CHONGVENBÜ 7:13 - DAÜLANGPÜ LAIHING (BSI)

¹³ Kahvangi dükpü deihhümao; büpai kaokshi lingtükpü üpai laüei lingaokhen?

CHONGVENBÜ 7:13 Referans Kwoze

CHONGVENBÜ 1:15

Mehe kaoktük ha kanghühen neaok; mehe nenyu ha bhei-ie kü shihhen neaok.

JOB SHAHSHA APPÜ 12:14

Kahvangi shaaktükpheikü üpaiyao hapa lingei leihen neaok. Büpai khoklatei küptükpü üpaiyao hapa laihen neaok.

ISAIAH 5:12

Jomei mohitap kü harp hatü lyre vüngei, tambourin hatü liping vüngei nyunyüke, shejao jomi Shembüpalei douthü kü ieyeilemei neshiü nevaijü büpalei lakdouthü kü dhüm shuohpü neshiü.

CHONGVENBÜ 3:11

Büpai lemphüli hepak vangpan kü jiüshi veinyuhüshi lingei tuhteke. Büpai hangkulei thentoimongdang kü peihdaipü hatü ngoikahen nang nyinghen mongdeih shuohteke, shejao Kahvangi chongpangpü kübü dohpü ngoishi mehe dük, ha kemei yaohen neaokpih.

EPHESIA 1:11

Büpalei shahnying hatü mongpü aimü douthü peü jiühüei büpalei mükhong aimü jenphong jeyei yahpai Khrista kü jenphong mükjüp yahpü am leihüteke.

ISAIAH 14:27

Jeiyong Shembüpai temtükpü kü üpai bangaokhen, Büpai lak shihhen nojü üpai hapa lak leitükaokhen?

MENVIH KESHO 107:43

Kon kohpüthüi ha nyingei lituh, hatü Shembüpai bampü deih-ei dangtuh.

ROM SHAHSHA APPÜ 9:19

Shejema amphongi ngei kü, “Shejema mehekei büpai shaang thahshi mang yepnya? Kahvangi mongpü üpai bangtükaokhen?” shei ehen.

ROM SHAHSHA APPÜ 9:15

Mehenangkü büpai Mosa kü enyüke: “Ngei phahjihüpüba kü ngei phahjihen; ngei shinshanghüpüba kü ngei shinshanghen.”

ISAIAH 43:13

Ngeiyü Kahvang, hatü aivang den mebü nedoh-i “Ngeiyü Büpa” nyukahen. Ngelei lakmong leipü üpayao yanghen neaok; ngei mehe dük, ha üpaiyao yeiyanüng neaok.

JOB SHAHSHA APPÜ 37:14

Oh Job, hapa banghümao; Kahvangi dükpü thamapü douthü nentü deihhümao.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

MENVIH KESHO 8:3

Mechem ngei nüngei laki lingpü vangshothü, hatü lennyü lithathü deih-ei danghen,

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

JOB SHAHSHA APPÜ 11:10

Büpa peiyei nüng yepei khoklatei hüphongtü shahphenhen shahthai nyükjü üpai büpa kü khüamaokhen?

JOB SHAHSHA APPÜ 9:12

Büpai aetlangjü üpai büpa kü bangaokhen? “Nüngi mehe düknya” shei üpai pheaokhen?

CHONGVENBÜ 8:17

Kahvangi dükpü dou lemphüli ngei eeteke; üpaiyao vanghenyü phangkü mehe vamnya, ha neyao-aoknyu. Hangkui hapa yemei dangnüng shei khejao hangkui hapa lappü nenyingaok. Kon kohpü shennyaki ngei peü nyingnyeih shei ejao, büpai hingmei mü hapa yaoei neaokpih.

LUK SHAHSHA APPÜ 12:26

Shejema ammi hapa keipü maanpü dou dangkao nedükaokjema ha mü lendaipü dou nangkü mehekei mongshangnya?