DANIEL 2:48 - DAÜLANGPÜ LAIHING (BSI)

⁴⁸ Hahepak kü ongpai Daniel shaopü uoshing kü uohütü thintho longi shuohteke, hatü Babylon ongching kü vanglem lembü leihü hatü nahpülangpüthü peü shak kü khei vaiyei tuh.

DANIEL 2:48 Referans Kwoze

DANIEL 2:6

Shejao amphongi ngei kü mangh hatü hapa lappü nih-ei ephüjema, ngei amphong kü laklei hatü dhüm longpü yahphahen. Hanangkü ngei kü ha mangh eshih hatü ha nih-ei ngei kü eshih.”

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

DANIEL 4:9

Ngei eteke, “Oh Belteshazzar, thihivamthü khongkü longpüba, daülangpü kahvangthülei laangha nüng kü nyüke, hatü nüng shingvaishi shahjo nyinghenü wongpü nevai shei ngei nyingnyüpeih. Ngei manghpü mangh-ü ha khih. Ngei kü ha mangh tetei eshih.

DANIEL 5:29

Hahepak kü Belshazzari ngeükhüam shuohpü nangkü Daniel kü ong ow owhüteke, honyük hük üngkam baongei yükshuohteke, hatü ongching kü büpa jempabü longpü leihü.

DANIEL 5:16

Nüngi mongshang lemphüli hatü shahjo peü tetei eaoknyuja shei ngei shaang danpeih. Nüngi hapa nyangpü ietü hapa lappü nih-ei apha-aokjema, ngei nüng kü ong ow owphahen, hatü üngkam baongei honyük yükphahen, hatü nüngü ongching kü jempabü longpü leihühen.”

DANIEL 3:30

Hapheikü ongpai Shadrakh, Meshakh hatü Abednego hathü Babylon ongching kü uoshing dokpa kü anshihteke.

DANIEL 3:12

Shejao nüngi Babylon ongching kü chinglingbü vaishi tuhpü Jehoda am Shadrakh, Meshakh hatü Abednego hathüi, Oh Ongpa, nüngei ven lenyüke. Jomi nüngei kahvang chongnephonyu nevaijü nüngi lingpü hon lajei kü nekhümnyu.”

DANIEL 3:1

Nebukadnezzar ongpai hon lajei hük shaopü kü feet 90, hatü ba kü feet 9 ling, hatü Babylon kahdok Dura Kahjilei shingnüngei tuh.

JEREMIAH 5:5

Ngei shemmeithü touei heihshah, hatü jom mü eteishah. Shejao jom peü aihük mü Shembüpalei shahkung mangtük, hatü jom kü shapü laitükteke.

JOB SHAHSHA APPÜ 1:3

Büpai mi haja nyet, ut haja jem, mohohbaong jora haja nga, gadu haja nga hatü aathü longi nyu. Hanangkü hapa shennyakü heongphi kübü nanglakthü khongkü peü mü longpü shemmeipa nyuteke.

2 ONGPATHÜ 5:1

Shaang Naamanü Aram ongpalei veshan mübü hük nyu, hatü büpa kü ongpai longi monghah; mehenangkü büpa homei Shembüpai Aram am aokpü danghü. Büpayü monglongpü veshan nyuteke, shejao ngomdin kohshi nyu.

2 SAMUEL 19:32

Barzillaiyü viüei bong büali nyuteke. Büpa longi shemmei vaipü nangkü büpai David Mahanaimei nyushi hahying shuoh.

1 SAMUEL 25:2

Karmelei mop longi angpü shemmeipa hük Maon jilalei nyu. Büpalei mi haja jem hatü yum haja hük nyuteke. Büpa Karmelei heih-ei mimum japei nyu.

1 SAMUEL 17:25

Israel ami, “Shehongei laoei heihteipü hapa shennyak eela? Büpayü Israel am kü vehok chenghen heihnyu khihma. Üpai hapa shennyak jühenshang ongpai büpalei yiükha mü shem yemhühen hatü jom shemi lat thaipü meheyao neshuohhen lah-ei nyüpeih” shei eteke.

BHEI-IE 24:11

Nüng shemei nyokei leidaituh! Ngei nüng kü thintho longi shuohhen shei lahteke, shejao Shembüpai nüng kü hapa neshuohhühen banglangpü khih” shei e.

1 SAMUEL 2:8

Büpai taopathü kübhih kübü, hatü nehahneyingpüthü depla kübü phuklangnyeih, hatü büpai jom ongthü mü uohünyeih, hatü dhüm kohpü ong uoshing mükjüp danghünyeih. Mehenangkü kahdoknyülei chongnyiam yaongthüyü Shembüpalei; hathü shangkü büpai kahdoknyü lingei tuhpeih.

DANIEL 5:7

Ongpai thibüthü, lashüh tetpüthü, lithilen tetpüthü hatü phongyompüthü müei deikei shei len. Mechem jomphong peijapa, ongpai jomphong kü, “Üpai ha nyangpü ieyei aokhen hatü hapa lappü ngei kü tetei ephahenshang, büpa kü ongow owhühen, hatü büpalei üng kü honyük üngkam baongei yükhühen hatü büpa ngelei ongching kü jempabü uoshing kü uohühen” shei eteke.

DANIEL 8:27

Hanangkü ngei, Daniel mongshangpai nyih kansho hük tüngei nyu, hatü hapheikü layaongei ongpai ngei kü yahphopü dousho kü dükei dai, shejao hapa manghkhangi ngei üathamahüteke hatü ngei ha nenyingaok.

DANIEL 4:6

Hanangkü ngei Babylon am tetpüvanpü shennyakthü peü ngei touei peiyei ngei kü mangh lappü tetei nyem-epha shei ngeükhüam shuohteke.