DANIEL 11:11 - DAÜLANGPÜ LAIHING (BSI)

¹¹ Mongshih anei pehe ongching kübü Ijip ongpai Syria am mü hokhen daihen hatü veshan longi yephen, shejao büpayü mih-i neühahhen.

DANIEL 11:11 Referans Kwoze

DANIEL 8:7

Hapai mi chebaongha kü hokpü ngei ee. Hapa longi mongshih anei mi chebaongha kü hok, hatü vaung nyiphen bhagtük. Mi chebaonghai hapa mü khüei hokhen wong neshiüi lei; yum chebaongi mi chebaongha kü kahdokei doei shantü la-i shoup, hatü üpaiyao büpa neyangaok.

DANIEL 11:5

Hahepak kü pehephi kübü Ijip ongpa wong kohshi vamhen, shejao büpalei veshan mübü hük büpa mao wong kohpüba leihen, hatü büpai wong longi kohshi vanglem lemhen.

DANIEL 11:44

Hahepak kü heong hatü apsha phi leipü peipü shahjangi büpalei mong hanhühen hatü büpa mongshih-ei layaongei daiyei beneilangei shennyakthü longi jütükhen.

DANIEL 2:38

Nüngei lakmong kü kahdoknyü hangku, kahdok shak kübü yemhimakthü, hatü shangouthü peü shak kü vanglem lemhen hean shuohteke. Nüngü hon shangjing ha khih.

JEREMIAH 27:6

Shaang ngei hapa kahmükthü peü ngei chongphopü Babylon ongpa Nebukadnezzar kü shuohtüktih, hatü phaüyemthüi dangkao büpa chongphohen shuohtüktih.

MENVIH KESHO 76:10

Hangku mongshihpai nüngei men longhen mü vamnyeih; vehok kübü yangpüthü nüngei men kü mo monyeih.

1 ONGPATHÜ 20:28

Israel ongpa Ahab touei thibü hük peiyei, “Aram ami ngeiyü kahjilei Kahvang nevai, shejao shangchingthülei kahvangthü khih shei epü nangkü ngei hapa veshan khongnyü longpü nüngei lak kü shuohhen, hatü ngeiyü Shembüpa shei nüngi nyinghen” shei e.

1 ONGPATHÜ 20:13

Hahepak kü Israel ongpa Ahab touei thibü hanei peiyei, “Shembüpai hapakei enyüke: ‘Nüngi hapa veshan khong longpü eenyüla? Veituh, shinnyih ngei hathü nüngei lak kü shuohhen, hatü ngeiyü Shembüpa shei nüngi nyinghen’ shei enyüke” shei eshuohteke.

DANIEL 11:12

Mechem veshanthü yepei daihenshang, büpa changmeihen, hatü haja haja jütükhen, shejao büpa aokpü dangpeih shei nenyuhen.

DANIEL 11:40

Dohpü hepak kü Ijip ongpai büpa mü hokhen, shejao Syria ongpai büpa mü khüei alüngleple kei vehok koyeithü, koyei veshanthü hatü jahasthü müei peiyei hokhen. Büpai kahmükthü longi hahtükhen hatü bünghiyangi kei maotükhen.