DANIEL 11:7 - DAÜLANGPÜ LAIHING (BSI)

⁷ Meshük ne-angi pinnyülei shem am hüki ong vaihen. Büpai Syria ongpalei veshanthü khüei hokhen; jomei penyüsha benei shühen, hatü hok neühen.

DANIEL 11:7 Referans Kwoze

LUK SHAHSHA APPÜ 12:20

Shejao Kahvangi büpa kü, “Nüng ngapa! sheya-üng nüngei yangnyu nüng kübü yülanghen. Hahepak kü nüngi laophü tempü üpa shing vaihen?

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

EZEKIEL 17:18

Büpai vangpüshuwpü mangei lahtükpü yakphongteke. Mehenangkü büpai laophülei laki dükei lahteke shejao hathü doutenthü dükteke, büpa neyangaokhen.

JEREMIAH 12:2

Nüngi jom sheiteke, hatü jom tünglang yiüteke: jom longei betjük jüknyüke; Jomei jubenei düngei nüng jung enyüke, shejao jomei mongdang longi taidaitü nyüke.

ISAIAH 11:1

Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

ISAIAH 9:14

Hanangkü Shembüpai Israel amei mei hatü shangjing daktükhen, nyihcha kü palm püthü hatü pingu kemei aütükhen;

MENVIH KESHO 109:8

büpalei yangnyu nyih shohtüktuh, büpalei mopthü lebü hüki yahlanghütuh,

MENVIH KESHO 55:23

Shejao Oh Kahvang, nüngi hathü kahsha chüpülei hütükhen; iy yenhüpü hatü lupülempüthü jomei yangnyu hükkei shingao nenyupih. Ngei payü nüng kü hinglemnyeih.

JOB SHAHSHA APPÜ 14:7

Agtükpü püchong hük kü pünien vamkahen shei monglemhen nyüke, hatü nienja shao neenkahen.

DANIEL 11:6

Bong shohük pheikü jom mongjem ponghen. Pehe ongching kübü Ijip ongpai laophülei yiükha apsha ongching kübü Syria ongpa kü doi deishihhen, shejao mongjem pongpü neshenhen. Pinnyü hatü chepaha, chehathü hatü pinnyü mü deishihpü aathü peü jütükhen.

DANIEL 11:40

Dohpü hepak kü Ijip ongpai büpa mü hokhen, shejao Syria ongpai büpa mü khüei alüngleple kei vehok koyeithü, koyei veshanthü hatü jahasthü müei peiyei hokhen. Büpai kahmükthü longi hahtükhen hatü bünghiyangi kei maotükhen.