DANIEL 10:14 - DAÜLANGPÜ LAIHING (BSI)

¹⁴ Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

DANIEL 10:14 Referans Kwoze

DANIEL 8:26

Dhom hatü omthü nang manghkhang nih-ei epeyü jiükahen. Shejao nüngi hapayü mongei jaoei tuhtuh; mehenangkü ha jiükahen shao hepak luangi nyüpeih.”

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

HABAKKUK 2:3

Mehenangkü ittükpü hepak shingvaishi shao-üng manghkhang hük nyüke; Hapayü dohpütenpü nang enyüke; hatü ha shahshem nevai. Hapayü pheidaijoong dantuh, hapa hingmei jiüshasha, nepheidaipih.

DANIEL 12:9

Büpai jangteke, “Daniel, nüng leidaituh; mehenangkü hathü shahthü dohpü mangngoi thahshi joei küpei tuhtuh.

DANIEL 12:4

Shejao nüng, Daniel, dohpü hepak mangngoi thahshi hapa lai küptüktuh hatü füoshang shingtüktuh. Longshi shingi hamebü hammü shei mehe vamnya ha nyinghüei longteihen.

MIKA 4:1

Dohpü nyih kü hapa vamkahen: Hakei-üng Shembüpalei phopshem kahshangü peü mü shaopü kahshang leihen; Kahshangthü peü khongkü shaoshi linghen, hatü shennyakthü halei bhümei shühen.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

SHAHKÜP 4:30

Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

KAHBHAO 49:1

Hapheikü Jakobi chehathü peü kü nyüktü, “Ngei shonei thaikei, hatü ngei ngoikahen nyih kü mehe vamkahen ngei ha amphong kü ephüshah” shei e.

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

2 TIMOTI 3:1

Dohpü nyih kü shangpong yakyingpü hepak peikahen, nüngi ha nyingtuh.

DANIEL 10:1

Cyrus ongpai Persia kü vanglem lempü vangbong jempabü kü Daniel (üpa kü Belteshazzar sheiyao nyüknya) touei shah hük shakei vam. Hapa shah-ü shahhing hatü hapayü vehok jung shiüteke. Hapayü büpa kü manghkhang kü nih-ei eshuohteke.

DANIEL 9:22

Büpai ngei kü, “Daniel, ngei nüng kü nyingaok danaokhen kihikon shuohhen peiküpeih” shei ephüteke.

SHAHKÜP 31:21

hatü mechem shanghah longi jom kü peihen hapa kesho-i jom khüei denpü vaihen, jomei hühihathüi hapa nebetükhen. Shaang mebü ngei jom kü lahpü kahdokei müei mangpei shekü-üng jomi mehe dükhen shei deihnya, ha ngei nyingnyüke.

SHAHKÜP 31:29

Ngei didaipheikü amphongü yahlak neshiüi tendaihen hatü ngei epü shahkung kübü lepdaihen khih shei ngei nyingnyüke. Ngoikahen nyih kü am kü shanghah peikahen; mehenangkü ammi Shembüpa touei mang dou dükhen hatü ammei laki lingei büpa mongshihhühen.

EZEKIEL 12:27

“Shennyak ha, ‘Büpai eepü manghkhangü vangbong longi pheikü jiühen nang hih; büpai pheilei ngoikahen nang mon eenyüpeih’ shei Israel am phangi enyüke.”

DANIEL 8:16

Hahepak kü Ulai yungyen homei hangkulei ngeü hüki, “Gabriel, hapa shennyak kü büpai eepü manghkhang nyinghen nih-ei eyeishuoh” shei nyüktü epü ngei dan.

BHEI-IE 24:14

Shaang ngei ngelei nanglakthü touei nyokei leidainyeih, shejao Israel ami pheilei ammei nanglakthü kü mehe dükphahen ngei leidai shekü hapa shahvüng ephüshah:

EZEKIEL 38:16

ngelei nanglak Israel am khüei kahdok kü phumnyaki jümpükei peihen. Shompülei ngelei kahdok khüei ngei nüng müei peihen, Oh Gog, shejüang mechem ngei nüng homei ngelei daülangshemshepü jomei müki eeshi huhenshang jatthüi ngei nyinghen.