DANIEL 2:44 - DAÜLANGPÜ LAIHING (BSI)

⁴⁴ Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

DANIEL 2:44 Referans Kwoze

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

MENVIH KESHO 145:13

Nüngei ongchingü nedohnetenpü ongching, hatü nüng vanglem lempü hüdenhalenshi nyunyeih. Shembüpai büpalei shahthü peü jiüshi düknyeih, hatü büpai phahjipai douthü peü düknyeih.

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

ISAIAH 60:12

Mepa jat nevaijü ongchingi am chongnephohenshang mahhen; hathü jatthüyü chemjalak kü mangtükhen.

DANIEL 4:3

Büpalei yashanyale meshük longpüang! Büpalei thamapü dou mekei wong kohpüang! Büpalei ongchingü nedohnetenpü ongching nyüke; büpa vanglem lempü hüdenhalenshi nyuhen.

DANIEL 2:37

Oh Ongpa, nüngü ongthü khongkü ong khih. Vangsho Kahvangi nüng kü ongching hean, ngan, wong hatü müknyinshekhang shuohteke;

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

EZEKIEL 37:25

Ngei ngelei chongphobü Jakob kü shuohpü kahdok, chebü chepa am nyuhampü kahdokei jom nyuhen. Jom hatü jomei hühihathü halei den kü nyuhen, hatü ngelei chongphobü David keipü ong hüki jom kü den kü ong vaihen.

SHAKEI VAMPÜ 2:27

“Büpai jom kü nyiam lenshuoh notü vanglem lemhen, büpai jom ashem dük bhaopükei bheitü bhaotükhen.”

JOHAN 12:34

Khongi büpa kü, “Messiah-ü den kü nyunyeih shei hami shahkung leipü danpeih. Nüngi mekei etü Shennyak Ha shangei anshihhen shei enya? Shennyak Ha shei epeyü üpaang?” shei e.

DANIEL 8:25

Büpalei kon nemeipai lueilemei shemmei leihen, büpai ngeiyü peü mü longpü shei changmeihen. Büpai shahvüng neshuoh-i shennyak longi jühen, büpai ongthü khongkü ongpa kü dangkao khüei yaonghen; shejao büpayü hangkulei laki nehongpü kü mahdaihen.

DANIEL 2:34

Mechem nüngi ha kü chishi nyupa, shennyakei laki nehongpü kü yaongvak kübü yaong longpü hük lokteke. Hapa yaongi nyiam hatü ashemi lingpü lajeilei la kü shüktü nihtükteke.

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

DANIEL 2:35

Hahepak kü nyiam, ashem, melangnyiam, ngin hatü hon kemei chemi khih mü nihdai, hatü shaonyü hepak kü hah tenshing leipü hahbhang kei lei, hatü hapa shing khih shei nelekaokhen mü vanglüki maoei lüdaiteke. Shejao yaong payü kahdok peü küppei kahshang longpü leiteke.”

DANIEL 2:43

Hatü nüngi ashem mü nyiam vuktü eepü keiha, shennyak lem longi vukshi nyuhen hatü ongpathüi yiükyah lashompai mongjemhühen khehen, shejao nyiami ashem nyi nepaknekhampü keiha shennyakthü mong nejemhen.

HAGGAI 2:7

Jatthülei mophimo peü peihen shingvaishi ngei jatthü peü jenhühen, hatü ngei hapa shem müknyinshekhangi mahühen shei Jeiyong Shembüpai enyüke.

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

DANIEL 6:27

Büpai hunglangtü yangnyüpeih; büpai vangshothü hatü kahdoknyü kü nyangeihepü, hatü yashanyale dou düknyüke. Mailangthüi Daniel jütükhen kübüao büpai yangteke.”

HAGGAI 2:22

hatü ongchingthü khaptükhen, hatü jatthülei ongching wong ngei mahtükhen; ngei koyei kharithü hatü ha müpüthü, koyeithü hatü ha kü uopüthü jomei yannah kü-üng mahkemhen” shei etuh.