao eeteke hatü danteke, Ephesialei mon nevai shejao Asia kempülei hapa Pauli shennyakthü longi laki lingpü kahvangü kahvang nevaipih shei eshi yawh-ei leplangkemteke.

PHONGSHANTHÜ DOU 17:29

Hanangkü jenphongü büpalei lihilathü vaipü nangkü Kahvangü hon, ngin nevaijü yaong– hangkui deih-ei letü laki shangpü lajei kei nyüpükei jeni nedeih-ükhih.

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.

MENVIH KESHO 135:15

Jatthülei lajeithüyü hon hi ngin, shennyakei lakdou mon.

1 ONGPATHÜ 12:28

Hapakei deih-ei dangtü ongpai hon yah-ei mohoh cheha nyi ling, hatü büpai nanglakthü kü, “Jerusalemei khümnüng aonghenü amphong kü lem ahshi ludaiteke. Oh Israel am, amphong Ijip leipü müei leipü kahvangthü hatouei nyüke” shei e.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

DANIEL 2:48

Hahepak kü ongpai Daniel shaopü uoshing kü uohütü thintho longi shuohteke, hatü Babylon ongching kü vanglem lembü leihü hatü nahpülangpüthü peü shak kü khei vaiyei tuh.

JEREMIAH 10:9

Kaoklaki shükpü nginü Tarshish leipü, hatü honü Uphaz leipü leipeih. Mepa mistri hatü hon shükbüi shükpa, ha kü thüngla hatü manghmepü ashak yah-ei ow shihpeih peü kemei lahhinpü mistrithüi lingpeih.

ISAIAH 30:22

Hahepak kü ammi hon hatü ngini shaokei lingpü lajeithü yah-ei ashakten keiha yaktüktuh.

SHAHKÜP 7:25

Ammi jomei kahvangei lajeithü aw kü jaktükhen. Hathü shihpü hon hi nginthü kü amphongi mük tehüh, hatü amphongi laophü shing ha teyah; hei nevaijema hapai aethitai vaikahen, hatü Shembüpa, ammei Kahvang touei hapayü jiühitbenüng nyüke.

MÜLANGPÜ 32:31

Hanangkü Mosai Shembüpa touei nyokei leiyei, “Oh hapa nanglakthüi mang longpü thahteke! Jomi jom shingvaishi honi kahvang lingteke.

MÜLANGPÜ 20:23

Ammi ngei mü lenei hon nevaijü ngin yah-ei kahvang teling.

SHAKEI VAMPÜ 9:20

Aopü hangkuthü, üam hapa cham kü nejütük, hathüi jomei lakdou nevaijü kahshih nevaijü hon, ngin, melangnyiam, yaong hatü pü yah-ei lingpü müki ne-ee, nevaijü nedan, nevaijü nekamaokpü lajeithü kü khümpü kübü nedoh.

DANIEL 3:30

Hapheikü ongpai Shadrakh, Meshakh hatü Abednego hathü Babylon ongching kü uoshing dokpa kü anshihteke.

ESTHER 1:1

Hapayü Xerxes ongpalei nyih kü vamteke; hapa Xerxes-i kahmük 127 kü India kübü Ethiopia thahshi vanglem lem.

DANIEL 3:14

hatü Nebukadnezzari jomphong kü, “Shadrakh, Meshakh hatü Abednego, amphongi ngelei kahvangthü chongnephonyu hatü ngei-i lingpü hon lajei kü nekhümnyu shei epeyü hingmei je? shei pheteke.

DANIEL 5:4

Mechem jom yiüi chokkempa, jomi hon, ngin, melangnyiam, nyiam, pü hatü yaongi lingpü kahvangthü men long.

HOSEA 2:8

Üpai pinnyü kü hahying, yiü, hatü mainga shuohpa, hatü Baal kahvang khümshing kü noteipü hon hatü ngin shuohpa hapayü ngei khihshei pinnyüi nenying.

DANIEL 2:49

Danieli ongpa kü yüpü nangkü Shadrakh, Meshakh, hatü Abednego jom peü Babylon ongching kü chinglingbüthü vaiyei tuh, hatü Daniel ongpalei ong uoshingei chongphoei nyu.