29 Oh Ongpa, nüng lüngei lemshi ngoikahen nang deihhah-ei nyuteke, hatü shahjo shakei vamhüpübai nüng kü mehe vamhen ha huteke.
shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:
Veituh, üpai kahshangthü shüknya, hatü vanglük lingnya, shennyak kü büpalei mongdeih ngaiyei enya, dhomi vangnyak leitüknya, hatü kahdok shaopüthü kü kamnya, hapayü Jeiyong Shembüpa Kahvang, büpalei men nyüke.
Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.
Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.
Shembüpa Kahvangi hapakei enyüke: Hapa nyih nüngei mong kü chudeih peikahen, hatü nüngi nemeipü küpjan temhen.
Hahepak kü Joseph-i Pharaoh kü, “Hapa mangh nyiphen aihük mon khih; Kahvangi mehe dükhen nyu, ha shakei vamei hupü khih.
Ngei nüng kü vihnyeih, hatü dhüm shuohnyüpeih, Oh hamei bühipa amei Kahvang: Nüngi ngei kü kon hatü ngan shuohnyüpeih, hatü hami nüng kü mehe yüpa, ha nüngi shakei vamei huphüteke, Nüngi ham kü ongpalei mangh shakei vamphüteke.”
Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.