CHONGVENBÜ 7:8 - DAÜLANGPÜ LAIHING (BSI)

⁸ Lemphüli pangpü leimeyü dohpü-üng meipüba, hatü changmeipü leimeyü nenteiaokpü-üng meipüba.

CHONGVENBÜ 7:8 Referans Kwoze

HEBREW 10:36

Mehenangkü ammi nenteiaokpü nadang; shejüang mechem ammi Kahvangi mongpü dükhen, mehe lah, ha ammi danghen.

KANDOK 14:29

Nenteiaokpü shennyak hük kü danaokpü longi nyüpeih, shejao lomi mongshihpü shennyaki ngapü shakei hunyüpeih.

1 PETER 1:13

Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

JAKOB 5:11

Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.

JAKOB 5:8

Amao munentuh. Ammei mong wong kohtuh; mehenangkü Shembüpa peikahen yopailei nyüke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

LUK SHAHSHA APPÜ 21:19

Am munenpai ammei laangha yanghen” shei e.

KANDOK 16:32

Ve hokbü vaileimeyü nenmünyupü-üng meipüba; chingnyü hük hahpü meyü laophülei mongshih ungei aokpü-üng meipüba.

KANDOK 15:18

Mongdang nemeipü shennyaki dehilao vamhünyeih, shejao nenteiaokpü shennyaki dehilao nentükhünyeih.

LUK SHAHSHA APPÜ 16:25

Shejao Abrahami e, “Hapeü, nüng yemmü nyushingkü nüngi nüngei heanmei dangpü deihtuh, hatü Lazari nemeipü hean dangpeih. Shejao shaang büpa nyiushemmei kü nyüke, hatü nüngü hanghi kü nyüke,

KANDOK 28:25

Hahnempü shennyaki dehilao vamhünyeih, shejao üpai Shembüpa kü hinglemhen, lemphü anghen.

KANDOK 13:10

Changmeipai dehilao vamhünyeih, shejao mih-i venpü yahpüthü mü kihikon nyüpeih.

EPHESIA 4:2

Nenteiaokpü, inyainyempü hatü peü munenpai bampü kü hüki hük mü nenteituh,

CHONGVENBÜ 7:1

Menmeiyü vong meipü meli mao meipüba, hatü bühpü nyih leimeyü dipü nyih-üng meipüba.