DANIEL 2:11 - DAÜLANGPÜ LAIHING (BSI)

¹¹ Mehe ongpai phenya, hayü ahshi-üng wongshi khih. Kahvangthü nevaiphei keyü ongpa kü üpaiyao ha shakei vamei ne-eaokhen, hatü henüng keipü shennyak hangku khongkü nedangpih.”

DANIEL 2:11 Referans Kwoze

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JOHAN 14:17

Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

MATHI 19:26

Jisui jomphong kü veitü, “Hangku shingvaishi hayü neaokbenüng shejao Kahvang shingvaishi peü aokbenüng” shei e.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

MÜLANGPÜ 29:45

Ngei Israel am khong mü nyuhen hatü ngei jomei Kahvang vaihen.

KAHBHAO 41:39

Hanangkü Pharaoh-i Joseph kü, “Kahvangi nüng kü hathü peü hupü nangkü nüng keiha kon kohpü hatü güh yao-aokpü üpayao neshiü.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

JOEL 3:21

Jomei iy yenpü bhüh ngei yemhen, hatü ngei nejiüpü am neyanghen; Mehenangkü Shembüpa ngei, Zionlei nyunyüpeih.”

ISAIAH 8:18

Shembüpai ngei kü shuohpü hashihthü mü ngei hammü nyüpeih. Hamphongü Israel am shingvaishi Zion Kahshangei nyupü Shembüpalei dou hük hih.

MENVIH KESHO 132:14

“Hapayü den kü ngei nyiumei shing halei ngei nyuhen; mehenangkü ngei ha lümnyüpeih.

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

2 SHÜPPÜKENGPÜ 6:18

Shejao hingmei Kahvangü shennyak mü kahdoknyülei nyuhen je? Vangshothü, hei-üng shaopü vangshothü kü dangkao nüng nechajü hajük maanpü ngei vepü shem kü nüng chahen je?

1 ONGPATHÜ 8:27

Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

BHEI-IE 35:34

Am nyupü kahdok tenyettük; mehenangkü ngeiyü Shembüpa, hatü ngei Israel nanglakthü mü nyunyüpeih.

MÜLANGPÜ 8:19

Nganbüthüi Pharaoh kü, “Hapayü Kahvangi lakhüngnyu khih” shei eteke. Shejao Shembüpai epü keiha Pharaoh mong vaanteke, hatü büpai ha nebang.

KAHBHAO 41:8

Nepnüng paoei büpa longi mongshang, hanangkü büpai Ijip kahdok kübü tetpüvanpü hatü nahpülangpüthü peü nyükhen shom. Pharaoh-i jomphong kü mangh ejajao üpaiyao hapa mangh tetei büpa kü ne-eaok.

ISAIAH 47:12

Am hashih mebü dükteipü thihivam dou hatü am phongyomteipü lemphüli jungeilangei tuhhahtuh; Üpai nying, hapai am kü sheühphahen aokpeih, hatü ammei vepathü kü nyemshaohen aokpeih.

DANIEL 4:4

Ngei, Nebukadnezzar, ngelei ong shemei mophimo shangkü hüshemei nyuteke.