DANIEL 1:17 - DAÜLANGPÜ LAIHING (BSI)

¹⁷ Ha nethethü jom ali kü Kahvangi nyingpühingpü, laiyung, hatü lemphü yao-aokhen kihikon shuoh. Ha mü chemi, Danieli mangh hatü manghkhang lemphüli tetei eaokteke.

DANIEL 1:17 Referans Kwoze

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

1 ONGPATHÜ 3:12

nüngi mehe yiü, ha ngei nüng kü shuohhen. Ngei nüng kü kihikon hatü mang hi mei nyingaokpü kon shuohhen; shelei nüng kei üpayao nenyuhampeih; hatü nüng pheikao nüng kei üpayao nechongkahen.

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

JOB SHAHSHA APPÜ 32:8

Shejao hapayü shennyak hükei laanghai hatü Jeiyong Kahvangi danaokpeyü shuohnyu khih.

DANIEL 2:23

Ngei nüng kü vihnyeih, hatü dhüm shuohnyüpeih, Oh hamei bühipa amei Kahvang: Nüngi ngei kü kon hatü ngan shuohnyüpeih, hatü hami nüng kü mehe yüpa, ha nüngi shakei vamei huphüteke, Nüngi ham kü ongpalei mangh shakei vamphüteke.”

KOLOSI 1:9

Ha vaipü nangkü hami ha danpü nyih kübü hami am shingvaishi laangha kihikon hatü nyingpühingpü peü kü Kahvangi mongpü nyingpühingpai am mahen nangkü yüei phoppü nedohnyih.

KANDOK 2:6

Mehenangkü Shembüpai kihikon shuohnyüpeih; Büpalei ju kübü nyingpü, hatü danaokpü kon vamnyüpeih;

PHONGSHANTHÜ DOU 6:10

Shejao büpa mü shah epü kihikon hatü Laangha mü jomi khangteiyei neaok.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

PHONGSHANTHÜ DOU 7:22

Hanangkü Mosa kü Ijip amei kihikon lemphü nyuh, hatü büpa shah hatü dou kü longi wong kohshi nyuteke.

DANIEL 10:1

Cyrus ongpai Persia kü vanglem lempü vangbong jempabü kü Daniel (üpa kü Belteshazzar sheiyao nyüknya) touei shah hük shakei vam. Hapa shah-ü shahhing hatü hapayü vehok jung shiüteke. Hapayü büpa kü manghkhang kü nih-ei eshuohteke.

EZEKIEL 28:3

Nüngü Daniel mao nahpeih shei deihnyu je? Nüng touei mehe doujo-ao joshi nenyuaokhen je?

2 SHÜPPÜKENGPÜ 26:5

Zekhariahlei nyih kü Kahvang kü nyemhen nyuhpü nangkü büpai Kahvang yem. Büpai Shembüpa yempü thahshi Kahvangi büpa kü moihiman.

BHEI-IE 12:6

“Ngei epü bangtuh: Mechem am mü thibüthü nyuhen, ngei jom touei manghkhang homei shakei vamnyüpeih; Ngei jomphong mü mangh kü eteinyüpeih.

PHONGSHANTHÜ DOU 7:10

hatü shanghah peü kübü büpa yang, hatü Ijip ongpa Pharaoh touei yaongshingkü büpa kü bamhahhen mü hatü kihikon huaokhen mü leihüpeih; hanangkü ongpai Ijip kü, hatü jomei shemong kempü kü vanglem lembü vaihen büpa jepeih.

DANIEL 7:1

Babylon kü Belshazzar ong vaipü shongpü bong kü Danieli mangh hük mangh hatü yanüng manghkhang hük eeteke. Büpai hapa mangh nyangteke:

DANIEL 2:19

Ha ya-üng hapa shahjo Daniel kü manghkhang hük kü shakei vamhü, hatü büpai vangsho Kahvang kü men vihteke.

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

ISAIAH 28:26

Büpalei Kahvangi mekei dükhen meishi nyuh-ei nyüke.

CHONGVENBÜ 2:26

Kahvangi büpa monghahhüpü shennyak kü kihikon, nyingpühingpü hatü mongong shuohnyeih, shejao mang shennyakü mop thaiyei yowhen hatü Kahvang monghahhüpü shennyak kü shuohtükhen dousho shuohnyeih. Hapayao angsha, vanglük phei changteipü mon khih.

2 SHÜPPÜKENGPÜ 1:10

Ngei hathü nanglak shak kü vanglem lemhen kihikon hatü nyingpühingpü yahshih; hei nevaijema mekei etü hajükpü nüngei nanglakthü kü vanglem lemaokhenang?” shei e.

1 ONGPATHÜ 3:28

Mechem Israel am kemei-i ongpai shahphen shuohpü danpa, jomi ongpa kü dhüm longi shuoh; mehenangkü büpa kü shahhingi vanglem lemhen Kahvang leipü kihikon nyüke shei nying.

DANIEL 8:1

Belshazzar ong vaipü bong jempabü kü, shongpü manghkhang pheikü shao ngei nyipabü manghkhang hük eeteke.

DANIEL 5:14

“Nüng kü kahvangthülei laangha hatü yaoaokpü, danaokpü hatü nyeinya kihikon nyüpüja shei ngei danpeih.

2 SHÜPPÜKENGPÜ 1:12

ngei nüng kü kihikon hatü nyingpühingpü shuohnyeih. Shao ngei nüng kü ha kü üei üpa ongpaiyao nüng shekü nedangpü hatü nüng pheikao nedanghen mophimo hatü vangdhüm longpü shuohhen” shei e.

DANIEL 1:4

Jomü nethe meipü, büm kü eela neshiüpü, sholi meipü, nyingpü shennyak, lomi shouk yao-aokpü, hatü ong uoshingei chongpho aokshampü jehen eteke. Ashpenaz-i jomphong kü Babylon amei laiyung hatü shah nyuhhen eshuohteke.

DANIEL 1:18

Mechem ongpai jomphong müei deihen itpü hepak ngoipa, lakchongbü shopübai jom peü Nebukadnezzar touei müei dei,

DANIEL 1:20

Ongpai mehe mehe shangkü phejao hatü mehe mongshang ejahenshang ongching kempü kü nyupü thibüthü hatü phongyompüthü mü jomphong-üng shing an meipüba chongjateke.

DANIEL 2:30

Shejao ngei kü ha shah shakei vamhüpeyü ngei mih mü hayaoha nyeinya kihikon kohpü nangkü nevai, shejao Oh Ongpa, nüng hatü nüngei mongkü peipü mongdeih nyinghen shingvaishi ngei kü ha shakei vamhüpeih.

DANIEL 4:6

Hanangkü ngei Babylon am tetpüvanpü shennyakthü peü ngei touei peiyei ngei kü mangh lappü tetei nyem-epha shei ngeükhüam shuohteke.