DANIEL 12:4 - DAÜLANGPÜ LAIHING (BSI)

⁴ Shejao nüng, Daniel, dohpü hepak mangngoi thahshi hapa lai küptüktuh hatü füoshang shingtüktuh. Longshi shingi hamebü hammü shei mehe vamnya ha nyinghüei longteihen.

DANIEL 12:4 Referans Kwoze

DANIEL 12:9

Büpai jangteke, “Daniel, nüng leidaituh; mehenangkü hathü shahthü dohpü mangngoi thahshi joei küpei tuhtuh.

SHAKEI VAMPÜ 22:10

Hatü büpai ngei kü, “Nüngi hapa lai kübü thihivam shahthü füoshangi shüngtü küpshi tetuh; mehenangkü hepak yopailei nyüke.

DANIEL 8:26

Dhom hatü omthü nang manghkhang nih-ei epeyü jiükahen. Shejao nüngi hapayü mongei jaoei tuhtuh; mehenangkü ha jiükahen shao hepak luangi nyüpeih.”

DANIEL 8:17

Hahepak kü Gabriel, ngei touei peiyei yaongküteke, hatü ngei nyempai kahdokei doei sha. Shejao büpai ngei kü, “Oh dipü mahpü hangkuli, hapa lappü nyingtuh. Hapa manghkhangü kahdoknyü dohpütenpü jung epü khih” shei e.

SHAKEI VAMPÜ 10:4

Mechem vangmuk nyet khungpa, ngei nyangnüng shei nyu, shejao vangsho leipü ngeü hüki, “Vangmuk nyeti mehe e, ha kü füoshang shüngtüktuh, shejao hapa tenyang” shei epü ngei dan.

DANIEL 12:13

Shejao nüng, Daniel, dohpü ngoishi hinglemei nyutuh. Nüng didaihen, hatü dohpü nyih kü nüngei laklei yahhen nüng yangei leihen.”

ISAIAH 32:3

Hahepak kü üamei müki eenya, jomei mük nengühhen, hatü üamei dhaongi dannya, bangei nyuhen.

ISAIAH 8:16

Ngelei denpü shahjangmei yomtuh, hatü shahkungthü ngelei nanglakthü mü jungeilangei tuhtuh.

MATHI 24:14

Hatü hapa ongching shahjangmei kahdoknyü peü lemei denpü hük vaishi jatthü peü kü chongvenhen; hapheikü dohpü ngoikahen.

ISAIAH 11:9

Ngelei daülangpü kahshangei, jomi ten nedükhen nevaijü nejüteihen; mehenangkü yungching kü yungi maei nyupükei, kahdoknyü-ü Shembüpa nyingpai maei nyuhen.

DANIEL 11:40

Dohpü hepak kü Ijip ongpai büpa mü hokhen, shejao Syria ongpai büpa mü khüei alüngleple kei vehok koyeithü, koyei veshanthü hatü jahasthü müei peiyei hokhen. Büpai kahmükthü longi hahtükhen hatü bünghiyangi kei maotükhen.

DANIEL 11:33

Kon kohpü mübüthüi mih longi mü jomei kihikon hanteihen, shejao kanja shingvaishi jomphong hanei vehok kü mahhen, nevaijü aw kü jakei jühen, aetpüshepü ponghen nevaijü khoklat kü küphen.

ROM SHAHSHA APPÜ 10:18

Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”

DANIEL 10:1

Cyrus ongpai Persia kü vanglem lempü vangbong jempabü kü Daniel (üpa kü Belteshazzar sheiyao nyüknya) touei shah hük shakei vam. Hapa shah-ü shahhing hatü hapayü vehok jung shiüteke. Hapayü büpa kü manghkhang kü nih-ei eshuohteke.

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

SHAKEI VAMPÜ 5:1

Hapheikü ngei ong uoshingei uopübalei lakdah philei laidü hük mong philei hatü ngaümphei philei nyangtüktü, ha kü füoshang nyet shüngtü noshi eeteke,

ISAIAH 29:11

Am shingvaishi hapa manghkhangü küptükpü laitap hük leshi leidaiteke. Ammi hapa laitap ieaokpü shennyak kü, “Hapa ieshih” shei eshuohjü jomi, “Hapayü küptükpü nangkü ne-ieaokükhih” shei ephahen.

JEREMIAH 5:1

Jerusalem nanglakthü, ammei chingyangshong kü longteihümao; Shinei veituh, hatü deihhümao, shoukhinuk peü kü yemhümao. Hingshangi nyupü hatü shahhing yempü shennyak hük dangkao dangjema, ngei hapa chingnyü kü mang tükhen.

DANIEL 10:14

Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

DANIEL 10:21

shejao shahhing laitap kü mehe nyangei nyu, ha shong ngei nüng kü ephüshah. Israel yompü Mikhael phongshan mü lenei jom khüei hokhen üpaiyao ngei kü nesheühphünyu” shei e.

DANIEL 12:5

Hahepak kü ngei, Daniel, veishuoh shingkü ngei touei panyi peiyei yungdang phipong kü yaongküteke.

DANIEL 8:19

ephüteke, “Kahvang mongshihpü nyihhihe kü pheilei mehe vamkahen ngei nüng kü ephüshah; mehenangkü hapa manghkhangü ittükpü dohpütenpü hepak nang epü nyüke.