DANIEL 2:21 - DAÜLANGPÜ LAIHING (BSI)

²¹ Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

DANIEL 2:21 Referans Kwoze

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

DANIEL 7:25

Büpai Jaipüba Kahvang khüei ehen hatü Jaipüba Kahvangei nanglakthü kü shüveidoideihen. Büpai jomei shahkungnyüthü hatü daülangpü mohitapthü yeiyatükhen khehen, hatü Kahvangei nanglakthü büpalei vanglem phangkü vangbong jem mü hükkeishing nyuhen.

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

JOB SHAHSHA APPÜ 12:18

Büpai ongpalei bhag-ai yükpat bhühtüknyeih, hatü shüng kü shüngshep shephünyeih.

1 ONGPATHÜ 4:29

Kahvangi Solomon kü kihikon hatü yao-aokpü kon, hatü neshetnephenaokpü yungching bahiyang kei danaokpü kon shuoh.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

1 ONGPATHÜ 3:28

Mechem Israel am kemei-i ongpai shahphen shuohpü danpa, jomi ongpa kü dhüm longi shuoh; mehenangkü büpa kü shahhingi vanglem lemhen Kahvang leipü kihikon nyüke shei nying.

MÜLANGPÜ 31:3

hatü büpa kü lahhinei doumük kohshi lemphü mistri dou dükhen kihikon,

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

DANIEL 2:9

ngei deihshi nyupü aimü amphongi hepak luangi yahnüng shei khenyüke. Hepak ngoijü lemphü yeiyadaihen shei monglemei amphongi ngei kü shahshem hatü nemeipü ehen phaüshah showteke. Hanangkü shaang ngei kü mangh eshih, hatü amphongi hapa lappü ngei kü nih-aokteke shei ngei nyinghen.”

1 SHÜPPÜKENGPÜ 22:12

Büpai nüng Israel am shak kü veihen tuhshingkü Shembüpa, nüngei Kahvangei Shahkungnyü jiüshi dükhen shingvaishi Shembüpai nüng kü yao-aokpü hatü danaokpü kon nyemyahpha.

1 ONGPATHÜ 10:24

Kahvangi büpa kü shuohpü kihikon banghen shingvaishi kahdoknyü kemei Solomon touei peihen kenteke.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

DANIEL 11:6

Bong shohük pheikü jom mongjem ponghen. Pehe ongching kübü Ijip ongpai laophülei yiükha apsha ongching kübü Syria ongpa kü doi deishihhen, shejao mongjem pongpü neshenhen. Pinnyü hatü chepaha, chehathü hatü pinnyü mü deishihpü aathü peü jütükhen.

1 SHÜPPÜKENGPÜ 29:30

büpai vanglem lempü jung peü, büpalei wong, büpai ponghahpü Israel ami heüpü douthü hatü kahdoknyü ongchingthü kü vampü jung peü nyangei nyüke.

MÜLANGPÜ 31:6

Shao ngei Dan am phang kübü Ahisamakhei cheha Oholiab-ao büpa mü sheühteihen jetepih. Ngei nüng kü epü lemphüli meishi linghen shingvaishi ngei jom kü lahhinlangnyai kon shuohtepih.

ESTHER 1:13

Shahkungnyü nyingpüthü kü ongpai phehen vaipü nangkü,

ROM SHAHSHA APPÜ 13:1

Peüi vanglem lembüthü phangkü shütuh; mehenangkü Kahvang leipü nevaipheikü vanglem lembü neshiü, hatü shaang nyupü vanglem lembüthüyü Kahvangi lingpeih.

DANIEL 1:17

Ha nethethü jom ali kü Kahvangi nyingpühingpü, laiyung, hatü lemphü yao-aokhen kihikon shuoh. Ha mü chemi, Danieli mangh hatü manghkhang lemphüli tetei eaokteke.

DANIEL 2:20

“Kihikon hatü nganhilongü büpalei; mehenangkü Kahvang men denden kü longtuh.

DANIEL 2:23

Ngei nüng kü vihnyeih, hatü dhüm shuohnyüpeih, Oh hamei bühipa amei Kahvang: Nüngi ngei kü kon hatü ngan shuohnyüpeih, hatü hami nüng kü mehe yüpa, ha nüngi shakei vamei huphüteke, Nüngi ham kü ongpalei mangh shakei vamphüteke.”

DANIEL 10:1

Cyrus ongpai Persia kü vanglem lempü vangbong jempabü kü Daniel (üpa kü Belteshazzar sheiyao nyüknya) touei shah hük shakei vam. Hapa shah-ü shahhing hatü hapayü vehok jung shiüteke. Hapayü büpa kü manghkhang kü nih-ei eshuohteke.

DANIEL 4:14

Büpai ngeüwong anei lenteke: “Hapa pü agtüktuh, hapalei kaothü langtüktuh, hapalei phenlak kaongtüktuh, hatü betjük haitüktuh.

DANIEL 4:22

ha püyü Oh Ongpa, nüng khih! Nüngü longi shaoshi hatü wong kohshi longteke. Nüngü vangsho kü shongshi longteke, hatü nüngei nganhiwong kahdoknyü peü philei daiteke.