DANIEL 2:35 - DAÜLANGPÜ LAIHING (BSI)

³⁵ Hahepak kü nyiam, ashem, melangnyiam, ngin hatü hon kemei chemi khih mü nihdai, hatü shaonyü hepak kü hah tenshing leipü hahbhang kei lei, hatü hapa shing khih shei nelekaokhen mü vanglüki maoei lüdaiteke. Shejao yaong payü kahdok peü küppei kahshang longpü leiteke.”

DANIEL 2:35 Referans Kwoze

MENVIH KESHO 37:10

Hepak kanja pheikü mangthü nechongkahen; Ammi jom yemjao nedanghen.

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

HOSEA 13:3

Hanangkü jomü nepnüng nyaü, nevaijü dhom hepak nyien kei lomi nyadaihen, Hah tenshing kübü hahbhang pidaipükei, nevaijü shaden kü awshit daipükei lüdaikemhen.

ISAIAH 11:9

Ngelei daülangpü kahshangei, jomi ten nedükhen nevaijü nejüteihen; mehenangkü yungching kü yungi maei nyupükei, kahdoknyü-ü Shembüpa nyingpai maei nyuhen.

SHAKEI VAMPÜ 12:8

shejao jomphongi neneü, hatü hajük kü jom shing vangsholei nyuhen shing neshiüi leidai.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

1 KORINT 15:25

Büpai laophülei vepathü büpalei la phangei mangtuh thahshi büpai vanglem lemhen.

MIKA 4:13

“Paotuh hatü shouptuh, Oh Zion nela; mehenangkü ngei nüng kü nyiamvaung yahphahen. Ngei nüng kü melangnyiam ladok shuohhen, hatü nüngi jatthü longi khih mü mangtükhen.” Jomi iy-aongmashaei dangpü mopthü nüngi kahdoknyü peü shak kü Shembüpa kü shuohtükhen.

MENVIH KESHO 103:16

Vanglüki ha kü lükshuohjü, ha kaongdainyüke; hatü hapalei shing nenyingi leidainyüke.

MENVIH KESHO 86:9

Nüngi lingpü jatthü peü peiyei nüng kü aümei khümhen, Oh Shembüpa, hatü nüngei men müknyinshekhanghen.

MENVIH KESHO 66:4

Kahdoknyü peüi nüng kü khümnyüke; jomi nüng menvihpü loknyüke; nüngei menvihpü loknyüke.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

MENVIH KESHO 37:36

Shejao pheishi ngei peihshingkü büpa nenyu; ngei büpa yem shejao nedang.

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

JOB SHAHSHA APPÜ 6:17

shejao shaamshingkü hathü nyaüei neshiüi leidainyüke, hatü yungyenthü meheyao neshiüi jepdainyüke.

ISAIAH 8:9

Chemi vehok ngeü antuh, nanglakthü, hatü nyemtuh! Am tailu kahmükthü bangtuh. Hokhen temtuh, shejao nyemtuh! Hokhen temtuh, shejao nyemtuh!

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

ZEKHARIAH 12:3

Hapa nyih, mechem kahdoknyü jatthü peü pinnyü khüei thaihen, ngei Jerusalemü jat peü shing nejenlenpü yaongnyü hük leihühen. Üami ha nohen kheteihenshang, jom nyingi mangshi ma yahhen.