DANIEL 11:24 - DAÜLANGPÜ LAIHING (BSI)

²⁴ Shahvüng neshuohpü kü büpai peü mü shemmei ongching hahtükhen, hatü büpalei bühipa üpaiyao nedükpü dou dükhen. Büpai büpa phei müpüthü kü vehok kü aetpüshepü, gühpükaaipü mophimothü hanhen. Büpai chingnyü penyüshathü benhen küpjan linghen, shejao lomi büpalei hepak kemdaihen.

DANIEL 11:24 Referans Kwoze

MATHI 9:4

Shejao jomi deihpü Jisui nyingei, “Ammei mongkü mehekei ten deihnya?

DANIEL 7:25

Büpai Jaipüba Kahvang khüei ehen hatü Jaipüba Kahvangei nanglakthü kü shüveidoideihen. Büpai jomei shahkungnyüthü hatü daülangpü mohitapthü yeiyatükhen khehen, hatü Kahvangei nanglakthü büpalei vanglem phangkü vangbong jem mü hükkeishing nyuhen.

EZEKIEL 38:10

Shembüpa Kahvangi hapakei enyüke: Hapa nyih nüngei mong kü chudeih peikahen, hatü nüngi nemeipü küpjan temhen.

KANDOK 23:7

Mehenangkü büpai düngei hapalei bhei itei nyunyeih. Büpai nüng kü, “Hahtuh, yingtuh” shei ephahen, shejao büpai hayü hingshangi enyu nevaipih.

KANDOK 19:6

Longshi shingi lupülongpülei yahyang shinshang yemnyeih, hatü peüi thintho shuohbülei mongjem vaihünyeih.

KANDOK 17:8

Hanei ami yawhdou noteipeyü phongyomteipü keiha deihnyüke; hapai lemphü dükjahen shei hinglemnyüke.

NEHEMIAH 9:25

Jomi penyü showtükpü chingnyü hatü kahcheü kohpü kahdok yahhü, nüngi doumeinangmei-i maei nyupü shemthü, yungkuk meishi shotükpü, nyalingngupai kah, olive kah hatü betjük püthü changshi nyupü kaamei yahhü. Jomi moh-ei hahtü nitei nüng meipü nangkü jom mongong.

SHAHPHENBÜTHÜ 9:4

Jomphongi büpa kü Baal-Berith phopshem leipü ngin pejempüan yah-ei shuoh, hatü büpai hapa ngini büpa phei mühen shennyaktenthü shakteke.

BHEI-IE 13:20

Kahdok kü kahcheü nyüla, pünyü vunglong nyüla veituh. Hapa kahdok leipü betjük vaümei leikei.” (Hapayü shongpü nyalingngupai shümpü hepak shiüteke.)

EZEKIEL 34:14

Ngei jomphong kü thüngkon meipü shingei ühyinghen, hatü Israel kahshang shaopüthü peü jomei het hahshing leihühen; halei jom het hahshing meipülei lemlemleyei tuhhen, hatü jomi Israel kahshang leipü thüngkon meipülei hahyinghen.

DANIEL 11:23

Mih mü mongjem pongei lebü jatthü lueilemei, hatü büpa jat maanpü kü vanglem lemlangmao büpa wong kohpüba leihen.