CHONGVENBÜ 9:3 - DAÜLANGPÜ LAIHING (BSI)

³ Peü kü aihük lashüh-i beannyüke, hatü vanghenyü phangkü vampü peü kü hayü mang. Nyeinya vaishi, peüei mongdang kü mangi maei nyüke; jom yemmü nyupü thahshi jomei mongdang kü ngapüyoipü nyüke, hatü hapheikü jom didaikemnyüke.

CHONGVENBÜ 9:3 Referans Kwoze

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

CHONGVENBÜ 8:11

Mechem hangku sho mahtükpü kü lomi hanghi neshuohhenshang, hangkuthülei mongkü ten dükhen temnyüpeih.

CHONGVENBÜ 1:17

Ngei nyingi kihikon hatü ngapüyoipü jung nyinghen shingvaishi mong shuohteke, shejao hapayao vanglük phei changteipü mon khih shei ngei nyingpeih.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

2 PETER 2:16

shejao büpai pungei dükpü nangkü shah ne-epü gadui büpa kü lohshuoh, hatü thibülei ngadou nedükhüi yepei tuh.

PHONGSHANTHÜ DOU 26:24

Mechem Pauli büpa nang eyei nyupa, Festus-i, “Paul, nüng ngadainyu khih! Ahshi nyingpai nüng ngadainyu khih!” shei e.

PHONGSHANTHÜ DOU 12:23

Shejao büpai Kahvang kü müknyinshekhang neshuohpü nangkü ngangahük kü Shembüpalei vangsho phongshani büpa kü bhei, hatü büpa laongi hah-ei di.

LUK SHAHSHA APPÜ 15:17

Shejao mechem büpa mong hüngei deihpa, büpai laophü nyingi e, “Opalei shemei nang shapüthüyü hahtao aoei nyüpeih, shejao ngeiyü hatouei aeipai dinyu khih!

LUK SHAHSHA APPÜ 6:11

Shejao jomphong mongshih, hatü jom hüki hük mü jomi Jisu kü mehe dükhenang shei shah shüktei.

CHONGVENBÜ 12:7

kahdoki lingpü büm kahdokei leidai shekü, hatü Kahvangi shuohpü laangha büpa touei manglüdai shekü nüng Lingbü deih-ei dangtuh.

CHONGVENBÜ 9:2

Daülangpü hatü mang, meipü hatü nemeipü, daülangshemshepü hatü nedaünelangpü, moila shuohpüthü hatü moila neshuohpüthü peü aihük lashüh-i beannyüke. Shennyakmeithü kü keiha mangthü kao, vangpüshuwpüthü kü keiha vangpüshuwpü neyahpüthü kao vamnyüke.

CHONGVENBÜ 7:25

Hanangkü ngelei mongi kihikon yemhen, hatü ha yaoei nyinghen shingvaishi kihikon hatü doulemthü peü yemei danghen, hatü nemeipü mang hatü ngapüyoipü meheshang ha nyinghen kheteke.

KANDOK 14:32

Nemeipüthüyü jomei douteni vüdainyeih, shejao daülangpüthüyü jom dishingkao loishing dangnyeih.

MENVIH KESHO 51:5

Hingmei, ngei bühshing kao mang nyu; Onyüi ngei kopü hepak kao ngei mang nyuteke.

JOB SHAHSHA APPÜ 15:16

Shejema mekei etü hajük maanpü shennyak ten hatü mangi madaipü, yung keiha mang yingpü shennyak daülangi nyuaokhen?

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

PHONGSHANTHÜ DOU 26:11

Hepak longshi shingkü ngei Sinagog hük leipü hük thahshi jom hanghihühen longteihampeih, hatü jom vaipü jom nyingi sheyü nevaipih shei ehühen ngei khehampeih. Ngei ahshi-üng jom kü mongshihpü nangkü ngei jom hanghihühen nangkü mih kung kahdok leipü chingnyüthü leiyao daiyei shüveihampeih.

KAHBHAO 6:5

Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

CHONGVENBÜ 2:14

Ngapa hüki vangnyak kü kamshing kü kon kohpü shennyak kü sholi kü mük kohshi nyüke, shejao jiji nyiphen kü aihük lashüh-i dhaümnyüke shei nyingpeih.

CHONGVENBÜ 7:2

Mo shemei dailei meyü mahng shemei daipü-üng meipüba; Mehenangkü hapayü peü shingvaishi dohpü nyih nyüke, hatü yemmü nyupüthüi mongei jaoei tuhhen vongbong.

CHONGVENBÜ 9:4

Shejao yemmü nyupüthü mü ompüthü kü monglemhen nyüpeih; mehenangkü didaipü mailang meyü yemmü nyupü shi-üng meipeih.

JEREMIAH 16:12

Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

JOB SHAHSHA APPÜ 9:22

Hapayü peü aihük vaipü nangkü, “Büpai nemeipao meipao aihük mü mahtüknyu khih” shei ngei enyüpeih.

JOB SHAHSHA APPÜ 21:26

Shejao jom peü aihük mü kahmongei vütüknyeih, hatü peü laongi hahtüknyeih.

MENVIH KESHO 64:7

Shejao Kahvangi jom kü lahhani kaphen; jom ngangahük kü ma yahhen.

CHONGVENBÜ 9:11

Vanghenyü phangkü ngei lemhük eetepih: Mokteipeyü la shangpü am shing mon nevai, nevaijü vehokü wong kohpü am shing mon nevai; hahyingü kon kohpü am shing mon nevai; mophimo-ü nahpü am shing mon nevai, bampeyü lahhinpü am shing mon nevai, shejao hepak hatü lashüh-i jom peü kü jiühünyeih.