CHONGVENBÜ 7:5 - DAÜLANGPÜ LAIHING (BSI)

⁵ Ngapalei kesho kü banglei meyü kon kohpü shennyaki lohpümangpükü bangpü-üng meipüba.

CHONGVENBÜ 7:5 Referans Kwoze

MENVIH KESHO 141:5

Daülangpüthüi ngei kü bheihütuh; hinglempüthüi ngei kü yeanhütuh. Nemeipüthülei mainga-i ngelei shangjing kü tenyiohü; mehenangkü düngei ngei phoppeyü jomei douten khüei nyüpeih.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

KANDOK 13:18

Taohinang hatü lomoh aühaü peü venlepüthü shing nyüke, shejao yeanpü kü lipü shennyaki dhüm dangnyeih.

KANDOK 27:6

Vepa hüki om kü jüppü longi heühen, shejao küphü hüki ma yahphopeyü meipü-üng.

KANDOK 17:10

Ngapa hük kü kho hükpa bheitü eteipü meyü kon kohpü shennyak kü chem mon lohshuohpü-üng nyeinya chüpüba nyingnyeih.

KANDOK 13:13

Üami nyuhpüvenpü yaktüknya, laophü nyingi mahhen koei peihahnyüke, shejao üami shahkungnyü kü dhüm shuohnya, thintho danghen.

KANDOK 9:8

Nemeipü am kü nüngi teyeantei; büpai nüng kü jiühitphahen; kon kohpü shennyak kü yeaneishuoh, büpai nüng kü bamphahen.

MENVIH KESHO 69:12

Ngeiyü penyüshalei uopüthüi la eteihen shennyak leidaiteke, nükchokyiümok ami ngei jung eshi kesho vennyüke.

KANDOK 6:23

Mehenangkü shahkungnyü-ü awdük, nyuhpüvenpü hatü ungei-aeihen, yeanei epeyü yangnyu lemshong.

KANDOK 25:12

Nyinghahhüpü shennyak kü kon kohpü shennyaki lohpeyü honchü, hatü hon-ow kei nyüke.

CHONGVENBÜ 7:4

Kon kohpülei mongdangü mahng shemei nyunyeih, shejao ngapalei mongdangü mohitap shemei nyunyeih.

CHONGVENBÜ 9:17

Ngadaiphei vanglem lembüi leneiwongei epü meyü, kon kohpü shennyaki nümei epü kü lihen nyüke.

CHONGVENBÜ 12:11

Kon kohpülei shahthüyü mi yombüi mithü kü atteipü lenshuoh leshi nyüke, hatü thaiyei tuhpü kandok shahthüyü wongshongi appü kojal kei nyüke.