CHONGVENBÜ 6:8 - DAÜLANGPÜ LAIHING (BSI)

⁸ Ngapa mü nyeishi kon kohpü shennyaki mehe nanglei dangnya? Mih touei mekei dükhen ha nyinghahpai taopai mehe nanglei nyüpa?

CHONGVENBÜ 6:8 Referans Kwoze

KANDOK 19:1

Shahshem eshi ngapa hük vaileimeyü, shahhing eshi taopa vaipü-üng meipüba.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

CHONGVENBÜ 5:11

Meshükpa mop ang, hajükpa ha hahtükhen vamnyeih. Müki eepü mü lenei hapa angpü shembü kü mehe nanglei nyüpa?

MENVIH KESHO 116:9

Yemmü nyupü kahdok kü ngei Shembüpa mü kamnyeih.

MENVIH KESHO 101:2

Eela neshiüpü lem ngei yemhen; ngei mechem ha danghen? Ngelei shemei ngei mongdang daülangi nyuhen.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

CHONGVENBÜ 6:9

Napükenpü jung deih-ei longtei leimeyü mehe ang, ha kü hüshemei nyupü-üng meipüba. Hapayao angsha; vanglük phei changteipü mon khih.