DANIEL 2:20 - DAÜLANGPÜ LAIHING (BSI)

²⁰ “Kihikon hatü nganhilongü büpalei; mehenangkü Kahvang men denden kü longtuh.

DANIEL 2:20 Referans Kwoze

MENVIH KESHO 113:2

Shaang mebü hatü düngei Shembüpalei men moihimantuh.

JOB SHAHSHA APPÜ 12:13

Kihikon hatü wongü Kahvangei; shahnying hatü danaokpeyü büpalei lakei nyüpeih.

SHAKEI VAMPÜ 5:12

ngeüwong anei lokei e, “Jütükpü Mi Chehai ngan, mop, kihikon hatü wong, hatü dhüm, müknyinshekhang hatü moihiman yahhen shangpeih.”

JEREMIAH 32:19

nüngi kon kohpü hatü nüngei dou peü yashanshi; nüngei müki hangkulei lemthü peü kü veishi nyüke, hatü peü kü laophülei lem hatü laophüi dükpü kübü betjük shangshi nüngi laklei shuohnyüke.

MENVIH KESHO 147:5

Longpübayü jenei Shembüpa, hatü ngan kü changpüshapü nyüke; büpalei kihikonü neshet-aoki nyüke.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

KANDOK 8:14

Kihikon hatü shahhing shahphenpü ngeilei nyüpeih; ngei kü danaokpü kon hatü wong nyüpeih.

MENVIH KESHO 115:18

Shejao hami Shembüpa kü shaang mebü düngei moihimanhen. Shembüpa men longtuh!

1 ONGPATHÜ 8:56

Büpai lahpükei laophülei Israel nanglak kü nyiushemmei shuohpü kü Shembüpa men longtuh. Büpai laophülei chongphobü Mosa homei lahpü hükao neshai-i jiühüteke.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MENVIH KESHO 62:11

Kahvangi chem ha eteke; ngei ha nyipa dantepih. “Nganhiwongü Kahvangei,

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

MENVIH KESHO 41:13

Shembüpa, Israel Kahvangei men hüdenhalenshi vihtuh, Amen! Amen!

2 SHÜPPÜKENGPÜ 20:21

Nanglakthü mü shahnying eteiyei temphei kü büpai veshanthü shekü Shembüpa kü menvih shuoh-ei büpa daülangshemshepü nethe meipü jung kesho lokhen shennyak hanei jeyei hapakei eteke: “Shembüpa kü menvih shuohtuh, mehenangkü büpa bampü nedohneteni nyüpeih.”

1 SHÜPPÜKENGPÜ 29:20

Hapheikü Davidi thaipü nanglakthü kü, “Shembüpa, ammei Kahvangei men longtuh” shei e. Hanangkü jom peüi Shembüpa, jomei bühipa Kahvang kü menvih; jomi Shembüpa hatü ongpa touei kahdok kü aümei shateke.

KAHBHAO 14:20

Nüngei lak kü vepathü shuohpü Jaipüba Kahvangei men longtuh.” Hahepak kü Abrami büpa kü lemphü kübü ankhong shuohteke.

MENVIH KESHO 113:1

Shembüpa men longtuh! Oh Shembüpa chongphopüthü, men longtuh; Shembüpalei men longtuh.

EZEKIEL 28:3

Nüngü Daniel mao nahpeih shei deihnyu je? Nüng touei mehe doujo-ao joshi nenyuaokhen je?

NEHEMIAH 9:5

Hahepak kü Levi am, Jeshua, Kadmiel, Bani, Hashabneiah, Sherebiah, Hodiah, Shebaniah hatü Pethahiah hathüi, “Yaongtuh hatü nedohneteni Shembüpa, ammei Kahvangei men longtuh. Nüngei müknyinshekhang men moihimantuh, hatü moihiman menvih peü shak kü longei anshihtuh” shei e.