DANIEL 11:32 - DAÜLANGPÜ LAIHING (BSI)

³² Büpai yawh-eiyangei vangpüshuwpü nebangpüthü leipü sheühpü yahhen, shejao Kahvang kü wong kohshi vaipüthüi büpa mü hokhen.

DANIEL 11:32 Referans Kwoze

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

MENVIH KESHO 9:10

Üami nüngei men nying, jomi nüng kü hinglemnyüke. Mehenangkü Oh Shembüpa, nüngi nüng yempüthü neyakphong.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

ZEKHARIAH 10:12

Shembüpa kü ngei jom wong kohhühen, hatü jom büpalei men kü kamhen shei Shembüpai enyüke.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

KANDOK 26:28

Shahshem epü yeijaangi mongkü ma yahpüthü kü jiühitnyeih, hatü yawhpüyangpü jubeni lomoh danghünyeih.

KANDOK 19:5

Shahshem denpü shuohpüthü nehanghi-i nenyupih, hatü shahshem epüthü neyangaokpih.

SHAKEI VAMPÜ 6:11

Jom peü kü bhagthuh shola hük baong shuoh, hatü jomphong jütükpükei jom mü jempü chongphobüthü, hatü jomei jeihinaü nyahinaüthü jüpü bhei-ie manglom thahshi maani danei nyuhen eteke.

DANIEL 11:21

Büpalei uoshing kü jeiyei nemeipü, ong vaihen nejiüpü shennyak hük vamkahen hatü büpa ngangahük kü peikahen hatü kon nemeipü lingei ong uoshing aetlanghen.

DANIEL 11:34

Mechem jomphong lomoh ponghenshang, sheühpü maani danghen, hatü mong kempai nevaijao jom mü omhen.

NEHEMIAH 4:14

Ngei hathü dou veikem pheikü ngei yaongei mübüthü, lakchongbüthü hatü aopü nanglakthü kü, “Jom kü tenyem. Ammei jeihinaü, hapeüthü, nyühathü hatü am shem nangjei hokpü longpü hatü nyempühanpü Shembüpa deih-ei dangtuh” shei eteke.