CHONGVENBÜ 6:6 - DAÜLANGPÜ LAIHING (BSI)

⁶ Büpa bong haja nyi nyulangmao laophüi angpü mop kü hüshemei nenyu. Jijiphen shing hükei nedainyu je?

CHONGVENBÜ 6:6 Referans Kwoze

CHONGVENBÜ 3:20

Peü kemei shing hükei dainyeih; peü kahdoki ling, hatü peü kemei kahdok leidaihen.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

JOB SHAHSHA APPÜ 30:23

Nüngi ngei ditükhühen, hatü hangkuli peü shing temtükpü shingei ngei mülanghen shei ngei nyingnyüke.

JEREMIAH 17:6

Büpayü bhih kahdok leipü phenha kei, nyiushemmei peishingkü büpai hapa ne-eehen. Büpayü bhih kahdok shaampü shingei, hatü üpaiyao nenyupü hüm kahdokei nyuhen.

ISAIAH 65:22

Hajük kü jomi vepü shem kü mih nenyuhen, nevaijü jomi sheipü mih-i nehahhen. Pü hükei den lupü keiha ngelei nanglakthü yangnyu shoshoshi nyuhen.

ISAIAH 65:20

Hajük kü halei aküngnaüha dipütoipü nenyukahen, nevaijü den nelui dipü bahijei nenyukahen. Üpai bong kho hük lomei dihen, hapayü nethe dipükei deihhen, hatü üpai bong kho hük nelomi dihenshang büpayü thaüvaü homei khih shei deihhen.

CHONGVENBÜ 12:7

kahdoki lingpü büm kahdokei leidai shekü, hatü Kahvangi shuohpü laangha büpa touei manglüdai shekü nüng Lingbü deih-ei dangtuh.

CHONGVENBÜ 6:3

Shennyak hükei hapeüthü kho hük nyuhen aok, hatü bong longi nyuhen aok, shejao büpa bong meshük shangkü nyulangmao büpai angpü mophimo kü hüshemei nenyujema, hatü büpalei mahng dangkao meishi nevüjema, büpa leimeyü shaang bühpü aküngnaüha-üng meipü khih shei ngei enyüpeih.

MENVIH KESHO 34:12

Am üami yangnyu nanya, hatü mei dangei nyih longi mongongshi nyuhen üami lümnya?

JOB SHAHSHA APPÜ 7:7

Oh Kahvang, ngelei yangnyu-ü ngü heepü mon shei deih-ei dangtuh; ngelei müki hajük kü mongongpü ne-eehen khih.

JOB SHAHSHA APPÜ 1:21

hatü eteke: “Nyüei vom mongeipü ngei bümkong pei, hatü ngei bümkong haleipü daihen. Shembüpai shuohteke, hatü Shembüpai yahlangteke; Shembüpalei men longtuh.”

KAHBHAO 5:5

Peüshep Adami bong 930 nyutü büpa di.

CHONGVENBÜ 2:14

Ngapa hüki vangnyak kü kamshing kü kon kohpü shennyak kü sholi kü mük kohshi nyüke, shejao jiji nyiphen kü aihük lashüh-i dhaümnyüke shei nyingpeih.

CHONGVENBÜ 6:5

Hapai vanghenyü ne-eejao nevaijü meheyao nenyingjao, hapa shennyaki dükpü dou meyü büpalei nyiumei-üng nyeishi nyüke.

CHONGVENBÜ 7:2

Mo shemei dailei meyü mahng shemei daipü-üng meipüba; Mehenangkü hapayü peü shingvaishi dohpü nyih nyüke, hatü yemmü nyupüthüi mongei jaoei tuhhen vongbong.

CHONGVENBÜ 9:2

Daülangpü hatü mang, meipü hatü nemeipü, daülangshemshepü hatü nedaünelangpü, moila shuohpüthü hatü moila neshuohpüthü peü aihük lashüh-i beannyüke. Shennyakmeithü kü keiha mangthü kao, vangpüshuwpüthü kü keiha vangpüshuwpü neyahpüthü kao vamnyüke.