DANIEL 2:45 - DAÜLANGPÜ LAIHING (BSI)

⁴⁵ Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

DANIEL 2:45 Referans Kwoze

ISAIAH 28:16

Hanangkü Shembüpa Kahvangi, “Veituh, ngei Zionlei chongnyiam yaong, hatü dokhen yaong hük, chongnyiam shing wong kohhen shingvaishi douvang shongkaong yaong hük tuhnyüpeih. Üpai hapa kü hinglemhenshang, neshanghahhen.

KAHBHAO 41:32

Aihük mangh nyi manghpeyü Kahvangi ha temtüktü nyüke, hatü büpai ha lomi koei peikahen.”

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

MENVIH KESHO 48:1

Longpeyü Shembüpa, hatü jenei Kahvangei chingnyü kü büpa longi vihhen nyüke.

2 SAMUEL 7:22

Oh Shembüpa Kahvang, nüng meshük longpüang! Nüng kei üpayao neshiü; hatü nüng mü lenei lebü kahvang üpayao neshiü shei hamei dhaongi danei nyüpeih.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

KAHBHAO 41:28

Hayü ngei nüng kü epükei Kahvangi mehe dükhen nyu, ha büpai hupü khih.

SHAKEI VAMPÜ 19:17

Hapheikü ngei vangsho phongshan hük vanghenyü kü yaongshi ee, hatü ngeü longpai büpai vangsho jiamei pipü shangouthü kü, “Peikei, Kahvangei mo longpü kü thaikei,

SHAKEI VAMPÜ 4:1

Hapa pheikü ngei veiteke, hatü vangsholei sha hük aptüktü nyuteke. Shongpü ngeü amit keiha ngei kü epü danpeyü, “Halei aongkei, hatü hapa pheikü mehe vamhen ngei nüng kü huphüshah” shei e.

SHAKEI VAMPÜ 1:19

Hanangkü shaang mehe nyu, hatü hapa pheikü mehe vamkahen nyu, ha nang nüngi shaang eepü nyangtuh.

LUK SHAHSHA APPÜ 17:20

Chem Jisu kü Pharisee ami Kahvang ongching mechem peikahen shei phe, hatü büpai jangei, “Kahvang ongchingü müki eebenüng douthü kei nepeinyih;

MATHI 24:35

Vangsho hatü kahdok peihdaihen, shejao ngelei shah nepeihdaihen.

MATHI 21:24

Jisui jomphong kü, “Ngeiyao amphong kü shah hük pheshah; amphongi ngei kü hapa shahnyok shuohjema ngeiyao amphong kü mepa wong homei hathü dou düknya ephahen hih.

ZEKHARIAH 12:3

Hapa nyih, mechem kahdoknyü jatthü peü pinnyü khüei thaihen, ngei Jerusalemü jat peü shing nejenlenpü yaongnyü hük leihühen. Üami ha nohen kheteihenshang, jom nyingi mangshi ma yahhen.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

DANIEL 2:24

Hahepak kü Babylon am nahpülangpüthü jühen shingvaishi ongpai jepü Ariokh touei Daniel peiyei büpa kü, “Nüngi jomphong tejütük. Ngeipa ongpa touei müei deituh, hatü ngei büpa kü mangh lappü tetei eshuohhen” shei eteke.

MENVIH KESHO 145:3

Shembüpayü longpü, hatü longi vihhen nyüke; büpa longpü jung üpaiyao yemei neaokpih.

MENVIH KESHO 135:5

Mehenangkü Shembüpayü longpü, hatü jenei Shembüpayü kahvangthü peü shak kü Kahvang.

MENVIH KESHO 96:4

Mehenangkü longpübayü Shembüpa, hatü longi vihhen nyüke; kahvangthü peü shak kü büpa kü dhüm shuohtuh.

JOB SHAHSHA APPÜ 36:26

Hingmei, Kahvangü longpü, hatü jeni büpa nenyingaoknyu; nevaijü büpalei vangbong meshük yemei neaoknyu.

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

NEHEMIAH 4:14

Ngei hathü dou veikem pheikü ngei yaongei mübüthü, lakchongbüthü hatü aopü nanglakthü kü, “Jom kü tenyem. Ammei jeihinaü, hapeüthü, nyühathü hatü am shem nangjei hokpü longpü hatü nyempühanpü Shembüpa deih-ei dangtuh” shei eteke.

1 SHÜPPÜKENGPÜ 16:25

Mehenangkü Shembüpayü longpü hatü duei-ouhen shangpü; kahvangthü peü shak kü büpa kü dhüm shuohtuh.

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

DANIEL 2:29

Oh Ongpa, nüng lüngei lemshi ngoikahen nang deihhah-ei nyuteke, hatü shahjo shakei vamhüpübai nüng kü mehe vamhen ha huteke.

DANIEL 8:25

Büpalei kon nemeipai lueilemei shemmei leihen, büpai ngeiyü peü mü longpü shei changmeihen. Büpai shahvüng neshuoh-i shennyak longi jühen, büpai ongthü khongkü ongpa kü dangkao khüei yaonghen; shejao büpayü hangkulei laki nehongpü kü mahdaihen.

KAHBHAO 41:26

Meipü mohoh nyet hayü bong nyet, hatü hahmai meipü nyet hayao bong nyet lappü; ha mangh nyiphen hük khan.

MENVIH KESHO 2:9

Nüngi nyiamlüng hük notü jom mangtükhen, nüngi jom haümdük nihpükei khih mü nihtükhen.

HAGGAI 2:22

hatü ongchingthü khaptükhen, hatü jatthülei ongching wong ngei mahtükhen; ngei koyei kharithü hatü ha müpüthü, koyeithü hatü ha kü uopüthü jomei yannah kü-üng mahkemhen” shei etuh.