DANIEL 10:16 - DAÜLANGPÜ LAIHING (BSI)

¹⁶ Hahepak kü veiheni shennyak kei, hüki ngelei ju kü hong, hatü ngelei ju apei shah ehen chongpang. Ngei touei yaongshi nyupüba kü, “Ngelei shembü, manghkhang homei ngei longi hapakei shangponghüteke hatü ngei wong kemdaiteke.

DANIEL 10:16 Referans Kwoze

DANIEL 8:15

Mechem ngei, Danieli manghkhang eepa, hapa lappü nyinghen kheteke. Hahepak kü hanei am veiheni shennyak keiha vamei ngei touei yaongküteke.

ISAIAH 6:7

Büpai hapa yah-ei ngelei ju kü hongtü, “Veituh, hapai nüngei ju kü hongteke; shaang nüngei mang lüdai, hatü nüngei mang tükteke” shei e.

JEREMIAH 1:9

Hapheikü Shembüpalei lak ngei touei peiyei ngelei ju kü hongtü e, “Shaang ngelei shah nüngei ju kü shihtepih.

DANIEL 8:27

Hanangkü ngei, Daniel mongshangpai nyih kansho hük tüngei nyu, hatü hapheikü layaongei ongpai ngei kü yahphopü dousho kü dükei dai, shejao hapa manghkhangi ngei üathamahüteke hatü ngei ha nenyingaok.

DANIEL 8:17

Hahepak kü Gabriel, ngei touei peiyei yaongküteke, hatü ngei nyempai kahdokei doei sha. Shejao büpai ngei kü, “Oh dipü mahpü hangkuli, hapa lappü nyingtuh. Hapa manghkhangü kahdoknyü dohpütenpü jung epü khih” shei e.

DANIEL 7:28

Hammü hapa nang dohnyeih. Ngei dheyao haishi nyempeih, shejao lemphü ngei ngelei mongei jaoei tuhpeih.

DANIEL 7:15

Ngei, Daniel, longi mongshanghü, hatü ngei eepü manghkhangi ngei nyemhü.

SHAKEI VAMPÜ 1:13

hatü hathü awdük shemshing jiamei ngei Shennyak Ha kei hük bhagthuh lula thuhtü hatü jaaba kü bhag-ai aitü eeteke.

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

LUK SHAHSHA APPÜ 1:64

Ngangahük kü büpalei ju ap, hatü büpalei yei laiyei Kahvang men longei shah ehen chongpang.

DANIEL 12:8

Büpai epü ngei danteke, shejao nenyingaok. Hanangkü ngei, “Ngelei shembü, hathü mekei dohhen hatü ha kübü mehe vamkahen?” shei pheteke.

DANIEL 9:21

ngei shelei manghkhang kü eepü Gabriel, ombaong kü moila shuohpü hepak kü ngei touei piyei shühküteke.

EZEKIEL 33:22

Ha ya om kü hapa shennyak peishekü Shembüpalei laki ngei kü shong, hatü hapa shennyak nepphei dhom mü peishekü büpai ngelei ju aphüteke hatü shah ne-e-i nenyuaoki nyu.

EZEKIEL 3:27

Shejao mechem ngei nüng mü shah ehenshang, ngei nüngei ju apphahen, hatü nüngi jomphong kü, ‘Shembüpa Kahvangi hapakei enyüke’ shei eshuohhen. Banghüpü ami hapa banghen, nebanghüpü ami hapa yaktükhen; mehenangkü jomphongü khüei yaongpü shennyakthü nyüke.”

EZEKIEL 1:26

Jomei shangnyüshang leipü nyiam athen kei thuhpü shangei sapphir douvang yaongi lingpü ong uoshing hük nyu, hatü hapa shangkü veiheni hangkulei deiaei kei hük uoshi nyuteke.

CHONGVENBÜ 1:18

Mehenangkü meshükpa kihikon nyeinya dang, hajükpa mongshang nyüke; Meshükpa nyeinya nying, hajükpa mongtok nyüke.

SHAHPHENBÜTHÜ 13:8

Hahepak kü Manoah-i Shembüpa kü, “Shembüpa, nüngi shompü Kahvang shennyak shao ham touei shomshih, hatü anghen nyupü naü mekei jungeilangei laonghen ha ham kü nyuhshih” shei phopei e.

SHAHPHENBÜTHÜ 6:15

Gideoni jangei, “Shejao Shembüpa, ngei mekei etü Israel am yangaokhen? Ngelei phangü Manasseh kü peü mü wong nekohpü hatü ngeiyü ham shem kü peü mü maanpü shennyak khih” shei e.

SHAHPHENBÜTHÜ 6:13

Gideoni jangei, “Shejao longpüba, Shembüpa ham mü nyujema, mehekei hami henüng ponghahpa? Hamei bühipai ham kü thamabenüng hajük eküpeyü melei daipa? Shembüpai ham Ijip leipü müei neleiangpü je? Shejao shaang Shembüpai ham yakphong, hatü Midian amei lak kü ham shuohtükteke” shei eteke.

JOSHUA 5:14

Hapa shennyaki, “Mepayao nevai, shejao ngeiyü Shembüpalei veshan mübü hük leshi peipeih” shei e. Hahepak kü Joshua-i dhüm huei büpalei dhe thaungei shatü, “Büpa chongphobü kü Shembüpai mehe shahjang ehüpa?” shei khümei phe.

MÜLANGPÜ 4:13

Shejao Mosai, “Oh Shembüpa, chingmeilemlingei hanei am jeiyei shomtuh” shei e.

MÜLANGPÜ 4:10

Shejao Mosai Shembüpa kü, “Peihdaipü nyih kü nevaijü shaang nüngi nüng chongphobü kü shah elangmao ngei shah mechemao meishi ne-eaok; mehenangkü ngeiyü shah üngpü hatü youngmü epü shennyak hih” shei e.

DANIEL 4:19

Hahepak kü Daniel (üpa kü Belteshazzar sheiyao nyüknya) kansho hük longi üaei shah ne-e-i nyu. Hahepak kü ongpai, “Belteshazzar, hapa mangh hatü hapa lappai nüng tejü-ü” shei e. Belteshazzari jangei, “Ngelei shembü, hapa mangh hatü lappü kemei nüng kü nevai; nüngei vepathü kü nyemjiüdai shei deihnyüke!

DANIEL 8:18

Büpai ngei kü shah eshingkü ngei kahdok kü dhe shüshi shomei doteke; hahepak kü büpai ngei kü düktü phukei yaonghütü,