CHONGVENBÜ 8:13 - DAÜLANGPÜ LAIHING (BSI)

¹³ Shejao mangthüi Kahvang kü nenyempü nangkü jom meishi nenyuaokhen hatü jomei yangnyu den vangdhüm laang keiha shohdaihen.

CHONGVENBÜ 8:13 Referans Kwoze

CHONGVENBÜ 6:12

Vangdhüm laang kei peihdaihen kanja yangnyu kü shennyak hükei yangnyu shingvaishi mehe mei, ha üpai nyingaokhen? Vanghenyü phangkü büpa didaipheikü mehe vamhen ha üpai büpa kü eaokhen?

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.

JOB SHAHSHA APPÜ 14:2

Chü hük leshi pungnyüke, hatü laaidainyüke; vangdhüm laang kei lüdainyüke, hatü kansho hükao nenyunyu.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

ISAIAH 57:21

Nemeipüthü shingvaishi chingmei neshiü” shei ngelei Kahvangi enyüke.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

JAKOB 4:14

Shejao ngenyih mehe koei peikahen nyingei neshiü. Yangnyu-ü meheang? Mehenangkü amphongü kansho hük mon eetü mahdaipü ngü khih.

JOHAN 5:29

hatü haleipü paoei vamkahen; mei dükpüthü yangnyuyem touei yangei leikahen, hatü mang dükpüthüao nyonghühen shingvaishi yangei leihen.”

ISAIAH 30:13

hapa mangü am shingvaishi longi shaopü bham bhaokei ngangahük kü laampükei nyukahen.

MENVIH KESHO 144:4

Jomphongü ngü keiha; jomei nyihthüyü vangdhüm laang lüdaipükei nyüke.

MENVIH KESHO 55:23

Shejao Oh Kahvang, nüngi hathü kahsha chüpülei hütükhen; iy yenhüpü hatü lupülempüthü jomei yangnyu hükkei shingao nenyupih. Ngei payü nüng kü hinglemnyeih.

MENVIH KESHO 39:5

Nüngi ngelei yangnyu nyih-ü lakkham maani mon ling; ngelei yangnyu nyih-ü nüng touei kong khih. Peüei yangnyu-ü ngü keiha nyüke.

MENVIH KESHO 11:5

Shembüpai daülangpüthü hatü nemeipüthü kü dokei veinyeih, dehilao kü bampüthü kü büpalei laanghai jiühitnyeih.

JOB SHAHSHA APPÜ 21:30

Nemeipüthü ang vongshüh nyih kü, hatü Kahvang mongshihpü kübü yangdainyüke.

JOB SHAHSHA APPÜ 20:5

Nemeipü amei mongongmongleyü shohloh-i mon nyunyüke, hatü Kahvang nenyingpü amei mongongü kansho hük shing mon;

JOB SHAHSHA APPÜ 18:5

Hingmei-üng, nemeipü amei vangngai metdainyeih, hatü büpalei aw nebah-i dohdainyeih.

CHONGVENBÜ 3:14

Kahvangi dükpü lemphüli denden kü nyukahen shei ngei nyingnyüke; ha kü meheyao ühen neaok, hatü haleipü yahlanghen neaok. Hangkui büpa kü dhüm shuohhen shingvaishi Kahvangi ha dükpeih.

CHONGVENBÜ 5:7

Ahshi mangh manghpü hatü shah ahshi epü kemei angsha, shejao Kahvang kü nyemshi nyutuh.

CHONGVENBÜ 7:15

Hapa ngelei angsha yangnyu kü ngei lemphüli eetepih: Daülangpü shennyaki laophü daülangshemshepü kü-üng sho mahnyeih, hatü nemeipü shennyaki mang kü hepak luangi nyupü eetepih.

CHONGVENBÜ 7:18

Hük kü shoungei yahhen meipeih, hatü hükpa-ao veyei tedeishih. Üpai Kahvang nyemnya, büpai beiyei nyeipü peü kübü yannyüpeih.

CHONGVENBÜ 8:8

Hangku üpa kao laophülei laangha shoungei tuhhen ngan neshiü; Nevaijü üpa kao laophü dihen nyih kübü yangaokhen wong neshiü. Hapayü üpaiyao nekeüaokpü vehok hük, nevaijü mangi hapa dükpüthü neyangaokpih.

ISAIAH 65:20

Hajük kü halei aküngnaüha dipütoipü nenyukahen, nevaijü den nelui dipü bahijei nenyukahen. Üpai bong kho hük lomei dihen, hapayü nethe dipükei deihhen, hatü üpai bong kho hük nelomi dihenshang büpayü thaüvaü homei khih shei deihhen.

MENVIH KESHO 37:1

Mangthü nyupü nangkü mongteshang; ten dükpüthü kü mük tehüh;

JEREMIAH 44:10

Shinnyih thahshi jom nyingi maanpü nelei nevaijü dhüm nehunyu, nevaijü ngei am hatü ambü ampa mü tuhpü ngelei shahkung hatü vanglem kü nemünyu.