DANIEL 2:47 - DAÜLANGPÜ LAIHING (BSI)

⁴⁷ Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

DANIEL 2:47 Referans Kwoze

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

DANIEL 2:22

Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.

AMOS 3:7

Hingmei, Shembüpai büpalei küpjan büpa chongphopü thibüthü kü ne-epheikü meheyao nedüknyih.

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

1 TIMOTI 6:15

mepa Kahvangi büpalei hepak kü koei peihen– büpalei Kahvang, moihimanpü hatü vanglem lembü, ongthü khongkü Ongpa, shembüthü khongkü Shembüpa,

DANIEL 2:37

Oh Ongpa, nüngü ongthü khongkü ong khih. Vangsho Kahvangi nüng kü ongching hean, ngan, wong hatü müknyinshekhang shuohteke;

MENVIH KESHO 136:2

Oh kahvangthü khongkü Kahvang kü menvih shuohtuh; büpa bampü den kü nyunyeih.

MENVIH KESHO 82:1

Kahvangü shahthai longpü kü ong uoshing kü uonyeih; büpai kahvangthü kü shahphenpü shuohnyeih:

MENVIH KESHO 72:11

Ongthü peü büpa touei aümei khümhen, jatthü peüi büpa chongphohen.

KAHBHAO 41:39

Hanangkü Pharaoh-i Joseph kü, “Kahvangi nüng kü hathü peü hupü nangkü nüng keiha kon kohpü hatü güh yao-aokpü üpayao neshiü.

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

DANIEL 2:19

Ha ya-üng hapa shahjo Daniel kü manghkhang hük kü shakei vamhü, hatü büpai vangsho Kahvang kü men vihteke.

JOB SHAHSHA APPÜ 12:19

Büpai ngongpathü leipü ngong-ow bhühtüknyeih, hatü wong kohpüthü lungei shüktüknyeih.

JOSHUA 22:22

“Jeiyongpayü Kahvang! Büpayü Shembüpa! Jeiyongpayü Kahvang hih! Büpayü Shembüpa! Hami mekei dükpa, ha büpai nyingnyeih, hatü ammiyao ha nyingtuh. Hapayü khüei nevaijü Shembüpa kü hingnelemi dükpü vaijema, shinnyih ammi ham yemmü tetuhphong.

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

1 KORINT 14:25

hatü büpalei mongdangei joshi nyupü peü shakei nyingdaihen. Hanangkü büpa aümei shatü, “Hingmei, Kahvangü am khong mü nyüke” shei eyei Kahvang kü khümhen.

MENVIH KESHO 136:3

Oh shembüthü khongkü Shembüpa kü menvih shuohtuh, büpa bampü den kü nyunyeih.

EZEKIEL 26:7

Shembüpa Kahvangi hapakei enyüke: “Ngei Tyre am khüei apshaphi leipü Babylon am Nebukadnezzar ongpa, ongthü khong kü ong, büpa mü koyeithü, koyei kharithü, koyei veshanthü hatü longpü, wong kohpü veshanthü müei peihen.

DANIEL 2:29

Oh Ongpa, nüng lüngei lemshi ngoikahen nang deihhah-ei nyuteke, hatü shahjo shakei vamhüpübai nüng kü mehe vamhen ha huteke.

DANIEL 2:30

Shejao ngei kü ha shah shakei vamhüpeyü ngei mih mü hayaoha nyeinya kihikon kohpü nangkü nevai, shejao Oh Ongpa, nüng hatü nüngei mongkü peipü mongdeih nyinghen shingvaishi ngei kü ha shakei vamhüpeih.

DANIEL 3:15

Shaang, ammi amit, liping, kongkoih, harp, phaam hatü lebü kesho lokpü hadir vüngpü danhinüng, aümei shaei lajei kü khümtuh. Shejao ammi hapakei nekhümjema, am peü shaang-üng yepei bah-ei nyupü awbhaong kü shüktükhen. Mepa kahvangi am ngelei lak kübü yangaokhenang?”

DANIEL 3:28

Nebukadnezzar ongpai, “Shadrakh, Meshakh hatü Abednego hathülei Kahvang men longtuh! Büpai büpalei vangsho phongshan shomei büpa chongphopüthü yangteke! Jomi büpa kü hinglem, hatü jomei Kahvang nevaipheikü, ngelei kahvang chongnephohen hatü nekhümhen shei ngelei shahkungnyü dangkao mangei, jomei yangnyu dihen thahshi lanei shuohteke.

DANIEL 3:29

Hanangkü ngei shahkungnyü hük lingnyüpeih: Üam nanglaki, jathili-i nevaijü shahlemi Shadrakh, Meshakh hatü Abednego hathülei Kahvang thaüvaüei langmaanhenshang, lakjaang lajaang laaishi shaaktükhen hatü jomei shemthü benei nyüphinya leitükhen; mehenangkü hapakei jangaokhen mü lebü kahvang meleiyao neshiü” shei eteke.

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

2 ONGPATHÜ 5:15

Hapheikü Naaman hatü büpa mü nyupüthü peü Kahvang shennyak touei nyokei leiyei büpa touei yaongtü, “Israel mü lenei kahdoknyü kü meleiyao Kahvang neshiü shei nyingteke. Chingmeilemlingei nüngei chongphobü leipü hapa laklei yahtuh” shei e.

MENVIH KESHO 96:4

Mehenangkü longpübayü Shembüpa, hatü longi vihhen nyüke; kahvangthü peü shak kü büpa kü dhüm shuohtuh.