DANIEL 11:36 - DAÜLANGPÜ LAIHING (BSI)

³⁶ Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

DANIEL 11:36 Referans Kwoze

2 THESALONIKA 2:4

Büpai khüei yaonghen hatü büpa laophü nyingi kahvang shei epü hatü khümpü dou lemphü shak kü longei aonghen, shejüang büpai kahvang hih shei eshi Kahvang phopshemei uohen.

DANIEL 8:19

ephüteke, “Kahvang mongshihpü nyihhihe kü pheilei mehe vamkahen ngei nüng kü ephüshah; mehenangkü hapa manghkhangü ittükpü dohpütenpü hepak nang epü nyüke.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

DANIEL 11:16

Shejao Syria am khüei peijapüthü kü jomi mongpükei dükhen, hatü üpaiyao jom khüei neyaongaokhen. Büpai nethe meipü kahdok kü chonglingei nyuhen hatü hapa büpalei lakmong kü nyuhen.

DANIEL 2:47

Ongpai Daniel kü, “Hingmei, nüngei Kahvangü kahvangthü khongkü Kahvang, hatü ongthülei Shembüpa, hatü shahjo shakei vamhüpüba nyüke; mehenangkü nüngi hapa shahjo shakei vamhüaokpü homei ngei nyingteke” shei e.

ISAIAH 14:13

Nüngi nüngei mongei, “Ngei vangsho thahshi longei aonghen; ngei ngelei ong uoshing Kahvangei lithathü shak kü tuhhen; apshaphi Zaphon shangtao daüppülei shahthai shing kahshangei ngei ong uoshing kü uohen;

SHAKEI VAMPÜ 10:7

shejao nyetpabü vangsho phongshani büpalei amit vünghen nyihthü kü Kahvangei doujo büpai laophü chongphopü thibüthü kü epükei vamkahen.”

ISAIAH 10:25

Mehenangkü hepak kanja pheikü ngelei mongshih dohdaihen, hatü jom mahtükhen shingvaishi ngelei mongshih jom philei lephen.

MENVIH KESHO 136:2

Oh kahvangthü khongkü Kahvang kü menvih shuohtuh; büpa bampü den kü nyunyeih.

SHAKEI VAMPÜ 17:17

Mehenangkü Kahvangei shahthü mangdhaüm thahshi Kahvangi mongpü mükhong dükhen büpai jomei mongkü jomei ongching vanglem lemhen yemha kü ngan shuohhen mongteke

SHAKEI VAMPÜ 17:3

Hanangkü büpai ngei laangha kü müei jahpanei dai, hatü ngei nyüha hük iyshüm kei hakpü thaüvaü men mon maei nyupü yemha dokshangei uoshi ee, hatü hapa kü shangjing nyet hatü vaung an nyuteke.

SHAKEI VAMPÜ 12:14

Shejao hapa nyüha kü hapa biü toueipü pinnyü kü bong jem mü hükkeishing jungpü jahpanei pidaihen shingvaishi alang longpülei yang nyi shuoh.

PHONGSHANTHÜ DOU 4:28

Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke.

JOHAN 6:38

mehenangkü ngei vangsho leipü ngei mongpü düknüng yiüpü nevai, shejao üpai ngei shom, büpai mongpü düknüng yiüpeih.

JOHAN 5:30

“Ngei mongpü kü meheyao nedüknyih. Ngei danpükei ngei shahphennyeih, hatü ngei shahphenpeyü shahhing; mehenangkü ngei mongpü dükhen ngei neyemnyih, shejao üpai ngei shom büpai mongpü düknyeih.”

DANIEL 12:7

Nyemin ashak ümtü yung shangkü yaongpü shennyaki büpalei laknyong lakdah vangsho philei haongei vanyangyem Kahvang men kü vangei, “Hapayü bong jem mü hükkeishing nyukahen” shei epü ngei danteke. Mechem daülangpü nanglakthü kü shüveidoideipü dohhenshang, hathü douthü kemei dohpü vaihen.

DANIEL 11:3

Hahepak kü hampa ong hük vamkahen; büpai longi wong kohshi vanglem lemhen hatü büpai mongpükei dükhen.

DANIEL 8:4

Mi chebaonghai heshü, apsha hatü pehe phikü vaungi hokpü ngei eeteke. Mepa yemhimakiyao büpa khüei neyaongaok, hatü büpalei lakmong kübü üpayao neyangaok; büpai mongpükei büpai dük hatü longpü leiteke.

DANIEL 7:8

Mechem ngei ha vaungthü nang deihhah-ei nyupa, hatü hathü khongkü shao lebü maanpü vaung hük vam, hatü hapa shingvaishi shing linghen shelei nyupü vaung jem bhitük. Hapa vaung kü hangkulei mük kei mükthü kohshi, hatü ngam epü jubenyeijaang kohshi nyuteke.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

ISAIAH 46:10

Chongpangpülei-üng dohhen nang ngei etepih, mehe vamkahen ha aivang den mebü teteivanei etepih. “Ngelei küpjanthü peü jiükahen, hatü ngei mehe dükhen shei deih, ha peü dükhen” shei etepih.

