DANIEL 2:49 - DAÜLANGPÜ LAIHING (BSI)

⁴⁹ Danieli ongpa kü yüpü nangkü Shadrakh, Meshakh, hatü Abednego jom peü Babylon ongching kü chinglingbüthü vaiyei tuh, hatü Daniel ongpalei ong uoshingei chongphoei nyu.

DANIEL 2:49 Referans Kwoze

DANIEL 1:7

Lakchongbü shopübai jomphong kü men ja menshuoh: Daniel kü Belteshazzar; Hananiah kü Shadrakh; Mishael kü Meshakh, hatü Azariah kü Abednego shei menteke.

ESTHER 2:19

Mechem nelathü chemi thaijapa, Mordekaiyü ongpalei shadenei uoshi nyu.

AMOS 5:15

Ten kü jiühittuh, mei kü bamtuh. Shahphen shingei shahhing etuh. Jeiyong Shembüpa Kahvangi Josephei hühiha yemmü nyupüthü kü phahjihen.

ESTHER 2:21

Mordekai-i ongpalei pe shadenei uoshi nyupü hepak kü shem shaden yompü ongpalei lakchongbü Bigthan hatü Teresh nyi mongshih-ei Xerxes ongpa jühen phaüshah showteke.

DANIEL 2:17

Hahepak kü Daniel shemei nyokei leiyei büpalei küphüthü, Hananiah, Mishael hatü Azariah kü mehe vampa ha jung ejateke.

DANIEL 1:17

Ha nethethü jom ali kü Kahvangi nyingpühingpü, laiyung, hatü lemphü yao-aokhen kihikon shuoh. Ha mü chemi, Danieli mangh hatü manghkhang lemphüli tetei eaokteke.

JEREMIAH 39:3

Mechem Jerusalem hahpa, Babylon ongpalei lakchongbüthü peü peiyei Jiam Peshaden touei uo: Nergal-Sharezer, Samgar-Nebo, Sarsekem lakchongbü shopü, shao lebü Nergal-Sharezer lakchongbü longpü hatü Babylon ongpalei lebü lakchongbüthü omshi pei.

KANDOK 28:12

Mechem daülangpü shennyaki vanglem lemhen, peüi mongongnyeih, shejao mechem nemeipüthüi vanglem lemhenshang, nanglakthüi jolem yemdainyeih.

ESTHER 3:2

Ongpalei pe shadenei nyupü lakchongbüthü peü kü Haman touei aümei shaei khümhen hatü büpa kü dhüm shuohhen ongpai shahyan shuoh. Shejao Mordekai-i büpa touei aümei shatü khümei büpa kü dhüm neshuoh.

DANIEL 6:2

Governor shak kü dousho kü veihen hatü ongpa kü sheühhen shingvaishi Daniel mü lebü nyi shei vanglem lembü jeteke.

DANIEL 3:1

Nebukadnezzar ongpai hon lajei hük shaopü kü feet 90, hatü ba kü feet 9 ling, hatü Babylon kahdok Dura Kahjilei shingnüngei tuh.