DANIEL 11:40 - DAÜLANGPÜ LAIHING (BSI)

⁴⁰ Dohpü hepak kü Ijip ongpai büpa mü hokhen, shejao Syria ongpai büpa mü khüei alüngleple kei vehok koyeithü, koyei veshanthü hatü jahasthü müei peiyei hokhen. Büpai kahmükthü longi hahtükhen hatü bünghiyangi kei maotükhen.

DANIEL 11:40 Referans Kwoze

DANIEL 11:35

Jomphong daühühen hatü kawhikang neshiüi henghen shingvaishi kon kohpüthü hanei huluh shuohhen. Dohpü hepak, Kahvangi itpü hepak mangngoi thahshi ha nedoh-i nyukahen.

DANIEL 11:10

Büpalei chehai hokhen temhen hatü veshan longi daihen hatü yungnyü bünghiyangi keiha peü maoei shanhen hatü vepathülei penyü shaden thahshi hahhen.

ISAIAH 5:28

Jomei lahhanü nahshi, jomei pülah peü kütüktü nyüke; jomei koyeithülei ladokü yaongnah keiha, hatü jomei koyei kharithü alüngleple kei nyüke.

SHAKEI VAMPÜ 16:12

Vokpabü vangsho phongshani büpalei nükshung longpü Euphrates yungyen kü khüp, hatü heongphi leipü ongpa kü lem temhen shingvaishi hapa yung jepdai.

ZEKHARIAH 9:14

Hahepak kü Shembüpa jom shak kü vamhen; büpalei lahhan klang keiha kaphen; Jeiyong Shembüpai amit vünghen, hatü büpa pehephi leipü alüngleple kei mokhen.

DANIEL 12:4

Shejao nüng, Daniel, dohpü hepak mangngoi thahshi hapa lai küptüktuh hatü füoshang shingtüktuh. Longshi shingi hamebü hammü shei mehe vamnya ha nyinghüei longteihen.

EZEKIEL 38:4

Ngei nüng shinhühen hatü nyiamphaaki nüngei ju kü kenhen, hatü ngei nüng mü nüngei veshanthü, koyeithü hatü koyei veshanthü, jom peü phunglang ow changshi temtü khongnyü longpü, jom peüi inyüshung, yanlu notükkemtü müei daihen.

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

ISAIAH 21:1

Hapayü Babylon nangkü epü shah: Alüngleple-i yingtetlongshaipü keiha, nyempühanpü kahdok leipü shanghah vongshüh peikahen.

SHAKEI VAMPÜ 9:16

Koyei dokshangei uopü veshanthü million kho nyi nyu. Ngei jomei bhei-ie danteke.

DANIEL 11:22

Veshanthü hatü vangpüshuwpü ongpa dangkao chemjalak kü maotükhen hatü thittükhen.

DANIEL 8:17

Hahepak kü Gabriel, ngei touei peiyei yaongküteke, hatü ngei nyempai kahdokei doei sha. Shejao büpai ngei kü, “Oh dipü mahpü hangkuli, hapa lappü nyingtuh. Hapa manghkhangü kahdoknyü dohpütenpü jung epü khih” shei e.

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

DANIEL 11:7

Meshük ne-angi pinnyülei shem am hüki ong vaihen. Büpai Syria ongpalei veshanthü khüei hokhen; jomei penyüsha benei shühen, hatü hok neühen.

DANIEL 11:11

Mongshih anei pehe ongching kübü Ijip ongpai Syria am mü hokhen daihen hatü veshan longi yephen, shejao büpayü mih-i neühahhen.

DANIEL 11:13

Mehenangkü Syria ongpai shongpü mü nyeishi veshanthü thaihen, hatü vangbong shohük pheikü büpai veshanthü longi lahhilaong changshi temtü hokhen daihen.

DANIEL 11:25

Ijip ongpa mü hokhen büpai monglongshi veshanthü temhen, hatü Ijip ongpai wong kohpü veshanthü longi mü vehok hokhen. Shejao Ijip ongpai mih-ei kon nenyingpü nangkü aokpü nedanghen.

DANIEL 11:39

Kung amei kahvang leipü sheühpü yah-ei büpai wong kohpü penyüshathü bentükhen. Üami büpa mü nyingteiyei leinya, büpai jomphong kü mop hatü dhüm longi shuohhen, hatü uoshing shaopü kü nanglak longi shak kü vanglem lemhen, hatü jom kü kahdok yahshuohhen.

DANIEL 12:9

Büpai jangteke, “Daniel, nüng leidaituh; mehenangkü hathü shahthü dohpü mangngoi thahshi joei küpei tuhtuh.

HABAKKUK 3:14

Mechem büpalei veshanthüi hamphong yantükhen, hatü ham lühtükhen shei peitepa, nüngi büpalei phung yah-ei büpalei veshanthülei shangjing kü hümteke.

EZEKIEL 38:9

Nüng hatü nüngei veshanthü mü jatthü longi nüng mü yinglükleisho keiha daiyei hahhen, hatü kahdok kemei phumnyaki keiha jümlanghen.”