ISAIAH 26:20

Ngelei nanglakthü, sha küpei ammi laophülei dungei shüdaituh; Kahvang mongshihpü mangpeih thahshi am kanja jodaituh.

KANDOK 19:21

Shennyakei mongkü küpjan longi temhen aok, shejao Shembüpalei mükhong-üng jiüshasha.

MENVIH KESHO 33:10

Shembüpai jatthülei küpjan kong leitüknyeih; büpai hangkuthülei mükhong bangtüknyeih.

JOSHUA 22:22

“Jeiyongpayü Kahvang! Büpayü Shembüpa! Jeiyongpayü Kahvang hih! Büpayü Shembüpa! Hami mekei dükpa, ha büpai nyingnyeih, hatü ammiyao ha nyingtuh. Hapayü khüei nevaijü Shembüpa kü hingnelemi dükpü vaijema, shinnyih ammi ham yemmü tetuhphong.

2 THESALONIKA 2:3

Hapa keiha üpaiyao amphong telutelemhü; mehenangkü mahhen demtükpü hük, khüei yaongpü shongei mangpei thahshi hatü shahkung mangpü mangvam thahshi hapa nyih nepeiküpih.

2 THESALONIKA 2:8

Hapheikü shahkung benpü hük shakei vamkahen hatü Shembüpa Jisulei ju kübü ngü vampai noei shüktükhen hatü büpa yiüpü müknyinshekhangi büpa mahtükhen.

SHAKEI VAMPÜ 13:1

Hapheikü ngei yungching leipü yemha hük vamkei-i ee, hatü büpa kü vaung an hatü shangjing nyet nyuteke, hatü hapalei vaung ieyei kü athen hükbaong thenshi nyu, hatü shangjing ieyei kü Kahvang kü thaüvaüdhemthepü menthü nyuteke.

EZEKIEL 35:13

“Ajükiyao neyingi ammi ngei khüei changmei shah epeih, hatü ha ngei dantepih.

DANIEL 5:19

Büpa kü hapakei shaopü uoshing yahshuohpü nangkü nanglakthü hatü jatthü peü hatü shahlem laolao epü shennyakthü peüi büpa kü nyemei kheühampeih. Büpai jütükhüpüthü jütük; yemmü tuhhüpüthü yemmü tuh; büpai uoshing dokpalei anshuohhüpüthü nevaijü vütükhüpüthü kü büpai mongpükei dükhampeih.

DANIEL 5:20

Shejao mechem büpa changmeiyei, mong vaanei nemei-i leipa, büpa ong uoshing kübü changtük, hatü büpalei dhüm hi ngan ngühlangpeih.

DANIEL 11:37

Büpai chebü chepai khümpü kahvangthü ne-ienelemhen, nevaijü nyühathüi kenpü kahvang kü dhüm neshuohhen, hatü mepa kahvang kao dhüm neshuohhen; mehenangkü büpayü peü mü longpeih shei deihhen.

ISAIAH 10:5

Ngei mongshihpü nyiamlüng, Assyria am onyükei! jomei lakei ngei mongshihpü lüng noshi nyüke!

ISAIAH 10:23

Temtükpü keiha Shembüpa, Jeiyong Kahvangi kahdok kemei mahtükhen.

ISAIAH 14:14

Ngei phumthü dok kü aonghen, ngei nyingi peü mü Shaopüba kei leihen” shei eteke.

ISAIAH 30:33

Ongpa jakhen shing yeihshi-üng temei nyüpeih. Hapa awbhaongü chüshi, ba longshi pü shangshi shüngshi nyüpeih. Shembüpalei ngü awkaong meli kü bahpü awlom kei vamei hapa kü aw bahhen.

ISAIAH 57:9

Amü melivungla nyiotü olive mainga notü Molekh kahvang kü khümnüng dainyüke. Amphongü kahvang yemei tailu kahdok ngoishi, hatü mahngchong thahshi laophülei shennyak shomnyüke.

EZEKIEL 28:2

Shennyak ha, “Shembüpai hapakei enyüke” shei Tyre ongpa kü eyeishuoh: “Mehenangkü nüngei mongei changmeiyei, ‘Ngeiyü kahvang hük,’ yungching jiamei ngeiyü kahvangthülei uoshing küuonyeih” shei eteke. Nüngü kahvang kei kon kohpeih shei deihjao, nüngü kahvang nevai dihen shennyak hük mon.

ZEKHARIAH 11:16

Mehenangkü ngei kahmük kü mahdaipü mi neyempü, nevaijü makaw nemeihüpü, nevaijü büm meihen het ne-ühpü, shejao ladhaok kübü shaakei büm meipü jeyei jüei hahhen mi yombü hük vamhühen.