DANIEL 12:1 - DAÜLANGPÜ LAIHING (BSI)

¹ Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

DANIEL 12:1 Referans Kwoze

JEREMIAH 30:7

Hapa nyih meshük nyembenüng nyuhenang! Mepa nyih-ao hapa mü shetteihen neaokpih. Hapayü Jakob shing shanghah hepak nyuhen, shejao ha kübü büpa yangdaihen.”

MATHI 24:21

Mehenangkü hapa hepak keyü kahdoknyü chongpanghinüng shaang thahshi kü mechemao hapakei nenyupü hatü mechemao hapakei nenyukahen shanghah hük nyuhen.

MARK 13:19

Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen.

DANIEL 10:13

Shejao Persia ongching ongpai nyih hapühük thahshi ngei khüei yaongpeih. Hahepak kü vangsho phongshan longpüthü khongkü hük, Mikhael, ngei kü sheühnüng peiküpeih, hatü ngei büpa Persia ongching kübü ongpa mü tuhphongpeih.

DANIEL 10:21

shejao shahhing laitap kü mehe nyangei nyu, ha shong ngei nüng kü ephüshah. Israel yompü Mikhael phongshan mü lenei jom khüei hokhen üpaiyao ngei kü nesheühphünyu” shei e.

SHAKEI VAMPÜ 12:7

Vangsholei vehok hük vam; Mikhael hatü büpalei vangsho phongshanthüi Dragon khüei hok. Dragon hatü büpalei phongshanthüiyao ha kü khangei hok,

SHAKEI VAMPÜ 20:15

Hapa yangnyu laitap kü men nyangei nenyupüthü hapa aw shemyungei shüktükteke.

SHAKEI VAMPÜ 20:12

Hatü ngei dipüthü longpü maanpü peü ong uoshing touei yaongshi ee, hatü laithü apteke. Shao lebü lai hük, yangnyu laitap apteke, hatü dipüthü peü lailei nyangei nyupü jomei dou aimü shahphenteke.

SHAKEI VAMPÜ 3:5

Ammi vehok neüjema, amphongao jomphong kei shola ow owhen, hatü ammei men vanyangyem laitap kübü nethittükhen; ngei ammei Opa hatü büpalei vangsho phongshanthü touei lahhen.

LUK SHAHSHA APPÜ 10:20

Shejoongpa, mang laanghathüi amphong kü bangpü nangkü mongte-ong, shejao vangsholei ammei men nyangei nyupü kü mongongtuh” shei eteke.

DANIEL 9:12

Nüngi ham hatü hamei vanglem lembüthü khüei dükhen shei epü shahthü peü ham kü shangpong longpü shuohpai jiüteke, hatü mepa Jerusalem khüei nyüpa, hapa keiha vangsho phangkü mechemao nedükangpih.

SHAKEI VAMPÜ 13:8

Kahdoknyü kü nyupü peü, üamei men jütükpü Mi Chehalei yangnyu laitap kü kahdoknyü chongpanghinüng men nyangei nenyu, hathüi hapa kü khümhen.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

JUD SHAHSHA APPÜ 1:9

Shejao vangsho phongshan longpüba Mikhaeli dangkao mechem kahshih mü Mosalei mahng kü aetteipa, büpai büpa kü yaüeilungei thaüvaüei ne-eangpih shejao, “Shembüpai nüng kü lohnyüke” shei epeih.

PHILIPPI 4:3

Hih, ngei am kao phenyeih, ngei mü pang hük paipü, hapa nyüha nyi kü sheühtuh; mehenangkü shahjang meipü dousho nangkü ngei mü jiji hatü Klement hatü chemi chongphopüthüi kheyei düktepih, hatü jomei men yangnyu laitap kü nyangei nyüke.

EPHESIA 1:21

hapayü shahkung hatü vanglem lempü, ngan hatü ongching peü shak kü hatü men menpü lemphü shak kü hapa den kü mon nevai, shejao ngoikahen den kao ha shuohpeih.

ROM SHAHSHA APPÜ 11:26

Hapakei Israel am peü yanghen; hapa nyangei nyüke: “Zion kübü Yemleipüba peikahen; büpai Jakob kübü mangthü peü yaktükhen.”

EZEKIEL 13:9

Ngelei lak nejiüpü manghkhang eepüthü hatü shahshemi tetpüvanpü epüthü khüei nyüpeih; henüng keipü shennyakthü ngelei nanglakthü mü shahdep kü ne-omhen. Israel amei bühü men nyangpü laitap kü neshüaokhen; hathüi Israel kahdokei nyokei neleiaokhen. Shejüang ammi ngeiyü Shembüpa Kahvang khih shei nyinghen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

ISAIAH 4:3

Zionlei tuhpüthü, Jerusalemei aoei yemmü men nyangei nyupüthü peü kü daülangpü shei nyükhen.

MENVIH KESHO 69:28

Jom yangnyu laitap kübü thittüktuh; daülangpüthü mü jomei men omei tenyang.

MENVIH KESHO 56:8

Ngei theppüyoungpü nyangei tuhtuh; nüngei laitap kü ngei mükphi yenpü nyangei tuhtuh. Hathü nyangei neshiüpü je?

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

ROM SHAHSHA APPÜ 11:15

Jom yaktükpai kahdoknyü mongjemhüpü vaijema, jom yahpeyü dipü kübü yangnyuyem nyuhen.

DANIEL 11:45

Büpai yungching hatü nethe meipü kahshang nyi aa kü longhiongei ashakshem longpü vehen. Shejao üpaiyao büpa kü sheühhen neshiüi büpa hammü dihen.

EZEKIEL 34:24

Ngei, Shembüpayü jomei Kahvang vaihen, hatü ngelei chongphobü Davidü jom khongkü ong vaihen. Ngei, Shembüpai ha etepih.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

EZEKIEL 5:9

Ammei jiühitnalaipü douthü nangkü ngei shelei chemao nedükpü dou hatü ngoikahen kao nedükhen dou ngei am kü dükhen.

DANIEL 7:10

Büpa toueipü aw yungyen kei yenei vamteke. Haja hajai büpa chongphoteke, hatü haja an dok kü haja an büpa touei yaongteke. Shahphenbüthü shahtap kü uo, hatü laithü apteke.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

MALAKI 3:16

Hahepak kü üami Shembüpa kü nyemnya, jom hüki hük mü eteinyüke, hatü Shembüpai bang, hatü ha danteke. Büpa nyupü shingei deihen shingvaishi laitap hük kü Shembüpa kü nyempüthü hatü büpa kü dhüm shuohpüthülei men nyangteke.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.