CHONGVENBÜ 6:3 - DAÜLANGPÜ LAIHING (BSI)

³ Shennyak hükei hapeüthü kho hük nyuhen aok, hatü bong longi nyuhen aok, shejao büpa bong meshük shangkü nyulangmao büpai angpü mophimo kü hüshemei nenyujema, hatü büpalei mahng dangkao meishi nevüjema, büpa leimeyü shaang bühpü aküngnaüha-üng meipü khih shei ngei enyüpeih.

CHONGVENBÜ 6:3 Referans Kwoze

JOB SHAHSHA APPÜ 3:16

Nevaijü mehekei hepak mangngoi-i angpü naü keiha, nevaijü vangngai mang-eepü aküngnaüha kei ngei nejophongpa?

JEREMIAH 22:19

Gadu mahng vüpü keiha büpalei mahng vühen; büpayü Jerusalem penyüsha haolei shüei daiyei yaktükhen.

CHONGVENBÜ 4:3

Shejao ha nyi mao meipeyü mangbüh mangpaümpüthü khih. Üami vanghenyü phangkü mang dou dükpü ne-ee, hathü-üng meipü khih.

2 ONGPATHÜ 9:35

Shejao mechem jomi pinnyülei mahng vününg heihjapa, shangjing vangkong, lakvang lavang mü lenei meheyao aoei nechongja.

KAHBHAO 47:9

Jakobi Pharaoh kü, “Ngei paüeiyonei longteipü vangbongü kho hük mü hapüan hih. Ngelei yangnyu-ü obü opa am longteipü kü shetteijü maani hatü ponghah-ei nyupeih” shei e.

MATHI 26:24

Shennyak Hayü büpa nang nyangei nyupükei lüdaihen, shejao üpa homei Shennyak Ha luhahhenshang onyükei! Büpa shingvaishiyü nebühpü-üng meipüba” shei e.

JEREMIAH 36:30

Hanangkü Judah ongpa Jehoiakim nangkü Shembüpai hapakei enyüke: Büpa kü jeiyei David ong uoshing kü uohen hahimoi hükao nenyuhen, hatü büpalei mahngü nyihnüng vanghenyü sham kü hatü yanüng vangsho nyien kü haihühen mü noei deiyei yakphonghen.

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

KANDOK 17:6

Viüpa hük shingvaishi hapeüthüyü hon athen, hatü hapeüthülei müknyinshekhangü jomei nyühipathü.

MENVIH KESHO 58:8

Jomü shepshungi ouy nyiojü maanei leidaipü keiha, mahng mü bühpü naü vangngai ne-eepü keiha nyuhütuh.

ESTHER 7:10

Hanangkü Mordekai jühen nangkü lingpü anshai pülüng shangei jomphongi Haman bakla kü bheanei jü. Hahepak kü ongpa mongshihpü meidai.

ESTHER 5:11

hatü Hamani büpalei mophimo, hapeüthü meshük ang, hatü mekei büpa kü dhüm shuoh-ei ongpai büpa laphen dokpa kü anshihpa, hatü mekei lebü lakchongbüthü mao dokpüba laphen kü anshihpa, ha jung changmeiyei eteke.

2 SHÜPPÜKENGPÜ 11:21

Rehoboami chenyühathü hatü yiüphüthü peü mü Absalomei yiükha Maakah kü nyeishi bam. Büpa nyüha anpüshet hatü yiükphü pejem nyuteke, hatü yeshang hapüshet hatü yiükha pejemei pa nyuteke.

1 SHÜPPÜKENGPÜ 28:5

hatü Shembüpai ngei kü shuohpü hapeü longi nyupü khongkü büpai Israel shak kü Shembüpalei ongching ong uoshing kü uohen ngelei hapeü Solomon jeteke.

2 ONGPATHÜ 10:1

Shaang Ahabei chehathü jom pejempüan thahshi Samarialei nyu. Hanangkü Jehu-i lai nyangtü Jezreel leipü lakchongbüthü, behethü hatü Ahabei chehathü yombüthü kü Samarialei shomteke.

KAHBHAO 33:5

Hapheikü Esau chiyei veishingkü nyüha hapeüthü eeteke. “Nüng mü leipü hathü üamang?” shei phe. Jakobi, “Hathüyü nüngei chongphobü kü Kahvangi phahjiyei shuohpü hapeüthü khih” shei e.

CHONGVENBÜ 6:4

Mehenangkü hapayü angsha kü peinyüpeih, hatü shangmang kü mahdainyeih, hatü shangmangi hapalei menü küplangnyeih.

JOB SHAHSHA APPÜ 3:11

Mehekei bühshingkü ngei nedidaipa, nevaijü naü uoshing kübü vamshingkü nedidaipa?