CHONGVENBÜ 7:4 - DAÜLANGPÜ LAIHING (BSI)

⁴ Kon kohpülei mongdangü mahng shemei nyunyeih, shejao ngapalei mongdangü mohitap shemei nyunyeih.

CHONGVENBÜ 7:4 Referans Kwoze

HOSEA 7:5

Ongpalei mo nyih kü jomi jomei ongthü, hatü lakchongbüthü yiüi chokei ngahünyüke; Büpai eelapüthü mü büpalei lak khaainyüke.

DANIEL 5:30

Ha ya-üng Babylon ongpa, Belshazzar jütükteke,

JEREMIAH 51:57

Ngei jomei lakchongbüthü, hatü kon kohpü shennyakthü, jomei governor, mübüthü hatü veshanthü yiüi chokhühen; Jom den kü shidaihen hatü nepao-aokhen shei Ongpa, üpalei men, Jeiyong Shembüpa nyüpa, büpai enyüke.

JEREMIAH 51:39

Mechem jom paokahen, ngei jom kü mo hük temhen, hatü yiüi chokhühen, hatü jom nyiyeiwaei vaüei eehen, hatü nepao-aokhen mü den shing shidaihen shei Shembüpai enyüke.

ISAIAH 21:4

Ngelei shangjing shinnyüke, nyempai ngei kheünyüke; Om dhükahen shei ngei ongyangei nyujü hapai ngei kü nyempühanpü koei peiteke.

1 ONGPATHÜ 20:16

Ben-Hadad hatü büpa mü sheühteipü ongthü hapüanpünyi jomei paümtapei yiüi chokdaikemtü nyupü hepak kü Israel am hamhah pheikü layaongei dai.

2 SAMUEL 13:28

Hahepak kü Absalomi büpalei chongphobüthü kü, “Amnoni mechem yiüi chokei mongongshi chongkahen veituh, hatü mechem ngei amphong kü, ‘Amnon jütuh’ shei ephahenshang, büpa jütuh. Am tenyem; ngei ngeükhüam shuohnyeih; monglongtuh hatü wong kohtuh” shei e.

1 SAMUEL 30:16

Büpai David müei yiüjashingkü Philistia hatü Judah leipü mophimothü longi yah-ei leipü nangkü moeitapei, haheiyingei yaüshi nyuteke.

1 SAMUEL 25:36

Mechem Abigaili Nabal yemei leijapa, büpayü shemei ongpa kei moei chongjateke. Büpayü yiüi chokdaitü mongnyü mongha ongshi chongjateke, hanangkü pinnyüi büpa kü vang mangngai thahshi meheyao ne-eshuoh.

NAHUM 1:10

Jomphongü hühhihang kü hühhen, hatü jomei yiüi chokhen; Jomphongü hahtang kei awi hahtükhen.

CHONGVENBÜ 2:1

Ngei ngelei mongei monghamshi nyuhen, hatü mongongpü hayü mehe shangkü yemei danghen shei deihhahteke. Shejao hapayao angsha khih shei ngei nyingaok.

CHONGVENBÜ 7:3

Nyipü leimeyü mongmangpü-üng meipüba; Mehenangkü mongmangpü dheyü mongdang shingvaishi meipeih.

CHONGVENBÜ 7:5

Ngapalei kesho kü banglei meyü kon kohpü shennyaki lohpümangpükü bangpü-üng meipüba.